كام واحد حصله كدة في عربيته بعد ما حط صورها عالمنتدي ؟

**maruti** · 06-04-2012 03:17 AM

المشاركة الأصلية كتبت بواسطة maserati

السلام عليكم و رحمة الله و بركاته

ياااااااااااااااااه, ايه ده !!!!!!!!!!:b4_444:

بتمشوا على 180 و 200كم و حاجات عالية أوى, ايه ده, ده أنا عربيتنا البيجو ال505 مو1980 القديييييييييييمة التعبانة الهلكانة بتجيب ال120 كم بطلوع الروح !!!!!!!!!!:b4_444:

آه, تمشوا على 180 و 200و 260 كم كمان, مانتوا راكبين صواريخ مش عربيات !!!!:b4_444:

اللى راكب فانتازيا و اللى راكب bmw و اللى معاه سيفيك و اللى بيلعب بكورولا, أنتوا بتجيبوا العربيات دى منين !!!!!!!!!!!:b4_444:

أنا مش بحسد و لا حاجة, أنا بس مستغرب يعنيييييييييييييى:b4_444:

ياللا, بالشفا, كل واحد يخلى باله من نفسه.

اهدا علينا يا عم الحج هههههههههه
متروح تسدلنا امريكا ولا اسرائيل شوية يمكن يحصل فيها اي مصايب تاخدهم ويروحو في داهية هههههههه
ساعتها هتكون بطل

**me_medoo** · 06-04-2012 03:19 AM

هههههههه. كانت من اجمل مسرحيات محمد صبحي
وعجبني الي عاوز تحسدو ابعتلي ال cv بتاعووووو. حلوه وملعوبة

واه ياعم انا الي معايا وصلين قوي انتا فاكر حسني مبارك تنحى كده بالساهل ولاهو راقد في فرشتوو من شوية. ده ابن عمتي وبركاتوووو ههههههههههههه

**me_medoo** · 06-04-2012 03:37 AM

الناس سابت الموضوع وقاعدت تتفرج على مسرحية محمد صبحي ومن اولهم انا ياه من زمان متفرجتش عليها هههههه

**mohamedkordy** · 06-04-2012 03:50 AM

انا فى واحد صحبى متغاظ منو اوى ناوى اصور عربيتو وارفعها على المنتدى مش حوصيكوا يا شباب :)

**حماده المصري** · 06-04-2012 03:51 AM

كام موقف كده على السريع حصلوا معايا

اول ما اشتريت النيو اكسنت واقف في الزحمه لقيت شويه شباب وافين ايه ده ياعم هي دي النيو اكسنت اه تصدق هيا دي شكلها جميل والكلام ده طبعا كنت شاريها اول مانزلت في 2006 ومحدش كان يعرفها لسه ولا كانت منتشره

مفيش ثواني تاكسي دغدغلي الباب

قاعدين على القهوه وكان معايا عربيه النترا كنت برضو لسه شاريها كاانت موديل ال 2005 وكلهم كانوا العربيه عجباهم لانها طبعا احلى النترا نزلت مفيش قومت ادور العربيه مدارتش وجابت بطاريه

موقف بقى كنت انا فيه شخصيا صديق ليا جاب صني زيرو ف انا من جوايا وانا راكب معاه عجبتني العربيه والله العظيم دعيتلوا كان العربيه بتاعتي مش بتاعته قولت في سري يارب يباركه فيها وكاني بدعي لنفسي مش لصديقي

والحمد لله بدون اي تعب وبدون معرف ازاي لقيت نفسي بشتري صني برضو مع ان الصني من العربيات الي بحبها بس مكنش في دماغي اني اشتريها لاني كنت وقتها بدور على النترا تاني

**S O P H O S** · 06-04-2012 03:53 AM

متابع

**semi** · 06-04-2012 03:53 AM

العين حق
ده شئ اكيد ومش لازم يكون الحسد نتيجة حقد لكنه انواع
في العين تتمنى يكون عندك زي اللي عند غيرك
او الحسد وهو حسد الشخص على ما لديه بدون تمنى امتلاك نفس الشئ
او الحقد وهو تمنى زوال ما لدى الشخص الاخر لانه لا يستحقه

ويمكن ناس كتير تستغرب من العين وانه حرام فعلا لما تبص على حاجه تقول انا مش بحسده
انا نفسي بس يكون عندي زيه لا قول الحمد لله وما شاء الله

**me_medoo** · 06-04-2012 03:58 AM

المشاركة الأصلية كتبت بواسطة حماده المصري

كام موقف كده على السريع حصلوا معايا

اول ما اشتريت النيو اكسنت واقف في الزحمه لقيت شويه شباب وافين ايه ده ياعم هي دي النيو اكسنت اه تصدق هيا دي شكلها جميل والكلام ده طبعا كنت شاريها اول مانزلت في 2006 ومحدش كان يعرفها لسه ولا كانت منتشره

مفيش ثواني تاكسي دغدغلي الباب

قاعدين على القهوه وكان معايا عربيه النترا كنت برضو لسه شاريها كاانت موديل ال 2005 وكلهم كانوا العربيه عجباهم لانها طبعا احلى النترا نزلت مفيش قومت ادور العربيه مدارتش وجابت بطاريه

موقف بقى كنت انا فيه شخصيا صديق ليا جاب صني زيرو ف انا من جوايا وانا راكب معاه عجبتني العربيه والله العظيم دعيتلوا كان العربيه بتاعتي مش بتاعته قولت في سري يارب يباركه فيها وكاني بدعي لنفسي مش لصديقي

والحمد لله بدون اي تعب وبدون معرف ازاي لقيت نفسي بشتري صني برضو مع ان الصني من العربيات الي بحبها بس مكنش في دماغي اني اشتريها لاني كنت وقتها بدور على النترا تاني

هههههههههه ياعم احمد برضو انتو في قسم نيسان مدلعين نفسيكم اشي تقارير واشي عيد ميلاد واشي لقاء زاشي حفلة واخراها هتزيعو لقائتكم على الهوى انا مستني بقة تزيوعها على العوى علشان افرج ابن عمتي على لقاء القمة بتاع صقور نيسان. هههههههههه ارحمو نفسيكم شوية ، انا بهزر طبعا بسم الله مشاء الله عليكم

**volex74** · 06-04-2012 04:11 AM

واضح ان الناس عندها فوبيا من الحسد وكل الى بيحصل دة قضاء وقدر ملهاش دعوة واحد بصلك او
انبهر بحاجة عندك
وبعدين انا لو عمال احسب على كل حاجة دة حسدنى دة لا مش هخلص

سيب كل حاجة على ربنا و توكل