عملت تجديد للعفشة الحمد لله لانسر 98
الحمد لله كنت ناوى اعمل شوية صيانة فى العربية بس كنت مستنى سيولة مادية والحمد لله قمت بالتالى
وكانت النتائج جميلة جدا جدا وكان التجديد كالتالى :
تغيير عدد 2 مقص امامى كامل تايوانى الواحد بــــ 170
تغيير عدد 2 مساعد كامل بالبطاحة بالياى استراد الواحد بــــ 250
بس قبل ما يركبهم اشتريت بنزين وجبت جردل برة الورشة وفضلت انضف فيهم من التراب والطين ال فيهم وخليتهم جداد
تغيير عدد 2 بيض تيش دركسيون نوع يابانى اسمة 555 والله مش فاكر ثمنهم
وقبل ما يركب غسلت الشمعدان بالبنزين وشحمتة بنفسى
طبعا الصنيعى كرة نفسة منى بس اهم حاجة شغلى يعجنى شخصيا
تغير قاعدة الموتور التمن بــ 130 تيوانى
تغيير قاعدة الفتيس بــ 120 تيوانى
تغيير فلتر الهواء بــــ 40 جنية صينى
تغيير فلتر بنزين بــ 25 جنية صينى
وبعد ما خلصت شغل العفشة
روحت للميانيكى وظبط التاكيهات عشان الصيف وعمل شيك على سير الكاتينة وكان كويس
بعد كدة روحت لسروجى عشان كنت اتخنقت من الفرش المتبهدل
وعملت فرش جلد كامل العربية بــ 700 جنية
عربتى لونها كوحلى فكنت عايز لون يليق عليها ولقيت فى النت ان البنى ومشتقاتة بيليق جدا
فعملت للون الفرش بيج فاتح وبيج غامق
والحمد لله على كدة شغل مدة 3 ايام
والخطوة القادمة ان شاء الله عشان هجدد الرخصة محتاج ادهن العربية
وبفكر اعمل حاجة جديدة وادهن لون كحلى مط
وربنا يستر فى التكلفة
تــــــــــــــــــم
حتى تجديد اللون