ما هو انسب موتور ديزل يتسقط للشروكى !؟

**Rommel** · 06-04-2012 12:42 AM

ما هو انسب موتور ديزل يتسقط للشروكى 95 ويكون بفتيس غرز والكوارين والضفيرة ؟؟
وياترى يكون كام سعر الموتور بلتركيب ؟
ومين احسن واحد فى مصر ممكن يقعد الماتور بفتايس الغرز بدون ادنى مشكل ؟؟
ارجو الافادة وشكرا مقدما

**Ahm662** · 06-04-2012 01:44 AM

المشاركة الأصلية كتبت بواسطة rommel

ما هو انسب موتور ديزل يتسقط للشروكى 95 ويكون بفتيس غرز والكوارين والضفيرة ؟؟
وياترى يكون كام سعر الموتور بلتركيب ؟
ومين احسن واحد فى مصر ممكن يقعد الماتور بفتايس الغرز بدون ادنى مشكل ؟؟
ارجو الافادة وشكرا مقدما

السلام عليكم ......والله يا باشا أنا في القصة دي برضه أنا عايز اسقط ايسوزو ‏5.‏2 تربو ديزل دفع رباعي بس في داتسن .اللي يفيدك بجد في الحكاية دي أستاذ مينا في قسم الدفع الرباعي هو مسقط ‏8.‏2 تربو ديزل دفع رباعي برضه بس في رانجلر بس لو عربية حضرتك شيروكي يبقي صعب شوية لأن علي حد علمي الشاسيه بتاعها علب مش زي الرانجلر .استني رد الخبراء في الموضوع ده و بالأخص أستاذ مينا لأنه مجرب القصة دي

**Ahm662** · 06-04-2012 01:50 AM

بص سلي نفسك كده و دور في قسم الدفع الرباعي أو الأمريكي (مش فاكر اوي يعني) هاتلاقي موضوع لاستاذ مينا كاتب فيه تعديل عربيته الرانجلر و واحدة ثانية جي أم سي اقراهم وشوف كده ايه النظام

**Rommel** · 06-04-2012 01:56 AM

اشكركم جميعا ,انا بلفعل قريت المواضيع القدمة بس ملكتش حاجة فيها عن تسقيط ماتور بفتيس الغرز للشروكى

**HESHAM_SAYAD** · 08-04-2012 09:15 PM

باشا انا ليه رائى لو تسمحلى السولر اصبح الان صعب الوصول ليه وطوابير ووجع قلب جامد يعنى مش ميزة الان
وعلى العموم انا كنت بااتكلم مع الاستاذ مينا باخذ رائيه فى شراء شروكى واتكلمنا عن الموضوع ده وكان رائيه افضل ماتور سولر الايسوزو وده راكب لعربية رانجلر وبما ان حوض الرنجلر والشروكى زى بعض يبقى يركب ان شاء الله على الشروكى وربنا يوفق ان شاء الله

**samyyousef** · 08-04-2012 09:24 PM

ممكن تحول غاز
افضل من تغيير الموتور

**Rommel** · 08-04-2012 10:42 PM

طب ياترى ماتور الايسوزو دة سعرة وتكلفة تركيبة كا م؟

**Ahm662** · 09-04-2012 12:48 AM

السعر من ١٢٠٠٠لحد ١٨٠٠٠ علي حسب الموديل و نوع الموتور عادة ولا تربو بس النضيف في حدود ١٨

**M!NA** · 09-04-2012 10:27 AM

ممكن تسقط موتور ديزل في الشيروكي.... و ممكن تشتغل معاك دفع رباعي..... بس طبعا ساعتها هنبقا بنعمل عربية من أول و جديد....
بمعنى أن الموتور القديم هيترمي.... بالفتيس و الكنترول و الضفيرة و كل حاجة.....

و يتجاب موتور جديد.... بفتيس عادة و غرز (فتيس يكون بتاع الموتور) و يتقعد الموتور و كذلك الفتيس... بعدين تتعمل ضفيرة كهربا للإزاز و الأنوار الخ....

بس المشكلة أن الشاسيه العلب مش هيستحمل شدة الرجرجة بتاعت الموتور الديزل... و اللي أحيانا بيكسر شاسيهات فردتين... ما بالك علب يعمل فيها ايه؟؟ و خصوصا عند الدوارة و الطفي.... رجته بتكون شديدة جدا جدا....

عشان كدا أنصحك بالآتي.... (لو مصمم تركب حاجة ديزل و تكون ملاكي)

تبيع الشيروكي اللي معاك على حالها.... و تستفيد بالفلوس اللي هتجيبها..... و تشتري شيفروليه فرونتيرا (بأسوأ حالة مفيش مشكلة)
و نعمل فيها موضوع تسقيط الموتور ده.... عشان شاسيهها يستحمل لأنه فردتين.....

بالنسبة لمكان شراء الموتور و الفتيس و اختيار الموتور المناسب و تسقيطه و تفصيل الضفيرة و كل التفاصيل ديه.... ماتقلقش منها خالص.... دي ان شاء الله ربنا يقدرني و أفيدك فيها.....