أولا مبروك على اللقب الجديد :)
ثانيا تقصد اللاند كروزر التعلب ؟
عرض للطباعة
او ممكن تبص على الفورتشنر
في منها موتورين بس مش فاكر كام و كام بس تقريبا 4800 و 5200 و تقفيل مصري هتبقى سعرها في الحنين و تويوتا عاوزة تنجحها
أنا كنت زمان عندي اعتراض عليها.... من ناحية الطول و الشكل
العربية طويلة جدا.... و كنت خايف معرفش أمشي بيها في شوارع ضيقة..... لكن في نفس الوقت عرضها مش كبير و تصميمها من ناحية كسرة العجل و زواياك و انت بتحود.... تخليك حاسس أنك راكب عربية صغيرة و مع الوقت و التعود هتلاقي نفسك بتعمل بيها كل حاجة.....
نيجي للمنظر الخارجي... لو لونها اتغير للون زي الكحلي أو السيلفر الميتاليك .... هتبقا شيك جدا
الكنبتين اللي ورا بيتغيروا ب 5 كراسي والكرسيين اللي قدام بيتغيروا بكراسي طيارة
شوية شغل يخلوها أشيك من عربيات كتير.... بالإضافة لمميزاتها اللامتناهية
ديزل - دفع رباعي 2 تانك سعة الواحد 90 لتر - يعني ماشي معاك 180 لتر سولار - بصراحة عمري ما حسيت بأزمة السولار خصوصا أني كنت بقول التنكين و أملا 3-4 جراكن.....فكان ممكن أقعد بالشهرين مش محتاج أفول تاني :)
عفشتها سوست ورق ورا و قدام.... يعني لا فيه مقصات تتكسر ولا سوست حلزون ولا أي حاجة من الكلام ده.....
يعني لو عايز تمشي على شريط قطر من هنا لأسوان بدون مبالغة... مفيش أي مشكلة....
مفيهاش أي نوع من أنواع الحساسات و لا الحاجات اللي ممكن تبوظ أو تعطل
قطع غيارها منتشرة جداااااا و موجودة في التوكيل و مش غالية (مثلا جوز مساعدين ورا ب270 جنيه الاتنين) من توكيل تويوتا العباسية
كل اللي بتحتاجه أنك تغير زيت و فلاتر في الميعاد..... و امشي انشالله مليون كيلومتر مش هتقولك لأ
موضوع شيق جدا .... متابع معلومات اللاند كروزر التعلبة ... و ياريت لو فيه معلومات عن الفئة 80 و الفئة 100