طيب حضراتكم قلتوعيوب السيدات ممكن بقى نشوف عيوب الرجال؟؟
عرض للطباعة
طيب حضراتكم قلتوعيوب السيدات ممكن بقى نشوف عيوب الرجال؟؟
طب قولي حضرتك ايه عيوب الرجاله من وجهه نظرك لان مفيش حد بيحكم علي نفسه بموضوعيه
أعتقد ان العيب عند الطرفين فعدم فهم طبيعة اسيدات من جانب الرجال و العكس لو كل واحد فهم طبيعة الأخر ممكن المشاكل تقل شوية
اكيد بس ياريت تقولي لينا عيوبنا ايه و نتحاور يمكن نتوصل لحلول وسط
- بعض الرجال انانيين جدا مبيشفوش غير طلباتهم وبس
- بعض الرجال عنيهم زايغة
- بعض الرجال مبقوش الرجال اللى بتحلم بيها كل فتاة
- كل الرجال العرب بيتعاملو مع المرأة على انها اقل منة ودايما يحسسها بأنها مهما عملت مش ممكن توصل لمستواه فى جهات كتيرة
- بعض الرجال أخدو الحديث الشريف "النساء ناقصات عقل و دين" بمعناها الحرفى ودايما بيقلوها للبنت
- بعض الرجال بيعتبروان شغلة المرأة فى الحياة هى الطبخ و التنظيف و تربية الأولاد والبيت لازم يكون البيت نظيف جدا وفية اكل و الولاد نضاف و عاملين مذاكرتهم و اكلو طبعا و فنفس الوقت بيشتكى منها انها مش زى هيفاء وهبى
- بعض الرجال بيحبو يظهروا رجولتهم على حساب زوجاتهم قدام اهلة وبيبان فتصرفات و تعليقات مهينة ليها قدام اهلة و بيفهم ان كدة بقى راجل
متفق معاكي في كل النقاط اللي ذكرتيها الا
لا معلش بلاش تجميع قولي بعض الرجال و انا عن نفسي عمري ما بعمل كده الا لما اتلاقي البنت اللي قدامي تستاهل كده فعلا و اظن معظم البنات المصريات يستاهلوا كده فعلااقتباس:
كل الرجال العرب بيتعاملو مع المرأة على انها اقل منة ودايما يحسسها بأنها مهما عملت مش ممكن توصل لمستواه فى جهات كتيرة
عندك حق هو مفيش تجميع على حاجة لأن لكل قاعدة شواذ بس بشوف الكلام دة كتير جدا
أسمحى لى يا Dora أرد على الكلام دة ....
- فى رجالة أنانيين و فى بردوا ستات أنانيين جدآ جدآ ....
- فى رجالة عنيهم زايغة و فى بردوا ستات عينيها زايغة و يندب فيها رصاصة وبتبقى متجوزة وتحب تتعاكس من دة و من دة (خلينى ساكت لأنى شفت بلاوى) ....
- فى بنات كتيييييييييييييييييييييير مينفعش يكونوا فتيات أحلام لأى حد عاقل فى الدنيا لأنهم مش بنات أصلآ (بردوا خلينى ساكت لأن عينيا باظت من المناظر اللى بشوفها كل يوم دى) :,:
- فى ستات بردوا بتتعامل مع جوزها على أساس أنها أحسن منة و خصوصآ لما يكون مستواها التعليمى أفضل ....
كليشيهات بتستعملها معظم الستات:
1_طيب:- هذه الكلمه تسدخدمها المرأه علشان تنهى الكلام وانت لازم تسكت وتقفل بقك ونصيحه منى لو البنت قالتها لازم تختصر الكلام
2-ولا حاجه :- وهذا الهدوء يسبق العاصفه ودى يعنى مصيبه ولو سمعتها لازم توقف على رجلك وتستعد للى هايحصل
3- لاعادى:_ وهى من اخطر التصريحات يمكن ان تقولها المراه للرجل وتعنى ان المرأه تريد التفكير مطولا وبعمق قبل ان تجعلك تدفع الثمن غاليا
4- براحتك:_ هذه كلمه تحدى وتحذير وبالبلدى كده اعمل اللى انت عايزه واستحمل اللى هايحصلك
5- لا شكرا:_يعنى ان الغضب قد وصل الى حده وقرب الانفجار وسوف تحل عليك اللعنه قريبا ان ان شاء الله
6-اهاااااا :_ يعنى انها كانت شاكه ف حاجه وانت اكدتها يعنى م الاخر حاول تلطف الجو قبل ماتجيب اجلك
براحه يا ردااااااله شويه احسن هتطفشوهم من المنتدى
بصراحه مزودينهه اليومين دول وعموما لا الرجاله طليقين الستات ولا الستات طايقين الرجاله فأحسن حاجه شيل ده من ده يرتاح ده عن ده ودمتم