تصحيح بسيط
الأودي 2000 تيربو 211 حصان
عرض للطباعة
تصحيح بسيط
الأودي 2000 تيربو 211 حصان
ذهبت اليوم إلى توكيل bmw على الطريق الدائري ، وطبعا فوجئت بمركز الخدمه و صالة العرض وحجم الإنشاءات (بصراحه المكان مصروف عليه) ، دخلت على صالة العرض وطلبت أتفرج على x3-2000CC ، قام واحد من المبيعات وركب معايا السياره وشرح لي بالتفصيل إمكانيات العربيه والمواصفات ، وجلست معاه حوالى ساعه نتكلم وما كونته عن السياره كالتالى:
1- التقفيل والتجميع مصري.
2- الأوبشن بالمقارنه بالأودي Q5 ضئيله جدا جدا ، ( بداية من الفرش -جلد صناعي- والأبنوس غير موجود ، والجنوط 18 وموديل واحد فقط ، الشنطه منيوال مش أتوماتيك زي الأودي ، الإناره مش زينون ،لا يوجد كميرا خلفيه فيها،ال GPS لا يعمل ، الألوان محدده فى ثلاث أو أربع ألوان ، والفرش الداخلي إما أسود أو بيج فقط وما ينفعش أطلب إسبشيال أوردر أو أغير فى المواصفات أو الكماليات الموجوده فى العربيه حسب ما قال لي المسئول عن المبيعات -لان ده خط تجميع ماشي وما ينفعش أغير فيه) ، وأنا عندي أوكتافيا فانتازيا 2011 فيها والله مواصفات أعلى من منها
3- السعر مبالغ فيه مقارنة بالأوبشن الحقيقي الموجود في الكاتالوج الخاص بالسياره -420000 ، ومقارنة بالأودي Q5 ، وسعرها 499000 يعني الفرق حوالى 79000
4- تحدثت مع أخي فى دبي وقال لي العالم دي بتهرج ، التوكيل هنا بتروح وتطلب منه تغير فى بعض المواصفات الموجوده بالسياره (اللون أو فرش السياره أو GPS أو الجنوط) ، ويقوم بتوفيره للعميل.
5- وبناء على المحادثه إستقر أخي الأودي ، وأنا إن شاء الله سوف أذهب لتوكيل الأودي وأشوف السياره مره أخري
بصراحه الX3 بالمواصفات والكماليات الموجوده بها كتير أوي عليها 420000، يعني فى رأي 350 ألف أو 370ألف مناسب ليها وللكماليات الموجوده بها
السلام عليكم
أنا بصراحة متردد بقالى كام يوم أكتب المشاركة دى و لا لأ...........أنا مش خبير و خصوصاً فى أودى.
من فترة كنت بدور على عربية أشتريها فى الإمارات و من ضمن العربيات اللى كانت قدامى كان فيه bmw 320 موديلات 2007 و 2008 و أودى a4 2.0 موديلات 2007 و 2008 برضه.
على الأقل فى عربيتين من الأودى اللى شوفتهم كان فيهم نفس المشكلة اللى هقولك عليها دى......
أنا بقول 2 على الأقل لأن دول اللى متأكد منهم 100% لأنهم كانو فى نفس المكان اللى بتفرج فيه.
العربيتين بالمناسبة كانو ماشيين أقل من 100 ألف كم.
المشكلة كانت أن فيه صوت تكتكة غريب بيطلع من الموتور و كان فيه برضه تسريب زيت من الموتور من فوق على الأقل فى واحدة من الأتنين.
أنا مش عارف هل هى مشكلة معينة فى أودى و لا جايز فى مواتير ال 2000 سى سى بس ولا المشكلة فى مواتير 2007 و 2008 و تم حلها بس حبيت ألفت نظرك ليها.
Memo (1).m4a - 4shared.com - online file sharing and storage - download
اللينك ده فى ملف صوت كنت مسجله ساعة ما كنت بتفرج على العربية علشان أسأل على الصوت ده سببه أيه.
الصوت فى الأول هتلاقيه مكتوم لأنى كنت بسجل من جوة العربية و بعد كده هتسمع صوت بتاع تنبيه أن الباب مفتوح..........ساعتها أنا نزلت و فتحت الكبوت علشان أسمع الصوت أحسن و هتلاقى فعلاً أن الصوت بقى أكثر وضوحاً.
و تانى بأكد عليك............أنا مش خبير و معرفش الصوت ده أيه.........أنا بس علشان سمعته فى أكتر من عربية نفس الموديل قولت أحذرك منه.
و بالتوفيق إن شاء الله فى الإختيار الأنسب ليك.
شكرا جزيلا جزيلا على الإهتمام ، أنا اليوم ذهبت إلى التوكيل فى العبور لثاني مره ، وشاهدت العربيه عندهم ، العربيه طبعا فرق كببببببببببببببير جدا (بمعني الكلمه) ، من حيث الكماليات و الألوان ، بصراحه مقارنه ظالمه جدا بين الأودي Q5 وX3 المصري ، وأنا شايف إن سعر الأودي مناسب جدا عليها وعلى الكماليات اللي موجوده فيها (500000 أول فئه ، 600000 الهاي لاين) بالمقارنه بسعر البي إم x3 المبالغ فيه(420000 للهاي لاين)
بصراحه أنا إستخرت ربنا وكلمت أخويا وقولت له الأودي وتوكل على الله وإستخير ، ومنتظر رده علي ، وربنا يكرم إن شاء الرحمن :_Alshmokh22[1]: