استفسار من اهل الخبره فى عالم السيارت ارجوا الافاده فى المقارنه بين
اوبل كورسا 2012 و نيسان تيدا 2012
وياريت تكون المقارنه كامله من كل الجوانب وشكرا مقدما للمشاركه
عرض للطباعة
استفسار من اهل الخبره فى عالم السيارت ارجوا الافاده فى المقارنه بين
اوبل كورسا 2012 و نيسان تيدا 2012
وياريت تكون المقارنه كامله من كل الجوانب وشكرا مقدما للمشاركه
انا بقول تيدا احسن توكيل و قطع غيار و انتشار و اعاده بيع ووسائل امان كويسه و عفشه ناعمه بس السحب و الثبات و الاداء في صالح الاوبل و كمان التيدا شكلها اتغير بس لسه منزلش مصر و لو مش فارق معاك اوي الموتور و السرعه فكر في بونتو عربيه ممتازه
التيدا عملية اكتر من ناحية قطع الغيار والانتشار الخ
لكن الاوبل افضل فالباقي زي الثبات الخ
افضل الاوبل لكن العيب التوكيل
توكيل نيسان افضــــــــــــــــــــــ ـل بكثير
فعلا زي ما قال الشباب، التيدا عملية أكثر وقطع غيار أقل وتوكيل محترم جدا، الكورسا ممتااااازة بس قطع غيار ناااااار وتوكيل سيء جدا (منصور) لكن طبعا فخامة وأداء ممتازين
رأيي الكورسا افضل فى
1- الثبات
2- الشكل الخارجى والخامات الداخليه
3- سمك الصاج
4- معدل الامان
5- الكماليات بفرق كبير
6- شكل جديد بقالو سنه بس
التيدل افضل فى
1- الوسع
2- العفشه طريه
3- الموتور 1600 و صوته اهدى وسحبه افضل قليلا
4- سعر اعاده البيع يمكن تكون افضل من الاوبل
انا من خلال تجارب سابقه مع الكورسا الشكل اللى قبل الجديد ده على طول على طول قطع الغيار ارخص من اليابانى فى التوكيل والخدمه مش سيئة زى مالناس بتقول, انا كنت بتعامل مع اخوان مقار المركز المعتمد من منصور فى الدقى وكانو ظراف جدا
بص انا بقالي في المقارنة دي شهر تقريبا
مشكلة الكورسا الوحيدة لو قارنتها با عربية سوبر ميني في مصر (ايفو،تيدا،بولو،فورد فوكس) هي عدم الانتشار مما يضعك تحت رحمة التوكيل وفي واحد علي قسم اوبل بيقول ان قطع الغيار فيها حاجات مش موجودة فالتوكيل
غير كده العربية تتفوق بجدارة
الكورسا بدأت تبيع
أنا ماجربتش الكورسا الجديدة بنفسي ... بالتالي هقيم حسب الريفيوهات بالنسبة للكورسا لكن التيدا أنا عارفها كويس.
التسارع .. تيدا
الثبات .. كورسا
كماليات .. كورسا
خامات و تقفيل و عزل .. كورسا
اتساع داخلي .. تيدا
قطع غيار .. تيدا
توكيل .. تيدا
صاج و متانة .. كورسا
* رأيي الشخصي : لو عايز عربية عائلية اعتمادية و مش فاضي تروح التوكيل كتير و تلاقي قطع الغيار بسهولة بره و بتحب الطلعة القوية ... تيدا
لو عايز عربية مميزة و أمان و تقعد جواها ملك بكماليات و أوبشنز و راحة ، لكن لازم تواظب مع التوكيل ... يبقى كورسا
كل حاجه الكورسا تتفوق فيها ما عدا
قطع الغيار ..سعرا و توافرا ..
موتور 1400 لكن عصبى جدا و العربيه بتجرى
بس لاحظ انها اضيق من التيدا لان اصلا حجمها اصغر
فورد فيستا افضل من الاتنين وتوكيلها كويس ولو حاصر اختياراتك بين كورسا وتيدا فقط يبقى كسيارة وتوكيل هات تيدا
الاعضاء مش هيتفقوا علي العربيتين لان كل واحده منهم فيها مميزات واضحه و عيوب واضحه
بس ما تشغليش بالك بقطع الغيار مع عربيه هتقعد معاكي ان شاء الله 3 سنين من غير مشاكل....ساعتها اما منصور يكون عدل من نفسه او توكيل اوبل اتغير......و لكن الاحساس انك جايبه عربيه زيرو ودافعه فيها دم قلبك علشان يتقال راكبه عربيه أخر موديل و بعد سنه مثلا شكلها يتغير ....يبقي حرام عليكي ( انا بتكلم من منطق السيدات).... الكورسا لايقه علي سيده او بنت ...اكثر من تيدا...... و العربيه بتبيع كويس دلوقت ( من بق اصحابي في التوكيل)......و ما تحكميش علي انتشارها دلوقت لان منصور ما كانش بيبيع منها في 2011 لاسباب الثوره و لانه ما كانش بيجيب عربيات في الاستوك......انا لو منك توكللي علي الله و هاتي الكورسا هي ألماني بتقفيل اسباني (أظن التيدا ياباني بتقفيل مكسيكي).....و لو بتسافري كتير يبقي اكيد الكورسا
الكورسا الجديده ماشاء الله تحفه
وطبعا الماني والالماني مميزاته كتير واهما خامه العربيه تحس انك راكب عربيه محترمه كدا
مش عربيه بلاستيك
التيدا ماعرفش عنها حاجه اوي
بس في الاخر شوف اللي هتريحك وهاتها