رقم العضوية : 45212
تاريخ التسجيل : 21Aug2009
المشاركات : 94
النوع : ذكر
الاقامة : Suez
السيارة: Mitsubishi - Lancer
السيارة[2]: Daewoo - Nubira
دراجة بخارية: لا يوجد
الحالة :
زيت المحرك يعمل بكفاءة حتى 20 ألف كيلومتر ..وضرورة تغييره خدعة كبرى
ممكن رأيكو في الموضوع اللي في اللينك ده؟
Ehab Mohamed
رقم العضوية : 119637
تاريخ التسجيل : 27Jan2012
المشاركات : 254
النوع : ذكر
الاقامة : egypt
السيارة: NISSAN SUNNY 2000
السيارة[2]: mitsubishi lance GLX 1.3 1998
دراجة بخارية: لا
الحالة :
هرد عليك بصفتى اعمل بوظيفة مراقب جودة على الزيوت والمواد البترولية فى شركة بترول
الزيوت المصنعة فى تكوينها بتبقى عبارة عن شقين. شق بنسمية زيت اساسى ودة فية منة اصناف كتير بلزوجات مختلفة
ودة مش للبيع دة عبارة عن خام الزيت وبيتم تصنيعة وتصنيفة بعد ذلك
وفى شق ثانى وهو عبارة عن إضافات ودى بتكون غالبا فى هيئة زيوت ايضا بس هى مش مواد بترولية دى بتكون عبارة عن مواد مصنعة وبيدخل فيها مواد ذى (الزنك . الكالسيوم. المطاط . الماغنسيوم . الفسفور و.......... )بغرض اداء وظيفة معينة
ومن الوظائف الشائعة للاضافات :
-ازالة الرواسب الكربونية
- منع او الحد من عملية الاكسدة
- ازالة الرغاوى - ودى غالبا بتستخدم فى زيوت الهيدروليك والتروس
- ازالة الصداء او الحد منة
- اضافة جعل الزيت يتحمل درجات حرارة مرتفعه
- اضافة منع التجمد
- اضافة لحبك الخلوص
وفى وظائف كتيير جدا جدا لم اذكرها
المهم ان فى عملية التصنيع يتم دمج الزيت الاساسى مع الاضافات لتحقيق او لعمل زيت معين
و غالبا بيتم وضع اضافة بتعمل حاجة اسمها VI ودة اختصار كلمة viscosity improver اى تحسين اللزوجة
وهى بتخلى الزيت يحتفظ بلزوجتة وقوامة
بخصوص اصل الموضوع المطروح :
بنقوم لعمل اختبارات للزيوت المنتجة بعد استخدامها وبتكون مثلا فى سيارة مشيت بالزيت 5000 كم او 7000 وبيكون الزيت لسة محتفظ بقوامة ولزوجتة
بس فى نقطة اسمها ASH ودة اسم التيست ال بنقوم بية ومعناة الرماد يعنى نواتج حرق الزيت ودة اختبار بيتعمل على كل انواع الزيوت بعد انتاجها لمعرفة نسبة المعادن فى الزيت وبتكون
النسب برقم اقل من الواحد الصحيح يعنى مثلا كدة 0.1257 % دة مثال فقط (مثال للتوضيح فقط (اى رقم خطاء لا يحتذى بة))
لما نيجى بقى ونعمل نفس الاختبار على الزيت بعد استخدامة بنلاقى ان النسب دى بقت ارقام صحيحة وارقام كبيرة ودى نتيجة الاستخدام يعنى فى مواد خارجة من برى المحرك وفى مواد خرجة من نتائج الحرق وفى حجات كتير
ودى داخل جزيئات الزيت طبعا
وطبعا لو لم يتم تغيير الزيت هيحصل ان بيتكون حاجة اسمها sludge
ودى بقى بيحصل فى حالة اهمال استخدام زيوت تزيت جيدة واهمال تغيير الفلتر و استخدام الزيت لفترات طويلة خارج مواصفة الزيت
وطبعا دة عبارة عن بارومة المكنة زى البارومة بالظبط
ولكن فى حالة الاهتمام بالتزيت وبجودة الزيت المستخدم الموتور بيعيش كتيير جدا جدا (كلة بتاع ربنا)
بمناسبة ال SLUDGE فى اضافات بتتحط مع الزيت اسمها التوصيفى مشتتات ودى عشان لو فى شوائب فى الزيت نتيجة الاشتخدام بتخليها غير متمركزة فى مكان معين بتخليها مشتتة وهذة الاضافات اسمها Dispersant
دة اسم توصيفى مش اسم الاضافة
والاضافة دى بتدى فرصة تشتيت الشوائب فى الزيت وبالتالى عند تغير الزيت بيتم التخلص من هذة المواد مرة تلو الاخرى حتى يصل المحرك لصورة نظيفة
وبالتالى اداء مثالى وكامل
اتمنى التوفيق فى الشرح
المفضلات