هستخدم منظف دورة البنزين ولكن !

**dr.hazem** · 07-04-2012 10:19 AM

المشاركة الأصلية كتبت بواسطة Elawany13

فينك ياراجل من الصبح
أنا لسه شارية
وميدو عمال يخوفنى منه
ومش عاوزنى اشجع الصناعة الوطنية
غير فى كيس شيبسى
ههههههههه

هوه فيه فرق بين المنظف ده ومنظف الكربراتير ؟؟؟

http://www.nilemotors.net/Nile/28031...eatment-2.html

اهلا ياعلواني باشا
صباح الخير اولا

بص ياباشا
انا جربت يعتبر اغلب منتجات شركة adco المصرية وانصح بيها بشده لانها منتجات وطنيه بكفاءات عالميه

المنظف ده من النوع اللي بيتحط عالتفويله وده كل 5000 كيلو ممنوش مشكله

انا بتكلم عن المنظفات الرش اللي بتترش جوه الكربيراتير بطريقه معينه دي حامية شويه ومبنصحش بيها غير كل 15-20 ألف

في اسم تاني لمنتجات ادكو وهو رابيدو وده برضو ممتاز

بالمناسبه انا بجيبهم من كارفور او سبينيز

وحتى بالمره بقا انا بجيب الميه الخضرا عندهم كذا نوع وكلهم من انتاج ادكو
انا جربت توتال باور وده جركن 5 لتر اخدته ب 19 جنيه كان في كارفور برضو وجربته وممتاز جدا جدا

تحياتي

**dr.hazem** · 07-04-2012 10:25 AM

بالمناسبه

يكفيني ان بشهمندس سبعاوي بيستخدم منتجات ادكو وده بالنسبالي يخليني اجيبها وانا مطمئن ومغمض عيني

بلاش عقدة الخواجه وخلونا فمره ندعم صناعاتنا الوطنية النضيفه

تحياتي

**Elawany13** · 07-04-2012 11:55 AM

المشاركة الأصلية كتبت بواسطة hm414

اهلا ياعلواني باشا
صباح الخير اولا

بص ياباشا
انا جربت يعتبر اغلب منتجات شركة adco المصرية وانصح بيها بشده لانها منتجات وطنيه بكفاءات عالميه

المنظف ده من النوع اللي بيتحط عالتفويله وده كل 5000 كيلو ممنوش مشكله

انا بتكلم عن المنظفات الرش اللي بتترش جوه الكربيراتير بطريقه معينه دي حامية شويه ومبنصحش بيها غير كل 15-20 ألف

في اسم تاني لمنتجات ادكو وهو رابيدو وده برضو ممتاز

بالمناسبه انا بجيبهم من كارفور او سبينيز

وحتى بالمره بقا انا بجيب الميه الخضرا عندهم كذا نوع وكلهم من انتاج ادكو
انا جربت توتال باور وده جركن 5 لتر اخدته ب 19 جنيه كان في كارفور برضو وجربته وممتاز جدا جدا

تحياتي

صباح الفل عليك يا اخى الحبيب
أنا بعد مشاركتك نزلت جرى على البنزينه علشان ألحق بنزين 80 قبل ما يخلص
طبعا مولد وصاحبه غايب
طوابير ما يعلم بيها إلا ربنا
ووقفت بتاع ساعه على ما جه الدور عليا
والتاكتيك والتروسيكلات والموتوسيكلات وبتوع الجراكن تيجى وتقف عند ماكينة البنزين من غير دور ولا حاجه
ومفيش غير الملاكى اللى ملتزمين
المهم حطيت المنظف وبعدين فولت التانك
لون البنزين بقى احمر شبه الدماء بس على خفيف
حسابى كان 34.05 جنيه
اربعه وثلاثين جنيه وشلن ... اديت للولد بتاع البنزينة 35 جنيه
مش عاجبه وبيتنطط !!!!!
رحمتك ياااااااااارب

الناس اللى واقفه تمون قاعدوا يسألونى علي المنظف ده وسعره وجبته منين
عملتلهم دعايه
ههههههههه
كان فيه واحد واقف من شركة مصر للبترول بيقول الشركة عندنا بتنتج منظف زى ده حد جربه ؟

**SYD** · 07-04-2012 12:16 PM

بص حضرتك
بالنسبة لمنظفات دورة البنزين فهي دورها باختصار اذابة أي تراكمات سواء اوساخ او كربون في الدورة وتفتيتها عشان تتحرق وتخرج مع العادم
وبالتالي
ان شاء الله مفيش شئ هيتراكم ويسبب مشكلة جانبية

هو بس في نصائح زي
انك تغير فلتر البنزين قبل المنظف عشان مايفتتش الأوساخ المتراكمة فيه
ويستحسن بعد كمان عشان تغيره بالأوساخ المتفتتة الي هو حاجزها

انا اخر مرة استخدمت حاجة اسمها stp complete fuel system cleaner
دة اغلي حاجة وتمنه 69 جنيه

بصراحة حسيت بفرق رهيب في كل حاجة من استهلاك لحرق لقراية مؤشر
فعلا هو complete بالكامل

والله المستعان
،
،

**dr.hazem** · 03-04-2013 08:13 PM

المشاركة الأصلية كتبت بواسطة toty_305

-المنظفات دي تأثيرها ضعيف جدا 5-10 % مش هتحس بتأثير ( بالظبط زي فيلم الكيف لما عمل المخدرات مضروبه و الناس برده بتعمل دماغ منها )+ الدعايه الوهميه ( أنت ممكن ت Google it هتلاقي كلام مفيد أكتر من هنا )

-التأثير ممكن فعلا يسبب مشاكل أخرى......

-المنظفات لن تغنيك عن تغيير أو اصلاح القطعه التالفه

-أنا لو منك بالفلوس دي أشتري فلتر هواء جديد أو بوجيهات... هحس بفرق أكبر

ممكن تجيبلنا مصدر علمي بيأيد كلامك؟؟

تحياتي

Sent from my SE Arc S using Forum Runner

**toty_305** · 04-04-2013 02:52 AM

المشاركة الأصلية كتبت بواسطة dr.hazem

ممكن تجيبلنا مصدر علمي بيأيد كلامك؟؟

تحياتي

Sent from my SE Arc S using Forum Runner

-مش فاضي و الله عندي exams

-عامه كل واحد و قناعاته و تجاربه و مدى التغيير اللي بينتظره من المنتج و تأثره بالدعايه

-لو حضرتك دورت هتلاقي حاجات كتير بالمعنى ده
Fuel cleaners will not give your vehicle anymore power or fuel efficiency that they were meant to have, so don't let their tricky advertising fool you. Gasoline additives can also be used to inhibit corrosion and lubricate the upper cylinders, although in general these should not be necessary under most circumstances.
Fuel efficiency cannot be bought in a bottle, it is something that must have come with your vehicle in the first place. Don't use these additives as band aids to fix real problems that need either a mechanic, or perhaps a different vehicle all together.