رعد و برق؟؟

**معاذ الشرباصى** · 08-06-2008 10:31 PM

هيا فعلا مطرت فى الجيزة من شوية

**NaderNabil** · 08-06-2008 11:02 PM

مطرت عليا خفيف و انا عند سيتي ستارس...و عند منشية ناصر كده الأرض كانت سايحة...غالبا كانت ممطرة جامد....و دلوقتي الهواء عندنا في حلوان شديد جدا...و الأمطر تتقترب مننا

هو ده الجو الاستوائي:)

**Ahmad Allawy** · 08-06-2008 11:14 PM

في المقطم فعلا من ساعة كده كان هوا جامد زعابيب
و برق و رعد و مطر..
و برة الشبابيك.. :)

سبحان الله العظيم و بحمده.. ولا حول ولا قوة الا بالله..

**Ramy_Tantawi** · 08-06-2008 11:40 PM

مراسلكم من مدينة نصر رامي الطنطاوي :embarrassed2:
الجو عندنا سيء جداً جداً وفيه رياح شديده والناس بتطير في الشوارع والشجر هاين عليه يسيبنا ويمشي وكان في شوية مطر على خفيف من حوالي ربع ساعه .

على فكره انا دائما ما أشعر بكمية غضب من ربنا سبحانه وتعالى لما الدنيا بتقلب كده في عز الحر تلاقي رياح وامطار وهو شيء الى حد كبير منافي لقواعد الجو ان الصيف حرو شمس ورطوبه والشتا برد ومطر لما الاتنين بيدخلوا في بعض مش عارف ليه بكون تعبان نفسياً

**Ahmad Allawy** · 08-06-2008 11:42 PM

مش عارف انا باحس بالعكس ليه..
باحس ان دايما المطر بينضف و يهدي و يكسر حر الجو..
هتلاقفي الحو بعديه حلو جدا..
و المطر من اوقات استجابة الدعاء..
يبقي خير ان شاء الله.

**sokasoon** · 08-06-2008 11:47 PM

انا عندى منذ ساعة ونصف بدأ الرعد والبرق يشتغل لفترة فى نفس الوقت

انقطعت الاشارات فى اجهزة الريسيفرات بسبب الرعد والبرق

وبعدين قلب بمطر شديد جداااا وعادات اشارات الرسيفرات مرة اخرى

وبعد ربع ساعة مطر شديد توقفت الامطار وبعدين الجو بقا هوا جــــامد

جدااا ودلوقتى ابتدت تمطر تانى

**Ramy_Tantawi** · 08-06-2008 11:51 PM

المشاركة الأصلية كتبت بواسطة Ahmad Allawy

مش عارف انا باحس بالعكس ليه..
باحس ان دايما المطر بينضف و يهدي و يكسر حر الجو..
هتلاقفي الحو بعديه حلو جدا..
و المطر من اوقات استجابة الدعاء..
يبقي خير ان شاء الله.

طبعاً المطر خير وزي ما حضرتك تفضلت وقلت انا لم اقصد ابداً الاساءه للمطر ونعم الله علينا معاذ الله لكن كنت باتكلم عن احساسي بنوع من الاضطراب لما بيحصل كده مش عارف ليه .

جزاك الله خير على التوضيح أخي احمد وشكراً

**Dr Ahmed** · 09-06-2008 12:04 AM

صرح مسئول بوزارة الأرصاد أن مصر اقتربت من خط الإستواء والأمطار أصبحت صيفا وشتاء ونشرت جريدة المصرى اليوم أن الحكومة تخطط للإستفادة من هذه الظواهر الجوية الجديدة بفرض ضريبة "معونة الصيف" طبعا بالإضافة لمعونة الشتاء

**NaderNabil** · 09-06-2008 12:05 AM

صرح مسئول بوزارة الأرصاد أن مصر اقتربت من خط الإستواء والأمطار أصبحت صيفا وشتاء ونشرت جريدة المصرى اليوم أن الحكومة تخطط للإستفادة من هذه الظواهر الجوية الجديدة بفرض ضريبة "معونة الصيف" طبعا بالإضافة لمعونة الشتاء

**elpasha009** · 09-06-2008 12:20 AM

مراسلكم من طريق القاهرة إسكندرية الزراعي:
أنا لسه واصل القاهرة حالا جاي من طنطا والجو على الطريق بشع جدا.فيه 3 حوادث منهم إتوبيس.مفيش أي عواميد نور شغالة على طول الطريق.الرياح شديدة جدااااااااااااااااااااااا ا لدرجة إن مفيش أي عربية صمدت أمام الرياح ده والعربيات بجميع أنواعها بتتمرجح على الطريق.الظاهرة الغريبة فعلا إن كل العربيات الصغيرة زي 128 أو 127 واقفين على جنب بسبب الرياح.المطر شوية خفيف وشوية جامد جدا وشوية متوسط.

الموضوع: رعد و برق؟؟

LinkBack

أدوات الموضوع

عرض

-

-

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة