اجيب الميجان 2008 منين يا ريت تفيدونى .... ؟
وفيه عندى سؤال اخير هل صحيح كان فيها عيب فى الدركسيون وهو بيلف بيعلق...؟؟؟
عرض للطباعة
اجيب الميجان 2008 منين يا ريت تفيدونى .... ؟
وفيه عندى سؤال اخير هل صحيح كان فيها عيب فى الدركسيون وهو بيلف بيعلق...؟؟؟
اجيبها من المصريه؟؟؟
إذا حضرتك عاوز تجيب من التوكيل بتاعها محمد نصير فا عند حضرتك معرض العبور في المركز الرئيسي هناك والمقطم وفرع سور نادي الزمالك مبيعات رينو وفي السبع وهو الموزع الأول المعتمد لرينو بعد الوكيل على طول انا شخصياً تعاملت مباشرة مع الوكيل واشتريت من فرع المقطم لكن لحضرتك حرية الاختيار.
السؤال عن الدركسيون بيعلق وهو بيلف ده كلام مش صحيح ابداً يا فندم ودي رينو مش عربيات معموله تحت السلم دي كلها اشاعات مش اكتر وملاك الميجان جميعاً أجمعوا ان مفيش اي حاجه من دي بتحصل توكل على الله واطمئن العربيه زي الفل وربنا يبارك لحضرتك فيها ان شاء الله وييسر لك أمورك في الشراء ونبارك لحضرتك قريباً ان شاء الله .واي استفسار انا حاضر وتحت امر حضرتك .
تحياتي,,,,
شكراً جداً للافاده وذوق حضرتك... بس عاوز اعرف هل السعر بيفرق ما بين المصريه والتوكيل ؟؟؟؟ أو اى حاجه تانيه بتفرق؟؟
على قد ما تقدر ابعد عن المصرية
التوكيل بيديك بسعر رسمى, و تبقى ضامن العربية ان مفيش حد عمل فيها حاجة كده و لا كده
الكلام ده مش موجود فى المصرية
1_ يعنى التوكيل سعره أقل من المصريه؟؟
2_انا من بنها اقرب فرع من فروع التوكيل تفتكر ايه؟؟؟
العفو يا فندم احنا كلنا اخوات بالنسبه لسعر المصريه انا ماعرفش للأمانه هو كام لكن وارد جداً يكون أقل من التوكيل بشويه لكن في رأيي الشخصي لو شئت تاخد بيه يعني خليك مع التوكيل مباشرة وريح نفسك والموضوع مش بياخد وقت في اجراءات الشراء والاستلام مش هايكون التوكيل محتاج يقول للأسف اللون ده مش موجود هانبعت نجيبه من مش عارف منين وكلام من ده لئنه هو اللي بيورد للتجار سواق المصريه او اي شركه تانيه .....ده غير ان بصراحه مضمون جداً والتعامل معاهم غاية في الاحترام والذوق .
السؤال التاني هو اقرب فرع لحضرتك اعتقد هايكون في القاهره للأسف والله أعلم وغالباً هايكون المقطم هو الأقرب انا مش عارف طريق بنها ده اي طريق للأسف انا في الخرايط والجغرافيه معلوماتي فيها زي معلوماتي بالصيني بالظبط لكن حدسي يخبرني ان المقطم هايكون اقرب لحضرتك والله اعلم.
بص يا باشا ان جايب عربيتي من أقل من شهر الميجان 2008 جميع الكماليات و سقف بانوراما و فتيس أوتوماتيك وفرش جلد و كل كل حاجة.
سألت في المصرية السعر كان 155 ألف.
جبتها من توكيل العبور 147 الف.
والف مبروك مقدما و عربيه باشا باشا باشا
انا جبتها من فرع رينو الأسكندرية سان ستيفانو
احسن حاجة تجيبها من التوكيل فى رأى
شكراً جزيلاً للافاده .... ان شاء الله هجيبها من التوكيل
سؤال اخير ...
الأتوماتيك الستيبترونيك اللى ب 125 هل عزمها كويس؟ مع العلم احنا اسره كبيره فهل هتكون كويسه فى أى مطلع مثلا وفى الرحلات وخصوصا هيكون فيها حموله الى حد ما كبيره ؟؟؟ ولا اخلينى فى المانيوال وخلاص ؟؟؟ يا ريت تفيدونى
على فكره انا صاحب فكرة الرينو على اسرتى ومتحمل المسؤليه كامله قدامهم وانا واثق فيكم جدا فياريت متخذلونيش علشان ممكن لو مطلعتش كويسه اتطرد من البيت......
انا مش فاهم يعني ايه عزمها كويس لكن الاتنين كويسين واختيار اوتوماتيك او مانيوال ده اختيار يرجع لحضرتك انا شخصياً جبت مانيوال رغم اعجابي بالأوتوماتيك والستبترونيك لكن متعود على المانيوال وبستمتع بقيادته اكتر .
ان شاء الله مش هايحصل اي حاجه من دي والأسره عندك هيكونوا مبسوطين جداً ان شاء الله منها وعلى فكره الميجان بتعشق حاجه اسمها شنط مليانه وايس بوكس وشواية فحم وحاجات من دي مرصوصه ورا في شنطتها واسره ومشوار للعين السخنه يوم جمعه الساعه 8صباحاً تتحرك :3gears: هي بجد عربيه عائليه في المقام الأول وممتعه جداً ماشاء الله في السفر والرحلات توكل على الله ويارب تدعي لينا مش علينا :)
تحياتي ,,,,,,,,
انا اسمع ان المانيوال عزمها اشد من الأوتوماتيك هل ده صح؟.؟
يعنى العربيه لو فى مطلع ومحمله يبقى اخبارها ايه ؟؟
فى المانيوال انا بجيب الأول واطلع اى مطلع لو العربيه محمله الاوتوماتيك هعمل ايه؟؟
بعد أذنك يا رامى سيبلى أنا الطلعة دى
بص يا منير باشا لو حسيت أن عزم النقلة اللى أنت عليها قليل ممكن تعمل حل من اتنين
1- Kick Down
2- تنقل على الستيب وتعمل اللى أنت عاوزه بقى كأنك بتنقل مانيوال
على فكرة أنت ممكن تكلم 16202 زتقلهم عاوز أعمل Test Drive وتشوف بنفسك :)
يا باشا ألف شكر....ربنا يطمنط
يتبقى شئ..
سعر الستبترونيك 126 الف صح ولا لأ؟؟؟؟