المشاركة الأصلية كتبت بواسطة hm414
الميه الخضرا اللي انا بستخدمها نوع مصري اسمه توتال باور جبته من كارفور هو تصنيع شركة adco وانا بحترم صناعتهم وده 5 لتر ب 19 جنيه
لو انت من محبي الخواجات...
مياه خضرا موبيل في محطات موبيل بس غاليه ومجربتهاش بس الشباب جربوها وقالو حلوة
او لو حابب ..
lada اسباني خضرا ب 35 جنيه 4 لتر ودي جربتها وبرضو ممتازه
كاوتش الماروتي بيتظبط على 27 قدام وورا صيف وشتا نيتروجين او هوا
27
كمان مره 27
وانصحك لله تجيب منفاخ الولاعه الصيني ابو 35 جنيه في التوفيقيه في كرتونه زرقا وتجيبلك مقياس كاوتش 20 جنيه كمان وتعملها انت في البيت وتشيك عليها كل 10 أيام
ده لان للاسف كل بتوع الكاوتش فمصر مقاييسهم بايظه وبتقوله 27 بيظبطه 32 و30 وارقام وهمية لدرجة حصلت مع ابن خالتي واحد ظبطهاله 40 (ابن ال%$$#@#$%^&)
طبعا لحد 28 معقول
بعدها هتحس ان كل نقره ان شالله عيون القط اللي في الطريق هتحسها هضبه وهتلاقي العربية بتدب جامد جدا منك وقلبك هيتقطع وهتقول العربية راحت
هههههههههههههه
افتح باب السواق وبص عالقايم في ورقة مكتوب فيها ان الضغط 27 فعلا...
تحياتي