حمايا عاوز يتجوز امي !!!!!!!!!!

**amr.elsayed** · 07-04-2012 04:51 AM

والدة حضرتك هى اللى تقرر موضوع زى دة ... شوف طريقة تصارحها بيها بالموضوع دة ومش شرط تذكر اسم حماك فى الاول يعنى جس النبض الاول هل هى عندها قبول لفكرة الزواج مبدئيا ولا لأ
وانا لا اعتقد ان فى اى ست فى العالم تزعل من ان متقدملها عريس بغض النظر عن سنها وبغض النظر عن كونها حترفض او حتقبل
توكل على الله وصارح والدتك بالموضوع واحدة واحدة لعل وعسى يكونوا ونس لبعض ويكون حما حضرتك سبب فى سعادتها وراحتها
وربنا يوفقك ويعدى الموضوع دة على خير

**د.أبونضال** · 07-04-2012 05:11 AM

هو طبعا حما حضرتك يبحث عن أنيس ويخشى الدخول في مغامرة مع إنسانة لا يعرفها فوجد هذا العرض حلا عبقريا من وجهة نظره. ويحدث مثل ذلك عادة أيضا في دور المسنين .. والأمر يتوقف على كون والدة حضرتك هي الأخرى في حاجة إلى أنيس أو لا؟ فإذا كانت هي الأخرى في حاجة إلى أنيس فيجب عرض الأمر عليها من قبل طرف ثالث غيرك أنت أو زوجتك لأنها ستستشعر الحرج لو فاتحها ايكما في الموضوع ... وإذا لم تكن في حاجة إلى أنيس ومن ذلك النوع من كبار السن الذي يفضل الوحدة وقضاء ربيع العمر في العبادة والتأمل وتمضية الوقت فالأفضل ألا تزعجها بمفاتحتها في هذا الأمر.

**me_medoo** · 07-04-2012 05:33 AM

ياسيدي هونها هتهون وصعبها هتصعب
كان في نكته قديمة قوي ستي قالت هالي الله يرحمها ويحسن اليها لا تاخذني ان ذكرتها في سياق الكلام
بيقلك ياسيدي واحد ابوه راح توفى فبيسئل ولدتو بيقلها يمه تحبي نجوزك ولا تحبي اجبلك مهلبية فبصتلو ولدتو كده وقالتلوا ، يابني يا حبيبي هو انا عندي سنان اكل بيها المهلبية هههههههههه
فالقصد ان في السن الي هما فيها دي بيبقى الجواز هو الخوف من الوحدة ، واصعب شيء في الدنيا ان الانسان يبقى وحيد ويعيى مايلقيش حد يسئل عنو او يتعب مايلقيش حد يساعدو ، والواحد مننا لو مراتو غضبت ولا راحت بيت اهلها بيبقى هيتجنن لانو مش عارف ينام ولا عارف يعيش في البيت ولا عارف يطبخ والحياه كلها بتتطربق
فتوكل على الله مدام حماك مش طمعان في اي ورث لوالدتك ولا حاجة ، ومن غير ما تكلمها بطريقة مباشرةً هيا هتفهم انتا عاوز تقول ايه بمجرد التلميح وانتا قاعد معاها احكيلها النكته الي قلتهالك في وسط كام نكته كده. وبعدين قلها وانتي يمه تحبي تتجوزي ولا اجبلك مهلبية على طول هيا هتقلك ليه في عندك عريس ؟. لان ستتا زمان اذكية وبيفهموها وهيا طايرة ؟ ومين عارف يمكن. ترفض وتحياتي وبالتوفيق انشاء الله

**Vernawy** · 07-04-2012 04:40 PM

بلاش يا باشا عشان لو حصل أي خلاف من أي نوع هيسمع في بيتك مباشرة.. و العكس صحيح، أي خلاف مع زوجتك ممكن تلاقيه عند والدتك. بلاش تخلي الخيوط متشابكة.

**محمد بلال** · 07-04-2012 05:04 PM

مفيش مشاكل

**aboomar22** · 07-04-2012 05:55 PM

بص ياعزيزى والدتك ست تعتبر كبيرة ثانيا صحتها على قدها ربنا يديها الصحة يعنى هى على قد انها تعمل حاجتها هى مش هتقدر تشيل مسئولية بيت وزوج وهو مهما هيساعد برضه الجزء الاكبر عليها ولو قصرت فيه هيزعل ويغضب وجايز يزعق لان الانسان فى السن الكبير عصبى عن ما يكون اصغر بلاش تتعبها ده من ناحية من ناحية تانية اى حاجة هتاثر عليك مع زوجتك وممكن نسببلك احراج مع زوجتك ثالثا وده اللى انا متاكد منه انا والدتك مش هتوافق لان دى عادتنا وتقالدنا سواء كانت صح او غلط هى دى عادتنا الست بيموت زوجها وهى عندها 30 سنة وبترفض تتزوج لاسباب توارثناها قبلاش تحرج نفسك امام والدتك وانت كمان نفسيا الموضوع مش هيكون شهل عليك

**Egyzizo** · 08-04-2012 04:55 AM

يا ريت مافيش داعى للكلام ده خالص ..
لو حماك زعل والدتك ، وده وارد فى أى بيت
هتبقى نفسيتك وحشة جداً وممكن يأثر على علاقتك بمراتك.

**ramyhekal** · 08-04-2012 05:55 AM

المشاركة الأصلية كتبت بواسطة medo.malek

حماك يتجوز والدتك يعنى مراتك تبقى اختك ! حد يصححلى لو غلط

ايه ياعم ميدو ما تروق كده

**mesaharaty** · 08-04-2012 10:51 AM

المشاركة الأصلية كتبت بواسطة aboomar22

بص ياعزيزى والدتك ست تعتبر كبيرة ثانيا صحتها على قدها ربنا يديها الصحة يعنى هى على قد انها تعمل حاجتها هى مش هتقدر تشيل مسئولية بيت وزوج وهو مهما هيساعد برضه الجزء الاكبر عليها ولو قصرت فيه هيزعل ويغضب وجايز يزعق لان الانسان فى السن الكبير عصبى عن ما يكون اصغر بلاش تتعبها ده من ناحية من ناحية تانية اى حاجة هتاثر عليك مع زوجتك وممكن نسببلك احراج مع زوجتك ثالثا وده اللى انا متاكد منه انا والدتك مش هتوافق لان دى عادتنا وتقالدنا سواء كانت صح او غلط هى دى عادتنا الست بيموت زوجها وهى عندها 30 سنة وبترفض تتزوج لاسباب توارثناها قبلاش تحرج نفسك امام والدتك وانت كمان نفسيا الموضوع مش هيكون شهل عليك

أنا أميل إلى الرأى ده
بس فيه تحفظ صغير
أنا شايف إن لو والدة حضرتك ماعندهاش مشكلة فى حتة الشعور بالوحدة فيبقى مافيش داعى للجواز خصوصا إن أنا لو فى وضع حضرتك حابص أولا على مصلحة والدتى (تأتى مصلحة حمايا فى المرتبة الثانية أو الثالثة كمان)
فطالما والدة حضرتك ماعندهاش مشكلة فى العيش وحيدة فلا داعى للدخول فى طرق قد تجلب علينا مشاكل أو نكد .
وربنا يبارك لك فى الحاجة ويمتعها بطول العمر

الموضوع: حمايا عاوز يتجوز امي !!!!!!!!!!

LinkBack

أدوات الموضوع

عرض

-

-

-

-

المواضيع المتشابهه

حمايا هبوز عربيتو

حمايا هبوز عربيتو

فرصه لشاب عاوز يتجوز بسرعه – شقه سوبر لوكس

حد بيفكر يتجوز ادخل وشوف

الحقونى قبل ما حمايا يقلب عليا

الكلمات الدلالية لهذا الموضوع

المفضلات

المفضلات

ضوابط المشاركة