حادثة بايخة على الطريق!

**معاذ الشرباصى** · 16-06-2008 11:56 AM

المشاركة الأصلية كتبت بواسطة alijandroo

ايه رايكم لو كل ملاك السيريون يعملوا شكوى على الكارتيرة كل واحد لوحده؟

يا ريت

علشان الموضوع فعلا بايخ

ان حاجة عيب فى العربية, و معروف انها ضعيفة

ادفع 350 جنيه علشان اغيرها, و انا عارف انها هتفك تانى, عاجلا ام اجلا

**أبو عبدالله** · 16-06-2008 12:38 PM

اسمحولي فانا ليا راي في الموضوع تاني

الكارتيره دي يا جماعه وهيا طبعا امامية فقط
ممسوكة في الأكصدام باتنين كلبس من الامام اسفل الأكصدام
ومن الجانب بكلبسين تقريبا ايضا
وفي عضم العربيه بحوالي اتنين كمان
وفي الدلاية بحوالي اكتر من 3 تقريبا

يعني الكارتيره علشان تتفك الموضوع مش سهل ابدا

فأنا شايف ان الموضوع ده حاله فرديه لها ظروفها وملابساتها اكيد

يعني ممكن يكونحد كان لاعب فيهم
حد سرق الكلبسات كده يعني
وبعدين انا مشيت على سرعات عاليه وعمر ما حاجه زي دي حصلت ولا هتحصل ان شاء الله
لأن الموضوع مش للدرجه يعني

حتى الكلبسات ليس من السهل فكها عن طريق الهواء يعني
يعني اكيد الموضوع ده له ملابسات
ليس لها علاقة بجودة الكارتيرة او طريقة تركيبها

انا اشك وده احتمال ان يكون حضرتك حكيت الأكصدام من الأمام من اسفله في رصيف ففك الكلبسات
ولما مشيتي على سرعه عاليه الهواء حرك الكارتيره فحكت في العجل
فالعجل شدها ولفت حوال العجله ففكت كلها

او ان الاكصدام الامامي اتخبط فالكلبسات فكت منه وانتي مش واخده بالك

ده رايي بصراحه
وربنا يحفظنا جميعا

**ara** · 16-06-2008 01:18 PM

المشاركة الأصلية كتبت بواسطة معاذ الشرباصى

الحمد لله

ان شاء الله متحصلش تانى
خلاص, يبقى على يوم السبت اكلم م/احمد عبدالوهاب؟
---------------------------------------
على فكرة انا كلمت 16168
القسم بتاع الشكاوى و الاستفسارات, و اشتكيت من سعر الكارتيرة الغالى جدا مقارنة بباقى انواع العربيات, و استشهدت بالارقام الموجودة هنا
خاصة ان الكرتيرة فعلا ضعيفة و بتفك بسهولة, و هما وعدوا انهم يراجعوا الموضوع
اما نشوف......

لو مافيهاش أى تعب يا معلذ يبقى كتر خيرك.. إن شاء الله السبت الساعة 10 صباحا هاكون فى العبور. الحجز باسمى هند.

**ara** · 16-06-2008 01:33 PM

المشاركة الأصلية كتبت بواسطة أبو عبدالله

اسمحولي فانا ليا راي في الموضوع تاني

الكارتيره دي يا جماعه وهيا طبعا امامية فقط
ممسوكة في الأكصدام باتنين كلبس من الامام اسفل الأكصدام
ومن الجانب بكلبسين تقريبا ايضا
وفي عضم العربيه بحوالي اتنين كمان
وفي الدلاية بحوالي اكتر من 3 تقريبا

يعني الكارتيره علشان تتفك الموضوع مش سهل ابدا

فأنا شايف ان الموضوع ده حاله فرديه لها ظروفها وملابساتها اكيد

يعني ممكن يكونحد كان لاعب فيهم
حد سرق الكلبسات كده يعني
وبعدين انا مشيت على سرعات عاليه وعمر ما حاجه زي دي حصلت ولا هتحصل ان شاء الله
لأن الموضوع مش للدرجه يعني

حتى الكلبسات ليس من السهل فكها عن طريق الهواء يعني
يعني اكيد الموضوع ده له ملابسات
ليس لها علاقة بجودة الكارتيرة او طريقة تركيبها

انا اشك وده احتمال ان يكون حضرتك حكيت الأكصدام من الأمام من اسفله في رصيف ففك الكلبسات
ولما مشيتي على سرعه عاليه الهواء حرك الكارتيره فحكت في العجل
فالعجل شدها ولفت حوال العجله ففكت كلها

او ان الاكصدام الامامي اتخبط فالكلبسات فكت منه وانتي مش واخده بالك

ده رايي بصراحه
وربنا يحفظنا جميعا

أهلا أبو عبدالله :) ربنا يحفظنا جميعا
انا مع حضرتك إن الموقف عندى كان حالة فرديه
انا شرحت فى أول الموضوع إيه اللى حصل بالظبط. إحنا خبطنا ودوسنا على حاجة فى الطريق ياكاوتش من اللى مالى الطرق أو قطعة شجر. هو ده اللى وقع الكارتيرة عندى.
لكن فيه أستاذ الكارتيرة وقعت عنده ولما ركب واحدة جديدة برضه وقعت تانى يوم!

الإعتراض اللى ممكن نوصله لوكيل دايهاتسو هو إن السعر عالى مقارنة بعربيات أخرى
إن الكارتيرة أضعف من عربيات أخرى زى السوران مثلا وهيا مش ألمانى ! مع واحد قريبى السمكرى قعد يدق فيها 1/2 ساعة (على كلام قريبى ) علشان يفكها!

و المهم ربنا يحفظنا ويخليلنا السريون :)

**bmya** · 16-06-2008 06:33 PM

يا جماعه انا كان معايا لانسر 99 قبل ما ربنا يكرمني بالسيريون
الكارتيره دي كنت بغيرها زي غيار الزيت كل شويه تقع واجيب وحده جديده وده بسبب غباء اللي بيركبها وهي كانت ب 25 جنيه تايواني طبعا
بس اخر مره روحت لواحد بيفهم ركبهالي صح بجد ودي بعت العربيه وهي لسه راكبها
وبعدين اكيد معمول حساب ان العربيه بتبقي ماشي بسرعه فاكيد الهوا عمره ما يوقعها الا اذا كانت سايبه اصلا قبل كده
وربنا يستر بالنسبه لسعرها
انا برده في عربيتي لانسر كنت مسافر وماشي بتاع 120 كده وفجأه الزجاج الامامي فرقع وربنا ستر بس المشكله بيبقي فيه جلده كده واخده العربيه بطولها من ورا لقدام علي السقف بيقولو عليها موزراب!!
دي طارت فضلت الف عليهااا كتييييير مش لائيها جديده خالص جبتها استيراد تخيلو كانت بكام ؟!!
من 200:350 علي حسب الحاله ؟؟!!
وكل ما قول لحد هي غاليه ليه دي بلاستيكايه ملهاش لازمه يقولي اصلها عزيزه ههههههههههههههه
عشان كده الحاجات اللي بتبقي نادره شويه انها تقع بتبقي غاليه شويه وانا بتكلم علي لانسر 99 يبقي اكيد السيريون هتبقي اغلا

**معاذ الشرباصى** · 17-06-2008 07:33 PM

المشاركة الأصلية كتبت بواسطة ara

انا شايفة إنها حاجة كويسة إن قطع غيار 2008 تكون موجودة. بس برضه هيا غالية شوية
إمبارح إستلمتها, و على فكرة هيا مصنوعة من بلاستيك أو فيبر مرن جدا لدرجة إنها بتتنى مع حركتها يمنك يكون ده قصدهم علشان لو وقعت وجت تحت العجل متبهدلش العربية!

ما هو لازم علشان التوكيل تبقى سمعته كويسة, ان كل قطع الغيار تبقى متوفرة

و لو حاجة مكنتش موجودة, ده يعتبر تقصير من جانبهم

الكارتيرة ضعيفة, دى مفهاش ادنى شك

حضرتك لو شفتى بتاعة الماركات التانية, اقوى بكتير, خاصة الاوروبى, و ليس الاسيوى

انا البولو عندى كانت قوية جدا جدا, و تثبيتها كان ممتاز

**أبو عبدالله** · 18-06-2008 10:57 AM

يا معاذ انا شايف ان الكارتيره كويسه جدا ومش لازم تبقى تقيله علشان تبقى قويه بالعكس
انت عارف ان الحاجات اللي زي دي بتزود في وزن العربيه وهما بيحاولوا في التصنيع يخففوا من الحاجات اللي زي دي علشان العربيه يبقى تسارعها اعلى

يعني الموضوع مش وزن وثقل تبقى ميزه مش كده خالص
الكارتيره مثبته كويس جدا
وخامتها جميله لأنها خفيفه وفي نفس الوقت مش سهلة القطع
زي الأكصدامات كده برضه خفيفه ولكن سهلة الثني غير التقيله اللي لو اخدت خبطه مش بترجع تاني الا لو سخنتها وبرضه مش بترجع كويس

انت اكيد عارف ان تقليل وزن الخامات ده شئ بيدوروا عليه في الصناعات بتاعت العربيات دلوقتي

**hazem_khidr** · 19-06-2008 07:57 PM

المشاركة الأصلية كتبت بواسطة أبو عبدالله

يا معاذ انا شايف ان الكارتيره كويسه جدا ومش لازم تبقى تقيله علشان تبقى قويه بالعكس
انت عارف ان الحاجات اللي زي دي بتزود في وزن العربيه وهما بيحاولوا في التصنيع يخففوا من الحاجات اللي زي دي علشان العربيه يبقى تسارعها اعلى

يعني الموضوع مش وزن وثقل تبقى ميزه مش كده خالص
الكارتيره مثبته كويس جدا
وخامتها جميله لأنها خفيفه وفي نفس الوقت مش سهلة القطع
زي الأكصدامات كده برضه خفيفه ولكن سهلة الثني غير التقيله اللي لو اخدت خبطه مش بترجع تاني الا لو سخنتها وبرضه مش بترجع كويس

انت اكيد عارف ان تقليل وزن الخامات ده شئ بيدوروا عليه في الصناعات بتاعت العربيات دلوقتي

معاك يا ابو عبد الله
انما ما يتقللش الوزن لدرجه ان الحاجه ما تستحملش
دا اخويا كسر اكصدام الياريس بمجرد بس و هو بيركن و راجع بضهره و بالراحه اوي
خبط في بلاعه مجاري خبطه بسيطه
كانت ايه النتيجه بقي؟؟؟
1.بيقولي سمعت صوت كان لوح زجاج وقع اتكسر!!!
2.الاكصدام اتكسر من الجنب كسره عنيفه
3.الكارتيره كان اتشرخت !!!!!!!!!!!!!!!
4.معظم الكليبسات وقعت من الاكصدام و الاكرتيره.
ف لو تقليل الوزن حيخلي العربيه تبقي ورق و ما تستحملش يغور تقليل الوزن و يغور كل الارف اللي بنشوفه في العربيات دي.
معلش ما يبقاش معايا 125 بايعها و اكصدامها بيلمع بعد ما بقي عمرها 30 سنه و ياما اخدت خبطات و ما حصلوش حاجه
و يبقي معايا عربيه 2008 من خبطه بسيطه جدا جدا يقوم يحصل دا كله
بلا قرف