مفيش عربيات في الوكيل...استنى الشحنه كمان 3 شهور

مش ممكن اللي بيحصل ده
مراتي عايزه تشتري عربيه اوتوماتيك هاتشباك
قال اجيب i 10 اوتوماتيك ,سألنا في هونداي قالولنا مفيش ستوك وأول مركب هاتيجي كمان شهر ومفيهاش اوتوماتيك..هاتيجي كمان شهرين بس

قلنا مش مهم نعلى شويه
روحنا على الكيا بيكانتو
نفس الكلام ...كمان شهر ونص
مراتي قالت وبعدين
قالت خلاص اجيب حاجه نظيفه مره واحد وغاليه مش مهم اهو يكون فيها ايرباج وABS
سالنا على الايفو
مفيش وهاييجي كمان شهرين

قلنا ماعلش طب نزود الميزانيه شويه
سألنا على النيسان تيدا هاتشباك
هاتيجي في شهر يوليو

هو في ايه؟؟؟؟؟؟؟؟؟؟؟؟؟؟؟

ده غير باه في النص قلنا خلاص نجيب مستعمل وننزل نبص في السوق ونروح المعادي ونروح التجمع واكتوبر والجيزه نتفرج على حاجات معروضه

واحد يديك معاد ومايجيش
واحد تروح تلاقي عربيه 2011 وعايزه ممصاريف 5000 ج
واحد يقولك فابريقه وتلاقيها مخبطه ومجرحه من كل حته
واحد تايه ويقولك سعر أغلى من تمن العربيه الحقيقي ب 10الاف جنيه

احنا تعبنا

يمكن عشان الموديلات دى مفيش عليها طلب كتير فالوكلاء مبيجبوش ستوك باستمرار

بس معقوله كل دول معندهمش ولا عربيه واحده حتى فى فروع الموزعين المعتمدين ؟

شوف رينو سانديرو أوتوماتيك ب 182000

ممكن ده يكون في صالحك لان موديلات 2013 بتنزل ابتداء من نص السنه الثاني

اقتباس:

---

المشاركة الأصلية كتبت بواسطة melagouze

ممكن ده يكون في صالحك لان موديلات 2013 بتنزل ابتداء من نص السنه الثاني

---

:tumb:
بالضبط استنى موديل ٢٠١٣ كمان شهرين و ده على الاقل هينزلك سعر موديل ٢٠١٢

عندك الجيلى باندا أتوماتيك الشحنه هتنزل كمان شهر.

اقتباس:

---

المشاركة الأصلية كتبت بواسطة hosam_optrawy

يمكن عشان الموديلات دى مفيش عليها طلب كتير فالوكلاء مبيجبوش ستوك باستمرار

بس معقوله كل دول معندهمش ولا عربيه واحده حتى فى فروع الموزعين المعتمدين ؟

---

لأ أزاي
لقينا كيا بيكانتو واحده بس لون اسود واحنا مش عايزين اسود

فيرنا اوتو

اقتباس:

---

المشاركة الأصلية كتبت بواسطة s.s.e

عندك الجيلى باندا أتوماتيك الشحنه هتنزل كمان شهر.

---

جيلي باندا ! أستغفر الله

اقتباس:

---

المشاركة الأصلية كتبت بواسطة spidermohmd1

شوف رينو سانديرو أوتوماتيك ب 182000

---

82000 مش 182000

لو ممكن التنازل عن موضوع الهاتشباك، ممكن التفكير في رينو لوجان اوتوماتيك جميع الكماليات ومش هتخسر الزيارة لمعرض زي السبع أوتوموتيف أو المصرية أو المسعود، هتلاقيها بسعر 81000-82000ج.م
العربية كويسة ومش بطالة إطلاقا، أوتوماتيك، موتور 1600 قوة 110حصان 16 صمام
واسعة من جوة عالية عن الأرض وأثبت من الكوري والصيني في الجري.

بروتون ساجا اتوماتيك عربية رااائعة ومش غالية