وعلشان تعرفو ان معظم الناس "حيادية" فعلا ... اكاد اجزم ان العربية الي تحت لو كانت bmw مثلا
كان كل التعليقات بقت " ماشاءالله " .. " الالماني يابا " .. " سبحان الله "
lol
شعب غلبان والله.
وعلشان تعرفو ان معظم الناس "حيادية" فعلا ... اكاد اجزم ان العربية الي تحت لو كانت bmw مثلا
كان كل التعليقات بقت " ماشاءالله " .. " الالماني يابا " .. " سبحان الله "
lol
شعب غلبان والله.
:POINTIy2[2]: بيقولك مرة النترا وقع علها كونتينر محصلهاش حاجه ههههههههههههههههههههههههه ههههههههه
ههههههههههههههههه
صورة لا أساس لها من الواقعية وخالية تماما من الصحة
Sorry but....Fake
انا مش عارف ازاي حد يصدق ان الكلام ده حقيقي
ده لو الحاوية دي وقعت على صف عربيات من اي نوع هيفعصه كله
طب ايه رايكم يا جدعان لو اشتركنا وجبنا الانترا 2012 خليجى عشان الخليجى بتكون اجمد و ونجرب كده ونشوف
انا من غشاق الانترا بس مش مقتنع الا ااذا كان التريلا من ورق الشمعدان
ههههههههههههههههههههههههه ههه
و الله فكرتوني بابن خالتي كل ما اوريله حاجه يقوللي فوتوشوب اقعد احلفله اني شفتها بعيني و مصورها يقعد يقتعني انها فوتوشوب :)))
المهم بغض النظر عن انها حقيقيه ولا فوتوشوب ( و انا رأيي انها حقيقيه عادي في حاجات اشد من كده بتحصل )
الهيونداي الالنترا الجديده جامده جداااااااااااااا جداااااااااااااا
حقيقيه ولا فوتوشوب , ماتفرقش معايا بصراحه
ولا هايزود العربيه ولا هاينقصها
طب انا هقول حاجة بسيطة هات اربعة من صحابك ونطو مع بعض من ارتفاع الكونتينر على سقف العربية دى
ومش هنقول اربع طن
وشووف هيحصل ايه
دى من عجائب الطبيعه .. بعيدا عن القوانين مش بتسمعو ان واحد وقع من الدور الرابع والخامس ومحصلوش حاجه خالص دى زى كده بلزبط....
ليس شكرا في الألنترا أو ثقة فيها و لكن الحاوية فارغة
و لمن لايعرف بناء الحاويات ...
فالجزء الصلب و المدعم في الحاوية هو الطبلية السفلية و القوائم بالاضافة لتدعيم الجزء العلوي نظار لتحميل كل اللود عليه عند رفع الحاوية بالاوناش عند تحميلها علي السفن
لذا...
فجوانب الحاوية غير مدعمة بشكل كبير و هي فقط لحماية البضائع داخلها من عوامل الطقس او الصدمات الخفيفة لأن الحاوية مطلوب أن يكون وزنها و هي فارغة اقل مايمكن حتي لاتمثل أهدار لحولات السفن
فمن الطبيعي أن تقع حاوية كما في الصورة علي جانب النترا أو أي سيارة أخري و لا يحدث ضرر شديد بالقوائم المدعمة أصلا و لكن نحن لم نشاهد الجانب الاخر من السيارة بعد رفع الحاوية
يا شبابا فيه ايه بس ؟! :)
أولا الكونتينر ساند على كمرة السقف الشمال مش على قشرة السقف نفسها
ثانيا هقولكوا على تجربة بسيطة هاتوا 2 شفاطة
اضغطوا على واحدة فيهم في اي مكان تحبوه هتلاقوها اتبططت و اتنت لجوة ايا كان اللي هيحصلها بدون اي مقاومة تذكر
التانية بقى بايدكم الاثنين و اضغطوا عليها عاموديا على طرفاها الاثنين و شوفوا ايه اللي هيحصل
و بعدين بالنسبة للسؤال اللي هو اشمعنا ليه العربية محصلهاش حاجة من الهوا بسبب بسيط جدا جدا و هي انها كانت معدية جنب النقل و حتى لو كانت مواجهة للريح نفسها مش هتتأثر زي النقل ﻷن الكونتينر مساحته أكبر من مساحة بروفيل العربية
و على فكرة انا متعصب جدا للسيارات الألمانية يعني كان من السهل أني أقولك يا عم كوري ايه و بتاع دي أكيد فوتوشوب
احييك فعلا على رايك الصائب وحضرتك كتبت التحليل المنطقى فعلا لان اى عربية مهما كانت لو وقعت عليها سيارة اخرى لو حتى اخف حتتاثر فمبالك بكونتينر ومحمل بسيارة بداخلة وما ادرانا ان الكونتينر محمول من الجهة الاخرى او مثبت مركز الثقل على جزء فى الارض او اعلى الكوبرى بحيث لا يضغط بكامل ثقلة فيطبق سقف الالنترا وفى الاخر هيونداى مبتصنعش دبابات حربية ولا سيارات مصفحة : ) الصورة تقبل الشك وليس نقدا فى هيونداى اعتقد بنسبة كبيرة كانت حتبقى نفس التعليقات على السيارة لو كانت المانية الصنع حتى
مش عارف يعنى بالعقل كده ده لو ٣ اوزانهم تقيله حبتين قاعدين ورا على شنطه سفر هينزلوا المساعدين اكتر من كده فما بالك بكونتنر حديد وزنه ٤ طن واقع عليها من عربيه ماشيه كمان يعنى مش مجرد ساندينه عليها و خلاص و بعدين ما احنا عارفين صاجها عامل ازاى محناش جايين من الفضاء و مساعدين و لا عفشه سيدان ايه دى اللى تشيل ٤ طن حديد غير وزن العربيه باللى راكبين فيها :error404:
الموضوع عادى ولا غراءب ولا حاجه الحمل موزع distribuited load ناقص تقولو اصلو كان من انصار ابو اسماعيل علشان كدا محصلش حاجه
فوتو شوب :d :d
فيه تعليق بس علي الناس اللي بتقول أن هيونداي مفبركة الموضوع و أن الصور متركبة و هيونداي دول نصابين و أتباع الأخوان و أبو أسماعيل و المجلس العسكري ....
1- لاحظوا ان الحاوية فاضية و ده واضح من جنب الحاوية اللي أتطبق و زي ما قولت قبل كده الحاوية بتكون خفيفة جدا و صاجها خفيف علشان الوزن يكون اقل مايمكن
2- موضوع النور و الاشارات هناك الناس بتنور نور العربيات حتي الصبح لما يكون فيه غيوم أو هوا أو ظروف جوية علشان العربيات التانية تشوف العربية طبعا الثقافة دي مش عندنا لأن عادي تلاقي واحد ماشي بالليل و طافي النور
3- حكاية أن دلايات المقطورة هيونداي ده برضه طبيعي .... الصورة في كوريا بلد الهيونداي و الدايو
4- حكاية أن المقطورة أتقلبت و الجرار لأ عادي لأن الوصلة بين الاثنين ممكن تتكسر و أظن بنشوف المنظر ده كتير علي الطرق عندنا و خاصة الدائري ... و لا أيه ؟
5- الصور واضحة أن مافيش كابلات و لا حاجة ماسكة الحاوية
6- طبيعي أن يتم التصوير من أكثر من جهة و بدرجة وضوح عالية لأنها حادثة و الاوناش واقفة علشان ترفع الحاوية عن العربية و لا هاينتظروا الهوا يغير أتجاهه و يعدل العربية
7- المنظر ده كان ممكن يحصل مع اي عربية حتي صيني و برضه مايحصلهاش حاجة بس علشان الحاوية وقعت علي الألنترا الجديدة (اللي واخدة لقب سيارة العام في أمريكا و كوريا و خمس نجوم في اختبارات التصادم) لازم نطلع القطط الفاطسة في العربية اللي مالهاش ذنب غير أن حاوية وقعت عليها و ماحصلهاش حاجة ظاهريا - الله اعلم ايه اللي حصل للزجاج الجانبي أو البوية او الابواب أو القائم نفسه اللي ممكن يكون أتأثر و لو بشكل بسيط
8- برافو شركة هيونداي لأن فيها ناس بتفكر و بتعرف تستغل حادثة زي دي في الدعاية لسيارتها عكس ناس تانية عندهم سيارات أحسن من الهيونداي و مش عارفين يسوقوا لعربياتهم أو يحققوا ربع مبيعات هيونداي
كونتانر على هيونداي وملاكي كمان يريحها علي المساعدين فقط ؟ :B4_444:
شويه شويه يقولك عدلوا المقطوره والحاويه أتعوجت والعربيه بخير ومفيهاش خدش :hitwall3:
هههههههههه جامدة
أنا مش من هواه الكوري و لكني لا أكرهه
و بالنسبة للصورة .......... كل شئ جايز و ممكن و لو العربية ألماني مكنش حد جاب سيرة فوتو شوب نهائي
زي ما يكون الكوريين دول مغضوب عليهم
مع أنهم متقدمين صناعيا و حضاريا جدا بعكس البلد الظريفة اللي أحنا عايشين فيها
بالنسبة لنور السيارة أنا معرفش الظروف المحيطة أيه علشان أحكم
و لكن طبقا للقانون (اللي أحنا نفسنا فيه بس مش لاقيينه )
في الدول دي لازم أول ما عواميد النور تنور (لأنها شغالة على حساسات - تطفي و تنور حسب الشمس و السحاب ) يبقى لازم عربيتك نورها ينور غصب ان عنك و دي مخالفة لو نور عواميد الشارع منور وأنت ماشي طافي النور حتى لو الأضاءة كافية ليك .
لأن هناك الناس مش بمزاجها .......... فيه قانون .
بالنسبة للصورة ممكن جدا جدا جدا تكون صورة حقيقية ......... و لن أًكذب شئ إلا عندما تراه عيني على الواقع .
اية دا اية دا
الفيديو بتاع الفهد دا إعلان فعلاً على فكرة
انا مش مصدق ان فيه ناس كانت فاكرة انه حاجة غير كدا
و بنتريق على الكوريين
دا احنا شعب غلبان اوي يا جدعان
للأسف اكتر من دليل ان الصورة بجد و مش فوتوشوف ولا حاجة موجودين في اللينكات و زي بعض الأعضاء قالوا ان دا ممكن يحصل في اي عربية بس احنا اللي معقدين شوية و حاقدين على الكوريين عشان مبنعرفش نعمل زيهم :)
و طبعاً لو اي حد عمل research بسيط على اختراع الإنترنت هيلاقي ان مواقع كتير بتكلم عن الموضوع (مش معقول كلهم ناقلين صورة فوتوشوب يعني!) و بيقولوا انه كونتاينر فاضي فعلاً
اخيراً انا زعلان على عقلية شعبك يا مصر
Hyundai Elantra Crushed by Shipping Container | AutoGuide.com News
All-mighty Hyundai Elantra holds up container from rolling over - egmCarTech
Low Rider: Container Crushes Hyundai Elantra Suspension - autoevolution
Hyundai Elantra vs cargo container
Fourtitude.com - Empty Cargo Container falls on new Hyundai Elantra
سؤال واحد بس فين ..صورة الالنترا بعد لما اترفع الكونتينر ...؟؟؟
اعتقد لو عربية جادمة قوى كدة كانو يورونا صورتها بعد رفع الكونتينتر من عليها
بالنسبه فعلا للظروف اللي ممكن تحصل والحوداث اللي محدش ممكن يصدقها انا شفت بعيني عربيه اسبيرنزا اللي هي a 516 طلعت فوق رصيف ارتفاعه ازيد من 25 سم ودخلت في شجره فوق الرصيف قطر جذعها يتجاوز ال 40 سم وكسرتها نصين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!اقتباس:
المنظر ده كان ممكن يحصل مع اي عربية حتي صيني
للامانه انا شفت الحادثه بعد ما حصلت بشويه بس كانت العربيه فوق الرصيف وا لشجره مكسورة قدام العربيه
هي طبعا العربيه اتبهدلت بس محدش من اللي جواها حصله حاجه !!
اولا الصوره بنسة 99% مش فوتوشوب
لكن ده ميمنعش ان الواقعه كلها متفبركه
1- الحاويه "الحديد" جنبها يتطبق والعربيه "الصاج" ميحصلهاش حاجه
2- ليه الحاويه لسه لازقه فى المقطوره "الى واقفه على عجلتين" ما كانت اتزحلقت من فوقها
3- ايه قوة الرياح الى تقلب مقطوره بالشكل ده ؟ الاعصار بس الى يقدر يعمل كده ومسمعناش عن اعاصير اليومين دول فى كوريا
4- كمية الاوناش الموجوده اتنين فى الجنب وواجد فى الامام وواحد فى الخلف دول بس الى ظهرو فى الصور المفروض يبقى واحد بس او اتنين بالكتير لان المفروض فى عربيات تانيه الاعصار مدمرها وعايزه اغاثه
5- الجرار او رأس المقطوره زي ما هوا منقلبش ازاي والمقطوره مايله بالزاويه دي
ده طبعا غير الصور الى واضح من زواياها ان الى مصورها محترف مش تصوير حد عادي
ياجماعة معلش هو انتوا لية ماسكين فى المانى المانى والله لو كان حصل كدة بردة لعربية المانى كنا هنقول كدة بردة
معلش بقى فية صورة لسيفيك 2009 ودية فى مصر على فكرة وقع عليها كونتينر بنفس المنظر تقريبا بس كانت صورة بجد بقى مش اللى بالى بالك والعربية سقفها اتطبق جامد جدا والعربية اصلا من الحمل اللى عليها الكاوتش نصة اختفى داخل الكارتيرة وللعلم السيفيك 2009 واخدة اقوى سيارة فى التصادم وواخدة خمس نجوم واكثر السيارات امانا , بس هية دية الحقيقة لان ماينفعش يبقى المصنع بيقولك ان اكثر حمولة للعربية ماتزيدش عن 700 كم مثلا وانت تحط فوقيها 22 طن لأ وواقعة كمان دة اقل واجب ان العربية دية تتهبد على الارض تلاث اربع مرات
انتوا مش متخيلين يعنى اية كونتينر يقع على عربية من الارتفاع دة , اية ياجماعة فى اية سيبكوا من نظرية توزيع الاحمال والكلام دة لان الكلام هيطبق فى حالة حاجة بتترفع او ماشية لكن مش حاجة بتقع ووزنها يفوق اللى واقعة علية اكتر من 20 مرة
وفية بردة نقطة دلوقتى الكونتينر متطبق يعنى المفروض ان ( لكل فعل رد فعل ) يعنى دلوقتى الكونتينر دة اتطبق من فراغ ولا هو خبط فى اسمنت مسلح !!!!!!!!!!!!!!!!! يعنى قوة الارتطام ماكنتش قليلة يبقى لازم على الاقل كنت تلاقى العربية دية القايم بالزجاج مدشملين
عموما معلش مع احترامى لكل الاراء الصورة دية لا يمكن ان تدخل عقل اى شخص
وبكرر كلامى تانى ( فاكرين فيديو الفهد لما كان بيجرى مع الفوليستر ) ههههههههه قمة الكوميديا بصراحة
"Cheetah" -- Official big game ad for Hyundai Veloster Turbo - YouTube
شوفوا ياجماعة زى مانتوا قولتوا هيونداى مش محتاجة اعلان للانترا لانها مكسرة الدنيا بس بردة محتاجة تدعيم اكتر لسيراتها وانا من اللى بشوفة اقدر اقولكوا هيونداى دة سياستها من زمااااااااااااان وعمرها ماهتتغير
من اول ماعملت فيديو تحدى مابينها وبين التويوتا كامرى والهوندا اكورد وطلعتهم فى التراوة ولاكأنها بتنافس عربيات من سنة 1960 وسبحان الله كل الاختبارات التانية مطلعين الكامرى والاكورد من افضل العربيات
والفيديو اللى عملوا فية ان الجينيسيس افضل من الفئة الخامسة فى كل حاجة
, ودة حاجة واحدة بس هما عاملين كل فيديو منفصل
Hyundai Genesis Smokes BMW in Braking - YouTube
اللى اصلا لو دخلتوا على اى موقع هتلاقوا ان الارقام كلها مختلفة كليا عن اللى شركة هيونداى عاملاها
الصراحة من كل اللى شوفتة اتوقع من الشركة دية اى حاجة
وهية دية اسلوب الدعاية السخيفة
هيونداي طول عمرها كدابة يا سمسم.شركة تيييييت.
السلام عليكم
انا قريت الموضوع لاخره
ولقيت ان نص الناس بتدافع عن شركة هيونداي وكأنها شركته الخاصة
والنص التانى مصمم ان الصورة مش حقيقية وان الشركة كدابة
عاوز اقول ان سواء الصورة حقيقية او متفبركة لا اللى معاه الالانترا هيبيعها ولا اللى ناوى يجيبها هيغير رأيه ولا اي حاجة هتحصل
انا عن نفسي مقدرش انكر ان الالانترا الجديدة عاملة ثورة على الاقل من ناحية التصميم الخارجى والداخلى (أنا مسوقتهاش ولا دخلتها من جوة)
المناقشة بدأت تبقى شخصية شوية كل واحد واخد الرأي الاخر على نفسه
يا جماعة خلينا نقول رأي مجرد من التحيز وبدون اي غلـــط فى الراي الاخر
والسلام عليكم
موتوا بغيظكم .... بس محدش يقعد يبوصلها بأعجاب و خلية فى حالة ههههههههههههههههههههههههه ه
الى الافضل كوريا الى الامام
انتو لسه مختلفين
اقلكو انا السرقت العشه
هههههههههههههههههههههه
ده على الاقل الزجاج الخلفى يتكسر ويطق من عوجة القايم اللى خبطه الكونتينر شكلهم كده ريحو الكونتينر واحده واحده ع العربيه