سؤال عن شويه كماليات مهمه للفلونس

**mohaakotb** · 07-04-2012 02:09 AM

كنت قريت في المنتدي هنا كذا مشاركه عن الحاجات اللي هسألكو عليها بس للأسف مش مش فاكر هي فين او مكنتش مهتم ساعتها

1- تركيب حاجه زي الفاميه بس شفاف و بيكون عازل حراري و ضد الكسر .. انا اهم عندي يكون ضد الكسر وهو ده سبب سؤالي عليه مش فارق معايا اوي العازل الحراري .. ف هل ده موجود فعلا ولا ضحك علي الدقون ؟ ولو موجود الاقيه فين ؟

2- قريت عن حوار اسمه جلاد للعربيه بيبقي شفاف وحط 10 خطوط تحت شفاف يعني مفيهوش خطوط بتبان زي الكاربون كده يعني بيطبع مع العربيه ومستحيل يبان .. المهم انا مش عايزه منظر عايزه بس يشيل الليله في الحكات او الخرابيش الصغيره

3- تسليح الكاوتش ... قريت بردو عن حوار بيتعمل في الكاوتش ماده بتتحط او حاجه بتبقي حمايه للكاوتش ميتخرمش منك في الطريق طبعا ده مهم جدا

4- لو عايز اركب بارك سنسور في التوكيل يكلفني كام ؟ ومكنه الرفع مالهاش حل :(

**mohaakotb** · 07-04-2012 09:18 PM

ايه يا جماعه محدش يعرف ؟

**Sehsss** · 07-04-2012 10:13 PM

بص يا باشا، بالنسبة لموضوع العزل الحراري هاتلاقي عليه موضوع في قسم نيسان عاملة أحد الأعضاء وبالصور وفي شركتين لومار وفي كول والأخير أفضل وأغلى، موضوع تسليح الكاوتش ده برضه لو دخلت قسم نيسان هاتلاقي موضوع عنه، وبالتوفيق

**Sehsss** · 07-04-2012 11:11 PM

المشاركة الأصلية كتبت بواسطة mohaakotb

انا قريت التوبيك فعلا بس مش عارف ايه اللي يضمنلي انه مش حوار نصب ويطلع مالوش لازمه ؟ انا سألت صاحب التوبيك ومستني رده

بص.. على حسب معلوماتي إن لومار اللي صاحب الموضوع عمل عندها (أي كلام) لأن لي صديق معاه لوجان وعامل عندهم العزل الحراري بيقول ولا ليه أي 30 لازمة.. اللي متأكد منهم فعلا وهو شخصيا نصحني بيه الشركة التانية (في كول) بس السعر الضعف تقريبا يعني لو لومار بـ2000 جنيه، في كول بـ4000 آلاف.. تحياتي