ازاي اعرف ان السماعات بتاعتي اتحرقت ؟

**ahmed_mamdouh** · 07-04-2012 03:22 AM

مساء الفل ياشباب ...انا عندي سماعتين كينوود اندونيسي 450 وات .. كانو راكبين في عربيه لفترة بس انا خلعتهم وعايز اشغلهم عندي في البيت ...بس المشكله ان احيانا بلاقي خرخشه بسيطه كده مع البيز ...حاولت انضفهم بالبلاور لكن الخرخشه دي بتختفي احيانا وتظهر احيانا ...اما اضغط على الرق بتاع السماعه كده بلاقي حاجه زي حكة بسيطه كده ...مع العلم ان الرق والكاوتش اللي ماسكه حالتهم زي الفل

**m_yassiin** · 07-04-2012 03:30 AM

بس فى طريقة بس صعبة شويتين فك التويتر بتاع السماعة وهات كارت بتاع المحلات دة واقطع منة شلايحة بالموس حوالى سنتى ودخلها مابين الملف والمغناطيس وكرر الموضوع دة باكتر من ورقة بدون اى مواد

**lanos2004** · 07-04-2012 03:34 AM

لو طلعت شياط يبقه اتحرقت

--شوف انته تفك الغطا --الوش يعنى --وتضغط بصوابعك براحه على الرق بتاعها---لو سمعت صوت خشانه واحتكاك يبقه الملف اتحرق---
طبعا ممكن يكون الملف بتاعه متفحم وشغاله بس الصوت سىء جدا--
الحاله التانيه لو قاطعه خالص--يبقه مافيش صوت هيطلع اصلا--لو عنك افوميتر قيسها بيه او ركب اى سماعه مكانها لو اشتغلت السماعه الاخرى تبقه محروقه
الحل الاسهل تجبها وانا هقول لو محروقه

**lanos2004** · 07-04-2012 03:36 AM

المشاركة الأصلية كتبت بواسطة ahmed_mamdouh

مساء الفل ياشباب ...انا عندي سماعتين كينوود اندونيسي 450 وات .. كانو راكبين في عربيه لفترة بس انا خلعتهم وعايز اشغلهم عندي في البيت ...بس المشكله ان احيانا بلاقي خرخشه بسيطه كده مع البيز ...حاولت انضفهم بالبلاور لكن الخرخشه دي بتختفي احيانا وتظهر احيانا ...اما اضغط على الرق بتاع السماعه كده بلاقي حاجه زي حكة بسيطه كده ...مع العلم ان الرق والكاوتش اللي ماسكه حالتهم زي الفل

نسيت اقول الخروشه ممكن متكنش من السماعات

حط صبعك واضغط بشويش على الرق لو فيه خروشه يبقه فعلا باظت

**samehelrewesh** · 07-04-2012 10:23 AM

المشاركة الأصلية كتبت بواسطة lanos2004

لو طلعت شياط يبقه اتحرقت

--شوف انته تفك الغطا --الوش يعنى --وتضغط بصوابعك براحه على الرق بتاعها---لو سمعت صوت خشانه واحتكاك يبقه الملف اتحرق---
طبعا ممكن يكون الملف بتاعه متفحم وشغاله بس الصوت سىء جدا--
الحاله التانيه لو قاطعه خالص--يبقه مافيش صوت هيطلع اصلا--لو عنك افوميتر قيسها بيه او ركب اى سماعه مكانها لو اشتغلت السماعه الاخرى تبقه محروقه
الحل الاسهل تجبها وانا هقول لو محروقه

باشا لو الملف اتحرق او اتفحم السماعة مش هتشتغل اصلاااااااااا

صوت الخرفشة دا لو السماعة مركونة بقالها كتير يبقى فى تراب دخل فيها

**mody_mt2007** · 07-04-2012 11:08 AM

+11111111111111111111

**ahmed_mamdouh** · 07-04-2012 02:04 PM

الف شكر يا شباب ...لا السماعه صوتها جميل ...بس بقولكم ان البيز احيانا ..مش دايما ..بيعمل الخروشه دي ..وفعلا اما بضغط عليها بتعمل صوت احتكاك بسيط كده ....ياريت تقولوي افك التويتر ازاي ..انا فكيت المسمار اللي ورا في السماعه اللي هو ماسك التويتر ...لكن برضه ثابت في مكانه ومش بيتحرك

**dr_3abkrino** · 08-04-2012 09:03 PM

مشكلة نضافة وديها لحد من الشباب يكون فاهم فيهم لانها ليها أكتر من طريقة في التنضيف مش هينفع اشرحهالك

**ahmed_mamdouh** · 08-04-2012 10:05 PM

يا باشا انا من الفيوم ..واعتقد معظم الشباب من القاهرة او بعيد عن الفيوم عموما ...انا عندي خلفية كويسه عن الكهربا والكاسيتات ...لو حضرتك تقولي شرح بسيط كده يبقى كتر خيرك
انا على فكرة فكيت المسمار اللي ماسك التويتر في السماعه من ورا لكن التويتر برضه ماسك مكانه جامد اوي
لو في طريقه معينه لفك السماعه يا ريت تقولهالي برضه وشكرا جزيلا . :)

**dr_3abkrino** · 09-04-2012 12:14 AM

شوف الشرح انا هحاول يكون بسيط على قد ما اقدر لكن الفكرة ان لو انتا مثلا ماسك السماعة بايدك الاتنين وبتضغط على الرق بتاعها وبتسمع صوت الزنه او صوت ذي شخة شخة أو صوت تشخير خفيف كده مع البيز في الحالة دي أول حاجة تعملها انك تقلب السماعة وتخلي المغناطيس في اتجاه وشك وتضغط خفيفي جدا على الرق بتاعها عشان الوساخة تنزل لو انتا يعني فاهم وحاسس برق السماعة بتفضل تضغط في اكتر من اتجاه لو بعدين اعدل السماعه وانفخ في المكان الي عامل ذي الماسورة الي نازل لتحت ده لحد ما تتأكد انها مفيش فيها اي شئ بعدين عشان تتأكد من نضافتها أقلب بقى السماعة ووصلها عادي جدا بالكاسيت كأنك مشغلها عادي لكن اقلبها يعني خلى المغناطيس فوق والتويترات لتح وبعدين شغل أغنية مثلا فيها بيز جامد وعلي هتلاقي الوساخة كلها بتنزل منها وبعدين اعدلها احتمال كبير تلاقي تراب عليها حاول انك تفخ فيه وتطيره بره السماعات أو ببلاور لكن انا مبحبش اعملها ببلاور وبعدين لو ملقيتش حاجة فيها وبطلت تنزل التراب جرب تضغط تاني على الرق بتاعها وشوف هل الصوت راح ولا لسه وجرب أكتر من مرة لحد ما تتاكد انها من جوة نضيفة تمااااااااااما جرب وقولي