تقريرى الثالث عن البروسنا بعد 500 كيلو هام جدا

اولا بشكر المنتدى وبشكر اعضاء المنتدى جدا على تعاونهم واهتمامهم بمواضيعى عن السيارة .
ثانيا فاكرين طبعا موضوع السنتر اللى كان مش شغال معايا المهم الحمد للة روحت رخصت من يومين وبعد الترخيص لقيتها كدة الساعة 3 قولت اجرب اروح للتوكيل اللى فى الاعلام بما انى مرور العجوزة اجرب اقولهم على موضوع السنتر دة لانى كان منرفزنى بصراحة العربية لسة جديدة يعنى وبفتحة بأيدى كل لما شوية المهم رحت قابلنى الامن سألتة عايز اكلم حد من التوكيل قالى المهندس احمد رحتلة وقلتلة انا استلمت العربية وشرحتلة الموضوع قالى المفتاح ادتهولة نادى شخص كدة اسمة ابراهيم راح جرب برضوا ولقيتة جايب مفك كدة وهوب خلع الفرش وجرب اشتغل قالى الفيشة كانت مش راكبة قولت الحمد للة وركب الفرش وكلة تمام فى حوالى اقل من خمس دقايق المهم شكرتة وعرضت علية ادفع اى مصاريف مرديوش خالص المهم رحت للمهندس احمد تانى وشكرتة وقلتلة شكرا جدا ليك ولاهتمامك المهم سألتة بقى احجز قبل صيانة الالف قالى لاء تعالى على طول من غير حجز قلتلة طيب هو انا ممكن اشغل التكييف لان الجو بقى حر قوى قالى بلاش اول الف احسنلك للموتور علشان يديك كفاءة احسن بعد التليين ومتزودش عن 100 كيلو متر فى الساعة قلتلة طيب حستحمل مش مشكلة وسألتة بس انا حاسس ان العربية بتأكل بنزين جامد قوى يعنى يجماعة العربية كانت فول تانك حطيت بتاع 40 لتر كدة عملت بيهم بالظبط حوالى 390 كيلو وراحت منورة فحاسس انة كتير قالى دة طبيعى فى الاول بعد كدة بتظبط متقلقش قلتلة طيب وشكرتة تانى جدا على اهتمامة .
....نيجى بقى على ملاحظاتى على العربية بعد 500 كيلو :
فى صوت تزييقة كدة فى العفشة زى عصفورة كدة كل لما اخد مطب او امشى فى ارض مش متظبطة كدة زى مايكون فى حاجة عايز يتحطلها شحم والصوت من ورا مش من العفشة قدام ودة من اول ما استلمتها بصراحة يعنى مش لسة ظاهر وحقولهم عليها فى صيانة الالف انشاء الله .
بس باقى العربية تمام والله الحمد للة مفيش اى مشكلة والدنيا كويسة ولكن ايضا الفرامل ضعيفة شوية زى مايكون فيها شوية هوا كدة عايزين يتأخدو بردو حبقى اقولهم عليها
الموتور ادائة اكثر من رائع تحت رجلى مع العلم انى كنت راكب لانشيا تيما 2000 سى سى 148 هورس باور بس فعلا حتصدقونى لو قولتلكم ان ماتور البرسونا قوى جدا مقارنة بموتور اللانشيا وحاسس بقوتة تحتى وانا بجرى ولو انى نفسى الالف كيلو يخلصو بقى علشان اقدر اجرى اكتر شوية واحس اكتر بقوة الموتور .
الكيك دوان فى الماتور اكتر من رائع لدرجة انة بيحسسنى انى راكب عربية سباق فعلا قوى اوى وجميل وانشاء الله لو فية اى جديد حقولكم علية :bye2:

اقتباس:

---

المشاركة الأصلية كتبت بواسطة card44

اولا بشكر المنتدى وبشكر اعضاء المنتدى جدا على تعاونهم واهتمامهم بمواضيعى عن السيارة .
ثانيا فاكرين طبعا موضوع السنتر اللى كان مش شغال معايا المهم الحمد لله روحت رخصت من يومين وبعد الترخيص لقيتها كدة الساعة 3 قولت اجرب اروح للتوكيل اللى فى الاعلام بما انى مرور العجوزة اجرب اقولهم على موضوع السنتر دة لانى كان منرفزنى بصراحة العربية لسة جديدة يعنى وبفتحة بأيدى كل لما شوية المهم رحت قابلنى الامن سألتة عايز اكلم حد من التوكيل قالى المهندس احمد رحتلة وقلتلة انا استلمت العربية وشرحتلة الموضوع قالى المفتاح ادتهولة نادى شخص كدة اسمة ابراهيم راح جرب برضوا ولقيتة جايب مفك كدة وهوب خلع الفرش وجرب اشتغل قالى الفيشة كانت مش راكبة قولت الحمد لله وركب الفرش وكلة تمام فى حوالى اقل من خمس دقايق المهم شكرتة وعرضت علية ادفع اى مصاريف مرديوش خالص المهم رحت للمهندس احمد تانى وشكرتة وقلتلة شكرا جدا ليك ولاهتمامك المهم سألتة بقى احجز قبل صيانة الالف قالى لاء تعالى على طول من غير حجز قلتلة طيب هو انا ممكن اشغل التكييف لان الجو بقى حر قوى قالى بلاش اول الف احسنلك للموتور علشان يديك كفاءة احسن بعد التليين ومتزودش عن 100 كيلو متر فى الساعة قلتلة طيب حستحمل مش مشكلة وسألتة بس انا حاسس ان العربية بتأكل بنزين جامد قوى يعنى يجماعة العربية كانت فول تانك حطيت بتاع 40 لتر كدة عملت بيهم بالظبط حوالى 390 كيلو وراحت منورة فحاسس انة كتير قالى دة طبيعى فى الاول بعد كدة بتظبط متقلقش قلتلة طيب وشكرتة تانى جدا على اهتمامة .

بالنسبةلموضوع لمبة البنزين
هي بتنور بدري ........ يعني على الأقل هاتلاقي في التانك بتاع 10 لتر و هي منورة
علشان تقيس صح
مينفعش تقيس على قياس لمبة التانك
أنت تفول و تمشي مثلا 200 كم
و ترجع تفول تاني من نفس البنزينة و يستسحن من نفس المكنة
و بعدين تشوف أخدت كام لتر و على هذا الأساس أنت هاتعرف أستهلاكها كام .
الوقت الأفضل لحساب الأستهلاك هو بعد مرور 5000 كم
....نيجى بقى على ملاحظاتى على العربية بعد 500 كيلو :
فى صوت تزييقة كدة فى العفشة زى عصفورة كدة كل لما اخد مطب او امشى فى ارض مش متظبطة كدة زى مايكون فى حاجة عايز يتحطلها شحم والصوت من ورا مش من العفشة قدام ودة من اول ما استلمتها بصراحة يعنى مش لسة ظاهر وحقولهم عليها فى صيانة الالف ان شاء الله .
بس باقى العربية تمام والله الحمد لله مفيش اى مشكلة والدنيا كويسة ولكن ايضا الفرامل ضعيفة شوية زى مايكون فيها شوية هوا كدة عايزين يتأخدو بردو حبقى اقولهم عليها
الموتور ادائة اكثر من رائع تحت رجلى مع العلم انى كنت راكب لانشيا تيما 2000 سى سى 148 هورس باور بس فعلا حتصدقونى لو قولتلكم ان ماتور البرسونا قوى جدا مقارنة بموتور اللانشيا وحاسس بقوتة تحتى وانا بجرى ولو انى نفسى الالف كيلو يخلصو بقى علشان اقدر اجرى اكتر شوية واحس اكتر بقوة الموتور .
الكيك دوان فى الماتور اكتر من رائع لدرجة انة بيحسسنى انى راكب عربية سباق فعلا قوى اوى وجميل وان شاء الله لو فية اى جديد حقولكم علية :bye2:

---

بالنسبة لموضوع الصوت مش عارف علشان لازم أسمعه بنفسي .
بالنسبة لموضوع الفرامل ....... ده عادي ما تقلقش .... جرب تكون في مكان فاضي و أكبس بنزين و بعدين فرامل و شوف الأداء عامل أيه .


و مبروك عليك العربية و ربنا يباركلك فيها و يستر طريقك

ما شاء الله
كويس والله الموضوع طلع بسيط
سيبك من موضوع الأستهلاك دلوقتي علشان البنزين حاليا" مضروب
ومتعملش كيك داون تاني أصبر متستعجلش
ربنا يباركلك فيها

مبروك
اصبر على الكيك لحد ما تخلص تلييين
العفشة حتتربط والصوت حيروح فى صيانة الالف
قلهم يرجلشوا فرامل ورا فى صيانة الالف
الهوا اللى انت حاسس بية دة لحد ما تتعود على طول مشوار دواسة الفرامل
متقرصش على العربية خااااااااااااااااالص لحد ما تخلص الالف
متستناش لما اللمبة بتاعت البنزين تنور ياريت ياريت ياريت فول قبلها مش حتخسر حاجة
عربيتك اوتو قبل ما تبطل العربية ارفع هاند وبعدين بطل وبعدين هات ال p لية ؟؟؟؟ علشان متحملش على الترس وتحس بعضة فى النقل من ال p لاى غيار
علشان تحافظ على الفتيس ككل

معلش اصبر شوية
وربنا يستر طريقك يارب

بص يا باشا
أولا بالنسبة للبنزين ده عادى جدا زي ما استاذ توت قالك هي هاتبقى مهيسه معاك كده فى أول 5000 بعد كده هاتظبط ان شاء الله.
ثانيا بالنبة للفرامل - هي فرامل البروتون كده تحس انها واخده هواء و لازم تدوس بزياده - هي مش باللمس بتدى الفرملة اللى انت متقعها- هو عامة انا ماعرفش ده عيب ولا ميزة ولا عادى بس فى العموم الفرامل مش وحشة بس مع الوقت هاتتعود عليها و على الدواسة لا تقلق.

بالنسبة للكيك داون - حاول تتك على الصبر شويه انت لسه فى التليين - ماتزودش عن سرعة 100 كيلو فى الساعه و كمان خد بالك انك ماتعليش الار بى ام عن 3 يعنى خلى رجلك خفيفه على البنزين و سيبها تاخد النقلة بتاعتها بهدوء دون قرص.

أما بالنسبة للصوت اللى انت بتسمعه من الخلف فأنا شاكك و الله أعلم انها غالبا الكنبة - علشان انا كان عندى المشكله دى اول ماستلمت العربية و هما حلوها فى صيانة الالف لكن للأسف الحل اللى التوكيل بيحله هو حل مؤقت.
عموما علشان تتأكد نزل ظهرين الكنبه و امشى فى مكان مش مستوى و لاحظ الصوت اختفى ولا لسه موجود - لو لسه موجود يبقى دى حاجه فى تربيطة العفشة و قولهم عليها فى الصيانة بتاعة الألف أما لو الصوت راح فيبقى شكى فى محله و دى بقى انت ممكن تعملها بنفسك - بعد ماتنزل الكنبة هاتلاقى فى الجنبين اليمين و الشمال حديدة كده اللى لسان الكنبة بيشبك فيها علشان تتثبت - الحديدة دى لف عليها شريط لحام (فى الجنبين) و بعدين رجع الكنبة تانى لمكانها (ده الحل اللى بيعملوه فى التوكيل) غالبا الصوت هايختفى لكن المشكله انه هايرجع تانى بعد فتره بالذات لو فى حد ناس بتركب معاك فى الخلف و ده نتيجة ان شريط اللحام هايتآكل فتروح انت فكه و تعيد الكره من جديد - للأسف مالهاش حل جذرى.

عامة استمتع بالعربية لأنها فعلا و الحمد لله عربية جميله و اعتمادية جدا و ربنا يبارب يباركلك فيها و يديك خيرها و يكفيك شرها

تحياتى
محمد عبد العزيز

ده كلام محترم

منتظر منك تقرير الألف كيلو و هتعمل ايه فى التوكيل ان شاء الله

طبعا الرجالة قالوا كل حاجة تقريبا, بس أنا عندي تعليق صغير عالاستهلاك...لمبة البنزين لما تنور بيبقى فاضل 12-15 لتر, فانت كل تفويلة بعد كده هتلاقي نفسك بتحط 35-37 بالكتير.

أنا شايف إن 390 كم وإنت لسة في التليين كويس قوي, لإن حضرتك بعد التليين لما تجري وتحرق مش هتشوفهم تاني. :))

و ألف مبروك عليك.

تصدق بالله انك برنس فعلا هو موضوع الكنبة طلع صح الله عليك ياكبير وانا اللى كنت فاكرها العفشة سبحان الله اقولك على حاجة بقى عليا النعمة انتا اجدع من ابويا :) هههههههههههه شكرا ياباشا على الافادة وانشاء الله لو فية اى جديد حقولكو علية وادعلو اكمل الالف بقى بسرعة :) علشان زهقت شوية