الحمد الله ! العربية خدت اول "لطشة" قلم على خدها !
السلام عليكم,
الحمد الله العربية كدة بمعدل كل اسبوع .. بتاخد حكة هنا ... خربوش هنا ...
بس امبارح بقى كانت "لطشة" مميزة !
بلف U-Turn في جسر السويس .. و انا ماسك حارتي ... طالع في حارتي ...
سواق تاكسي هربان من ايران ! (كمية شعر غريبة بصراحة LOL) خارج من الحارة الي بعدي و عداني و دخل بجنب عربيته كل في الجنب الشمال من الاكصدام عندي ...
انا طبعا سمعت الصوت .. قلت بس ... اللاكصدام و الرفرف و الفوج بالسلامة !
نزلت وانا حنفجر في الراجل ...
لقيت الاتي ...
http://kareemkamel.com/123smile/images/843DSC_0026.jpg
طبعا الحمد الله بسيطة .. بس للاسف انا موسوس .. و في وش العربية .. و مش عارف حتى اشيل الابيض ده .. و للاسف الدهات اتقشر ...
اولا اشيل الدهان الزفت بتاع الراجل ازاي ؟
ثانيا ... ارشها ولا لأ .. علما اني مأمن ... بس حدفع بتاع 250 جنيه تحمل !! و هي اصلا حتكلف 200 جنيه مثلا لو اتعملت ...
--
المهم لقيت الراجل نزل من العربية بيبص على عربيته (شاهين) و بيقولي منك لله بوظتلي الباب !!
قلتله ده على اساس اني غلطان ؟ (انا اصلا نازل من العربية مولع بس متوقع انه حيعتذر وخلاص النصيب و كدة )...
قالي اه المفروض تستانني لما الف انا !! و انا الي خابطه !!! كمان !
كان معايا واحد صاحبي و عرف الي حقوله فرماني في العربية و راح كلم الراجل وركبه عربيته و قاله اتكل على الله !!
والله ماكنت ناوي اشتمه ولا حاجة .. بس كنت حدعي على امه ! و ده الي حصل ! ركبت تاني و صديقي هداني و قالي بسيطة و مش بسيطة .. قلتله معاك حق ! و شرخت عديت الراجل و فتحت الشباك و قلتله حرام على ذقنك الكذب ! حسبي الله و نعم الوكيل الله تتقلب بيها !
بس .. كدة ...
الحمد الله بقى ...
