الموضوع يا جماعة انى عاوز اشترى عربية من 150 لحد 200 الف جنية و كنت محتار مش عارف اشترى اية و عاوز نصيحة و الشروط اللى انا عاوزها فى العربية هى
1- عربية عائلية واسعة
2- اتزان العربية على الطريق ممتاز
3- خامات التابلوه ممتازة و شكله شيك
4- توكيل محترم فى التعامل و قطع غيار متوافرة و سعرها مناسب
5- تحتوى على مجموعة من الكماليات مميزة
الف شكر ليكم يا جماعة على الاهتمام
used ولا` جديد ؟
لو جديد فى الرينج ده لا يوجد الا السكودا الفانتازيا
السيفيك مبالغ فى سعرها جدا (مفروض تبقى ب 155 و175 بدل 176 و199)
الكورولا فقيره جدا وكمان اتزانها اقل من الاتنين
لو تقدر توصل ل 210 يبقى البيجو 508 اختيار رائع
ولو مش لازم سيدان يبقى عندك السبورتاج والقاشقاى, الاتنين اوتو واسعار من 176 الى 200
وطبعا انسى الجيتا بمشكلة ال dsg الشهيره
فورد فوكس هايلاين ب 180 الف
1- فانتازيا
2- سيفيك
3- فوكس
فانتازيا او فوكس او قاشقاي او ds4 بس هتعدي ال 200 شويه بس تستاهل جداا بصراحه
يعنى لو حصرنا المنافسة بين قشقاى و فانتازيا و سيفيك الجديدة مين يكسب فى
1- جودة التكييف
2- اسعار قطع الغيار
3- جمال التابلوه ( معلش موضوع التابلوه دا مهم شوية بالنسبة لى )
4- الراحة
ولو دخلنا الفلونس الفئة اللى 150 هاتكون مقارنة عادلة
شكرا للاهتمام
التكييف للياباني اكيد وقطع الغيار متقاربة مع افضلية للفانتازيا واحسن تابلوه الفانتازيا والسيفيك
واكيد صعب تدخل الفلونس فرق 50 الف مش شوية , بس برضه انا انصحك بالفوكس هاتشباك الجديدة , ممتازة
ممكن تتفرج على القاشقاى الاتوماتيك و تحكم بنفسك وده لانها لسه نازله جديد و ملاكها لسه قليلين بس اعتقد ان فيها اللى حضرتك بتدور عليه