ارجو المساعدة بخصوص مراية الاصالون

السلام عليكم ورحمة الله وبركاتة

دى اول مشاركة ليا فى منتدى النيسان صنى

أنا ربنا وفقنى وقدرت احوش واجيب صنى 2008 واتعلمت عليها السواقة
بس انا معرفش اى حاجة فى صيانة العربيات تماما وأدينى بحاول اتعلم

انا عندى مشكلة صغيرة وبتمنى من صقور المنتدى تجاوبنى عليها فى اقرب وقت ممكن

المراية اللى فى الوسط بايظة ولما جيت اشيلها لازقة فى البرابريز ومش عارف افكها وحالفة لو طلعت هتكسر الزجاج

أعمل اية انا محتاج اركب واحدة جديدة واشيل القديمة البايظة

الف مبروك اولا ربنا يستر طريقك يارب
وممكن تروح لحد يفكهاك وتركب الجديدة افضل
ولو الاخوة شرحوا حل ابسط من كدة يبقي خير وبركة
تقبل مروري

وانت عاوز تفكها ليه، بص لو مضايقاك ماتفكهاش فيه مرايا بانوراما كبيرة بتركب على المرايا القديمة بتكشفلك الطريق كله وبتغنيك عن المرايات الجانبية كمان اسأل عليها في محلات قطع الغيار، وفي نقطة تانية لو عاوز تغير المرايا خالص، الوش هو اللي بيتفك مش الدراع اللي راكب في البربريز، وبالتوفيق

اقتباس:

---

المشاركة الأصلية كتبت بواسطة Sehsss

وانت عاوز تفكها ليه، بص لو مضايقاك ماتفكهاش فيه مرايا بانوراما كبيرة بتركب على المرايا القديمة بتكشفلك الطريق كله وبتغنيك عن المرايات الجانبية كمان اسأل عليها في محلات قطع الغيار، وفي نقطة تانية لو عاوز تغير المرايا خالص، الوش هو اللي بيتفك مش الدراع اللي راكب في البربريز، وبالتوفيق

---

:tumb: :tumb:
غير كفه المرايه فقط وسيب الدراع زى ما هو

اصل المراية واصلة بالقاعدة عن طريف بلية كدة وشكل البلية دى حصل فيها حاجة مش عايزة تركب خالص على القاعدة حاولت كتييييير لكن بتقع تانى

وانا ساكن فى اكتوبر لو حد يعرف واحد بتاع مرايات واكسسوارات كويس يقولى علية

اقتباس:

---

المشاركة الأصلية كتبت بواسطة ramymh

اصل المراية واصلة بالقاعدة عن طريف بلية كدة وشكل البلية دى حصل فيها حاجة مش عايزة تركب خالص على القاعدة حاولت كتييييير لكن بتقع تانى

وانا ساكن فى اكتوبر لو حد يعرف واحد بتاع مرايات واكسسوارات كويس يقولى علية

---

يبقى روح لحد بتاع زجاج هايفكهالك على طول، وبعدين هايلزقهالك تاني بلزق شفاف بس اتأكد من إن نوع اللزق عنده محترم ومش صيني علشان أنا عانيت من الموضوع ده قبل كده

اقتباس:

---

المشاركة الأصلية كتبت بواسطة sehsss

وانت عاوز تفكها ليه، بص لو مضايقاك ماتفكهاش فيه مرايا بانوراما كبيرة بتركب على المرايا القديمة بتكشفلك الطريق كله وبتغنيك عن المرايات الجانبية كمان اسأل عليها في محلات قطع الغيار، وفي نقطة تانية لو عاوز تغير المرايا خالص، الوش هو اللي بيتفك مش الدراع اللي راكب في البربريز، وبالتوفيق

---

اقتباس:

---

المشاركة الأصلية كتبت بواسطة sehsss

يبقى روح لحد بتاع زجاج هايفكهالك على طول، وبعدين هايلزقهالك تاني بلزق شفاف بس اتأكد من إن نوع اللزق عنده محترم ومش صيني علشان أنا عانيت من الموضوع ده قبل كده

---

+11111111111111111111111111111

بص يا ريس مادام انت في اكتوبر روح الاردنيه اللي هي ورا الحصري فيها 3 محلات اكسسوارات و كماليات واحد اسمه تربو دول تمام وحتي ابقي بص علي الاكسسوارات هتلاقي حاجات تعجبك ورخيصه

شوف هوا الدراع ده مش ملزوق في البرابريز .. هوا في بلاستيكه كدا هيا الي ملزوقه في البرابريز
والدراع ده راكب في البلاستيكه "شبك " زي مشبك كدا وملزوقين
الخلاصه انك تشوف حد يعرف يفك الدراع من البلاستيكه ..

بص حط كف ايدك الشمال تحت العمود الواصل بالمراية وبايدك اليمين اخبط تحت ايدك الشمال براحة لفوق هتلاقيها طلعت معاك

اقتباس:

---

المشاركة الأصلية كتبت بواسطة manchestrawy

شوف هوا الدراع ده مش ملزوق في البرابريز .. هوا في بلاستيكه كدا هيا الي ملزوقه في البرابريز
والدراع ده راكب في البلاستيكه "شبك " زي مشبك كدا وملزوقين
الخلاصه انك تشوف حد يعرف يفك الدراع من البلاستيكه ..

---

اقتباس:

---

المشاركة الأصلية كتبت بواسطة amdd

بص حط كف ايدك الشمال تحت العمود الواصل بالمراية وبايدك اليمين اخبط تحت ايدك الشمال براحة لفوق هتلاقيها طلعت معاك

---

الله ينور يا رجالة، فعلا أنا النهاردة كنت بركب فواحة وبصيت عليها لقيتها فعلا زي مشبك كده

100% صقور نيسان .. صبح صبح الاكتشافات الجامدة ديه