لماذا كل هذا الهجوم علي هيونداي ! ؟

**Medicalist** · 07-04-2012 09:38 PM

كل واحد يا باشا بيعمل بأصله و اكيد البيه عنده نقص وممكن مش بس متغاظ من هيونداى لا هيبقى متغاظ من اى حد راكب عربيه زيه
فى الحاله دى رأيى انك تنفض و تسيبه يعدى تجنب الاشكال دى احسن حاجه وعدم اعطاءه اهتمام

**Kareem.ElAraby** · 07-04-2012 09:58 PM

حمد الله علي السلامه بس خد بالك هو كان ممكن يكون بايعها و يلبسك و كانت هتحصل معايا لولا ستر ربنا و الحمد لله

بس أحلي حاجه عجبتني زمجره الموتور :]

**Habd** · 07-04-2012 11:05 PM

عربية بياعة و حرب توكيلات بقى و بتبان اوى لما يكون فى حد بيهاجم الهيونداى و بيشكر فى الكيا و الاتنين واحد :)

**mahmoud_afifi** · 07-04-2012 11:09 PM

المشاركة الأصلية كتبت بواسطة se_coralsea

و هنا قولت مافيش فايدة بقي الراجل ده لازم يتربي و يتعلم عليه ( و تذكرتك يا محمود ياعفيفي)

هههههههههههههههههه .. احم احم بلاش سياح :)))

قد لاتكون سيارات هيونداي ذات نجوم في الاختبارات و لكن سائقي و مالكي هيونداي هم النجوم

حمدلله على سلامة حضرتك في الاول والاخير.

بعدين هو فعلا في ناس كده لازم يتعلم عليها (قولي بس هو فين وانا اروح اعلم لحضرتك عليه .. لسه عندي مرايه يمين سليمه هههههههههه)

وبرافو الي حضرتك عملته وعلمته الادب :)
ربنا يستر طريقك

**iwantes350** · 07-04-2012 11:22 PM

ازيكم يا هيونداوية
انا عضو تويوتاوى اصيل
وبصراحة مكنتش بحب هيونداى زمان..
بس دلوقتى وبعد ما جربتها عجبتنى اوى وبقيت احترمها جداااااااااااااا..
مش موضوعنا
المهم
مع احترامى لمالكى الشيروكى المحترمين فقط ..
فى فئة كبيرة اوى من اللى معاهم الشيروكى بصراحة قمة الانحطاط ((معلش على الكلمة بس بصراحة مستفزين اوى))
ومتكبرين واكرر مش كلهم فئة معينة منهم او بمعنى ادق((محدثي نعمة)) اه والله الواحد فيهم ابوه باع حته ارض او اى حاجة وجبها وبعدها الواد الصغير يطلع بيها ويقعد يتكبر على باقي خلق الله وانا شفتها بعيني بجد..
معلش يا باشا هو اكيد محدث نعمة وفرحان بيها بس نقول ايه ربنا يهدى ..
ومحدش يتدايق من كلامى ..

**Ashraf_Ibrahim** · 07-04-2012 11:31 PM

والله يا بشمهندس سمير المشكلة مش مشكلة عربية ولكن مشكلة نفوس اساسا
في العادة بحب امشي في حالي
لكن لما بضايق بكون وحش جدا على الطريق وممكن اعمل مصايب :d
امبارح مثلا كنت في مدينة نصر معايا اخويا واصاحبه - 5 شباب في العربية -
المهم انا ماشي عند بنزينة موبيل اللي بعد رابعة فميكروباص بيقطع الشارع من الشمال لليمين عشان يدخل الشارع فأنا جاي بسرعة المهم كلكست ليه ونور وبتاع وهو ولا هو هنا قمت مهدي خالص وواقف قدامه
وفتحت الازاز وبشاورله بايدي انا منزلتش لقيته طالع بكل انكسار وبيقلي والله انت برنس فلما لقاني عليت صوتي قلي دانا بقلك انك برنس
فسبته ومشيت وهو ضمن انه دخل الشارع بتاعه وانا يا دوب داخل على الشريط بتاع الترام ولقيته فتح اسطوانة من الشتائم العظيمة فوقفت ولفيت الدروكسيون فعلا وهرجعله عكسي بقا :d
لولا انهم منعوني بس لما فكرت فيها طب لما انت جامد اوي كدة مقلتش ادبك ليه وانا قدامك ؟! وللا لما ضمنت اني مشيت من قدامك ومش هعرف ألفلك وانك خلاص فلتت مني؟!
المشكلة في اخلاق السواقة يا سمير مش العربيات خالص
يارب الناس تغير أخلاقها !