الموضوع: قطع غيار اصلية و ارخص من غبور

انا عندى عربية i10 و فلتر التكييف بتعها عايز يتغير المهم نزلت شارع دمشق ادور ملقتش غير فى توكيل هيونداى ب 170 .... طبعا دا سعر استهبال المهم واحد من محلات قطع الغيار قلى دا زى بتاع البيكانتو المهم لفيت برده ملقتوش روحت واخد بعضى ورايح توكيل كيا فى روكسى و دخلت سألت على الفلتر بتاع البيكانتو و طبعا لأشتراك العربيتين فى كل حاجة كنت متوقع نفس السعر المهم لقيتوا سألت على السعر و كانت المفاجأة ........ الراجل قالى ب 93 قولتلوا هخدوا و خدتوا و فتحت العلبة هو هو بتاع ال i10 و كمان ايه الفلتر مكتوب عليه هيونداى بس ....... الخلاصة غبور كان هيسرقنى فى 80 جنيه فا نصيحة منى عايز تشترى قطع غيار اصلية و ارخص يبقى توكيل كيا كفاية انهم عندهم قطع الغيار مش زى غبور يقولى مفيش غير قطعة واحدة و فى فرع فيصل ..... نصيحة لو عايز تشترى الأصلى و تبقى ضامن يبقى اعرف عربيتك قطعت غيارها شبه ايه فى كيا و اشتريها من توكيل كيا