إفتتاح كوبري الجيش الجديد المؤدي الى طريق ال n a

**wael61** · 17-04-2012 03:26 PM

بصراحة شوقتونى امشى علية وعموماً الف مبروك وشغل اكيد هايل

**SYD** · 17-04-2012 08:32 PM

انت تقصد الكوبري الي بيمر فوق طريق الشهيد ؟؟؟؟

انا كنت بستخدم الطريق دة من ايام لما كان لسة مدقات ومش متسفلت منه غير حتة صغيرة اوي

بالنسبة للي مايعرفوش

لو انت علي الدائري في اتجاه التجمع الخامس
بعد كارفور والكام رادار الي علي الجانبين
هتلاقي مخرج رقم 9 وزمان كان كمان مخرج 10
هتنزل هتلاقي شركة تعبئة الغاز علي يمينك
هتلف الصينية (اوعي تمشي طوالي هتلاقي نفسك في العين السخنة)
هتعدي من تحت نفق وبعد كدة كوبري
هتكمل هتلاقي توكيل بيرليانس و byd علي يمينك
هتمشي شوية هتلاقي الكوبري فوقك

ولو انت جي من التجمع
بعد تاني نفق هتلاقي مخرج علي يمينك
هتنزل منه هتلاقي نفسك بردو في طريق الشهيد

صح كدة ولا انا اقصد طريق تاني ؟؟؟؟؟

والله المستعان
،
،

**SYD** · 17-04-2012 08:36 PM

اه نسيت اقول
فعلا الطريق دة كانوا شغالين عليه من حوالي سنة
وكان ضيق ويقرف
ولما اشتغلوا فيه عملوا تحويلة جميلة اوي
خلوك تلف المقابر وتاخد زيارة للقبور يمكن تتعظ
وبعد كدة ترجع تاني للطريق

بس عموما الطريق بقاله اسبوع متسفلت زي الحرير

وفعلا انا كنت بشوف القوات المسلحة هي المشرفة عليه

وللي بردو مايعرفش الطريق

الطريق اسمه الشهيد
علي يمينك مقابر
في نهايته مستشفي مبارك
الطريق متسفلت بشكل مغري ومستفذ انك تجيب 160

طريق جميل جميل يعني
وكله تفاؤل من اول اسمه لحد المستشفي في نهايته

والله المستعان
،
،

**_hema** · 19-04-2012 07:20 PM

المشاركة الأصلية كتبت بواسطة m.elgergawy

لسه من نص ساعة طالع الكوبري وحاجة ما شاء الله تمام اوي وشكله افتتاح تجريبي بس لسه تحتيه بيسفلتوا حتت معينة مكسرة وكل الشكر للهيئة الهندسية بالجيش على مجهودهم السريع على انجاز الكوبري وايضا توسيع طريق ال n a واللي ربنا يستر عليه من السرعات اللى الواحد بيشوفها عليه

انا بمشى من الطريق دا كتير من قبل ما يعملوا الكوبرى وبعد ماعمولوه

الكوبرى طبعاً رائع

بس الاروع لو كان رايح جاى كان هيزبط الدنيا من تحت