السلام عليكم و رحمة الله
معروض عليا لانسر 2005 لسه ما شوفتهاش كاملة اتوماتيك 1300/فابريكة /glx/عداد 85000 كيلو
افيدونى افادكم الله وتستاهل كام
عرض للطباعة
السلام عليكم و رحمة الله
معروض عليا لانسر 2005 لسه ما شوفتهاش كاملة اتوماتيك 1300/فابريكة /glx/عداد 85000 كيلو
افيدونى افادكم الله وتستاهل كام
اطمن الأول من حالتها عند صنايعية أو مركز صيانة محترم .. ولو كده توكل على الله العربية دي محترمه جدا و بإذن الله مش هتندم عليها و ماسكة سعرها في السوق ..
أعتقد لحد 65 ألف جنيه سعرها مناسب لو حالتها فعلا فبريكة زي مابتقول كده .. و هتقل لو فيها أي حاجة ...
65 الف لو فابريكة زي ماقلت
جزاكم الله كل الخير
انا احتمال اسافر مصر اشوف العربية ان شاء الله كنت عايز اعرف الطريق لتوكيل ميتسوبيشى لانى تقريبا ما اعرفش حاجة فى مصر وهل حد يعرف مصاريف نقل الملكية تقريبا كام
توكيل ميتسوبيشي هتلاقيه قبل الدائري على طول شركتين اتنين ... اللي قبل الدائري مباشرة الرواس ، و قبلها بـ 2 كيلو على الناحية التانية شركة المصرية ... و هتلاقي إعلانات المصرية موجوده في المنتدى في كل مكان تقدر تتصل بيهم و تحدد معاهم معاد ..
بالنسبة لنقل الملكية ... فلو هتعمل تسجيل نهائي في المرور ده بيكلف 2000 جنيه للعربية ميتسوبيشي لانسر 2005 ( 1.6 ) بالتالي هيكون فيه فرق بسيط لعربيتك لإنها 1.3 فأكيد هيكون أقل من 2000 جنيه ..
و عموما فيه طريقة سهلة تقدر تعملها علشان تسهل على نفسك و تسهل على صاحب العربية الإجراآت دي ... لو رخصة العربية لسه فيه وقت سنة أو سنتين ... تخلي صاحب العربية و اللي هي الرخصة بإسمه يعمله توكيل بيع للنفس و للغير .. و تدفعله فلوسه و تكتبوا عقود ابتادئية .. العقود الابتدائية تضمنلك و تضمنله إن الفلوس اتدفعت و التوكيل بيخليك تنقل العربية لملكيتك في أي وقت تحبه بدون الرجوع لصاحب الرخصة الأصلي ... و هنا تقدر تستفيد بالسنة أو السنتين اللي في الرخصة من غير ماتضطر تسجل تسجيل نهائي و تدفع 2000 جنيه دلوقتي ... العقود الابتدائية دي بتتابع جاهزة في المكتبات بنص جنيه ، و التوكيل بيتعمل في اي شهر عقاري بـ 30 جنيه ... و يخلص الموضوع في نص ساعة لإن التسجيل النهائي بياخد أسبوع ...
خليك في توكيل المصرية
هتلاقي هناك المهندس طارق زويل
تسجيل 2005 من يومين 955 و102 تاميين والضريبة 185السيارة1300cc
جزاكم الله كل الخير جميعا
لكن الجديد انى لاقيت ان صاحب العربية رافض مبدأ التشييك عند التوكيل بحجة انه بعيد ولما سألته عن صحة البيانات قالى العربية راشة كبوت واكصدام فبصراحة انا ما ارتحتش نفسيا ولغيت الموضوع من الاساس يعنى ممكن لما اوصل يظهر حاجات تانية انا كل اللى لفت نظرى ان العربية نمر بورسعيد وخلانى اهتم بالموضوع
ومرة تانية جزاكم الله كل الخير
كلام سليم
طالما قالك اصل مش عارف ايه .. ومش عارف ايه
يبقا العربية دي مشكوك في أمرها
لو العربية قريبة مني..أنا ممكن أجي أشوفهالك وأعرفلك ايه الي فيها لو تحب
في مقابل طبعا
انت عارف ان الماديات مهمة اوي
شندوشتين فلول وطعمية ... بس
ههههههههههههههههههه