انا والكارته والليزر والجيش
السلام عليكم دي حكايه حصلت معايا امبارح
اولا انا من سوهاج وعندنا طريق كدا بييوصل لحد البحر الاحمر وسفاجا وبنطلع عليه انا واصحابي كل اسبوعين مثلا كدا نمشي حوالي 20 كيلو قبل الكارته وبنركن هناك بقا بنغير جو يعني طبعا الطريق فاااااااااااااضي مفهوش لمبه تنور ولا بني أدميين
وصلنا والحمد لله طبعا الطريق حواليه صحراااااااااا من الناحيتين وواحد مننا راح عند الكارته لأن بيبقا ف جيش واقف وكدا وقالهم احنا هنقف جنبكم هنا مفيش حاجه يعني عادي طبعا مصدقوش و مفيش 10 دقايق لقينا الجيش جيه وطبعا فاكرين معانا مزز ولا حشيش كلمونا وهزرنا شويه ومشيو ومفيش حاجه
لاحظت اول ما وصلنا ان ف نور كدا في الصحرا بعيد شويه ف مكان غريب واختفي بس مركزتش يعني
مفيش نص ساعه لقيت النور دا ظهر وابتدي يمشي موازري للطريق الاصلي اللي ااحنا عليه
طبعا الدنيا ضلمه ومش عارفين دا ايه والنور كان بعيد عننا بحوالي كيلو جو الصحرا
العربيه كانت بتتحرك بسرعه ونور القمر كان منور شويه ف شايفين الغبار ورا العربيه
طبعا ع طول روحت ساحب الليزر بتاعي بتاع الملاعب الاخضر وروحت منور عليها راحت طافيه النور خالص طبعا اختفت معرفناش وقفت ولا ماشيه
راحت مولعه النور تاني ومشيت وشويه تهدي وتمشي وتطفي النور وحركات غريبه كدا اشتغلت وراها بالليزر اطفي وانور اطفي وانور المهم روحنا قولنا لواحد مننا يروح يبلغ الجيش بسرعه عند الكارته طبعا راح بسرعه
المهم انا قولت اعمل ايه روحت متخن شعاع اللييزر خالص وخليته زي الكشاف ونورت لقيتها عربيه ربع نقل وعليها 2 من ورا
روحت طافي ومنور تاني لقيتها واقفه وواحد نزل منها ورافع ايديه كأني هضربه بالنار :up:
وهنا وقعت ف الارض من الضحك المهم لقينا العربيه غيرت مسارها وجايه ف اتجاهنا كنا احنا روحنا عند الكارته لأننا خوفنا بصراحه والكارته مش بعيد يعني يادوب 100 متر
المهم جيه الجيش والشرطه وفتشو العربيه ملقيوش حاجه بس العربيه كانت كلها رمل والناس ال فيها 4 افراد كلهم رمل
ولما الظابط سألهم بتعملو ايه قالوله بندور ع واحد تايه !!!!!!!!!!!!!!!!!!!!!!!!!!!!!!!!!!!
بتدور ع واحد تايه الساعه 10 بليل ف صحرا ف حته تبعد عن المدينه 20 كيلو ؟؟؟؟؟؟؟!!!!!!!!
وكالعاده ك روتين بلدنا سابوهم مشيو لأن ملقيوش معاهم حاجه وحتي لو كان معاهم حاجه زمانهم رموها ف صحرا قبل ما يطلعو ويجيو ع كارته
وقفنا مع الظباط شويه واتكلمنا شويه ف سياسه ومشينا
وهيا دي حكايتي مع الكارته والليزر والجيش