تركيب زينون لالنترا 2008

**M.Al-Hefnawy** · 07-04-2012 11:26 PM

الأخوة الافاضل

عاوز اركب زينون في النترا 2008 بس مش عارف الانواع الكويسة ايه واسعارها كام؟

يا ريت لو حد يعرف يقولي؟

**mahmoud_afifi** · 07-04-2012 11:33 PM

كله صيني وكله شغال. وفي من اول 150 جنيه لغاية 700 جنيه.
وفي كوري بس مش هيفرق كتير عن الصيني واغلى حاجه بسيطه.
ولو عاوز حاجه الماني هتلاقي Philips بس غالي مابين ال1400 وال1700تقريبا. راجع قسم الكماليات عشان تعرف الفرق بين الاصلي والمضروب. (معلش وقتي ضيق شوية ومش هعرف اجيبلك الموضوع)

**mahmoud_afifi** · 08-04-2012 07:49 AM

المشاركة الأصلية كتبت بواسطة ahmed1006

يعني الصيني كويس ؟

الفكره في الاستعمال, يعني لو هتقلب بيه كتير من غير ما يكون سخن هيبوظ اكيد.
ماجربتش الفيليبس في الموضوع ده بس اكيد احسن من الصيني.
بس بالنسبه للصيني كل ما يكون اغلى هيكون انضف وهيبان من التقفيل والجوده بتاعته. انا مركب صيني ب650 جنيه من سنتين.

**ZALABANY** · 08-04-2012 10:54 AM

في نوع اسمه vision صيني استيراد شركة اليسر ب 500 جنيه الباي زينون منه معاه ضمان 18 شهر والموديول بتاعه 35 وات 18 امبير وشغال زي الفل

**mahmoud_afifi** · 08-04-2012 04:17 PM

المشاركة الأصلية كتبت بواسطة m.al-hefnawy

طيب هو بيركب عالي وواطي ولا واطي بس ولا عالي بس؟

أنا عندي في الالنترا لمبتين اعتقد ان واحدة بتاعة العالي والتانية للواطي ... الزينون بيكون لمبة كشاف واحدة فيها الاتين (العالي والواطي) ولا لمبتين منفصلين لكل كشاف؟

أرجو الافادة

العادي على لمبه والعالي على لمبه سواء في الزينون او اللمبه الصفرا.
انا عندي ركبت الزينون في العادي. (بس عامة لما تيجي تقلب العادي والعالي بيشتغلوا) بس التقليب ساعتها مابيأثرش على الزينون لو راكب عادي وقلبت بيه.