تسقيف = كركره
عرض للطباعة
تسقيف = كركره
النهاردة كنت عند هيثم طلع جرب وراح الورشة قالى هنغير فلتر بنزين و نبص على البوجيهات مع انى لسة مغير الاتنين المهم فك الفلتر و غيرة و بص على البوجيهات و طلعت حرقة تمام قالى جرب لو لسة موجودة لما تمون هات اوكتين اللى هو بيرفع رقم الاوكتان فى البنزين تقريباا وجرب مش عارف بقية اية النظام انتم اية رائيكم
بص يامعلم انا عندي الموضوع ده بس ع الاول وانا طالع بالعربيه ولفيت وغيرت وعملت ولا بتغير اي حاجه
انتا روح بنزينة نضيفه وخليه يظبطلك كهربا ع الجهاز
العربية عوزه تظبط التقسيمة بتاعت الكتينة علشان لما تسقف تبقا مقدمه شراره
يعني كأنك جبت النقلة بدري قبل سرعتها
النهاردة جيبت اوكتين و زودت ولسة بردة زى ما هى
حساس الكامه - النوك سنسور مخرف
يعنى مش ممكن يكون عيب تقسيمة ولا اية يا طنانى انا ان شاء الله هروح لهيثيم يا السبت او الاتنين
انا عربيتى 2000 سى سى اوتوماتيك و بتعمل الصوت دة برده بقالها بتاع اسبوع كدة و كنت عاوز اسئلكم
بس اللى انا اعرفه ان الصوت دة معناه ان العربية سخنت و داخلة على جوان وش سلندر
و الغريب ان محدش من الاعضاء هنا جاب سيرة الجوان و الكلام دة و محدش برده حدد التسقيف دة من ايه بالظبط
مش عاوزين نمشى نسقف على اخر الزمن
ياريت اللى صلح التسقيف دة قبل كدة يقولنا