رابطة الوحوش ملاك الافيو

**heshhesh** · 11-04-2012 01:04 PM

وانا اخوكم مهندس هشام
معايا افيو 2012 اوتوماتيك ماشيه 13800 كيلو
العربيه الحمد لله اجمالا معقوله
فيها تلت مشاكل
المشكله الاولى : التزييق ومهندس الصيانه قلى من الكتبه اللى وراه وقلى اعملها فى فرع الهرم .
المشكله الثانيه : الفرامل ضعيفه جدا وانا حاسس بيها وكل ماقلهم عليها فى الصيانه يقولولى لا كويسه .
المشكله الثالثه : العربيه دايما بتحدف يمين رغم انى ظبط زوايا كتير جدا بس برده بترجع تانى متتظبطش .

**darkman_ht** · 11-04-2012 03:24 PM

مهندس هشام ممكن تشوف زيت الفرامل او التيل وبالنسبة للحدفة ممكن الكوتش لان العربية بتنزل بكوتش صينى جرب تغير الكوتش وان شاء اللة تظبط

**heshhesh** · 12-04-2012 12:17 AM

المشاركة الأصلية كتبت بواسطة darkman_ht

مهندس هشام ممكن تشوف زيت الفرامل او التيل وبالنسبة للحدفة ممكن الكوتش لان العربية بتنزل بكوتش صينى جرب تغير الكوتش وان شاء الله تظبط

غيرت الكاوتش والله وانا عامل 5000 كيلو
وغيرت زيت فرامل وتيل وطنابير كمان فى نفس الصيانه
اعمل ايه تانى طيب
اغير العربيه طيب :))))

**darkman_ht** · 14-04-2012 04:23 PM

أعلنت مجلة "عربيتي" المتخصصة في مجال السيارات خلال حفلها السنوي مساء الاثنين في أحد فنادق القاهرة اختياراتها لأحسن سيارة في كل فئة.

وجاءت اختيارات المجلة من خلال الاستفتاء الذي أعلنت عن نتيجته خلال الاحتفال الكبير بالكشف عن أفضل خمس سيارات في كل فئة بناء على اختيارات قرائها.

شهد الحفل حضور لفيف من الشخصيات البارزة و قيادات شركات السيارات ، بالإضافة إلى قيادات وزارة المالية والجمارك ووزارة الداخلية ووزارة الاستثمار والعديد من الشخصيات الفنية والصحفية.

تم الاستفتاء عبر المجلة في الفترة من يناير إلى إبريل 2010 من خلال تصويت واستطلاع آراء القراء، وكذلك استطلاع آراء الجمهور في أماكن التجمعات كالأندية.

وأعلن مسؤلو المجلة أن هذا الاستفتاء ونتائجه تتعلق بسيارات العام الماضي، إذ أن كل نتائجه عن سيارات 2009 فقط.

واختارت المجلة خمس سيارات في كل فئة، بحيث تم تسليم جوائز لكل الحضور من مسؤولي شركات السيارات، ولم يخرج أي منهم حزينا!

"السيدان"

وحلت السيارة "شيفروليه أفيو" في المركز الأول بالنسبة للسيارات "سيدان" الصغيرة ، تلتها شقيقتها "لانوس" ، ثم "هيونداي نيوأكسنت" في المركز الثالث، وتحفة "رينو" في مصر السيارة "لوجان" ، وأخيرا جاءت "هيونداي فيرنا" في المركز الخامس والأخير.

أما في فئة السيارة "سيدان" العائلة، جاءت "سكودا أوكتافيا a4" في المركز الأول، ثم "شيفروليه أوبترا" ، وحلت "ميتسوبيشي لانسر" ثالثة، و"هوندا سيتي" رابعة، وأخيرا "نيسان صني" في المركز الخامس والأخير.

**foxawy** · 15-04-2012 12:04 PM

المشاركة الأصلية كتبت بواسطة mohab2010

ارجو من سيادتك ان تشرح لنا كيف تم حل مشكلة ال( tps (rpm بالتفصيل للاستفادة
مع الشكر

التوكيل بيغير فيشه كامله على حساب الضمان
لو هتدفع وفى حوارات تقريبا 150 ج انا سمعت واللهى اعلم بترجع تانى بس هى معملتش تانى معايا من سنه ونص

**mohamed10salah** · 17-04-2012 01:28 PM

م / محمد أحمد
أفيو 2010

**wael abbass** · 19-04-2012 12:34 AM

وائل عباس
افيو 2012
العربية لسة جديدة مفيش مشاكل ربنا يستر

**darkman_ht** · 19-04-2012 04:06 PM

استاذ وائل هى العربية بكام وهى كاملة اوتو ماتك

**Dr/ P.K.Sh** · 19-04-2012 08:51 PM

فين باقى الناس؟؟؟؟؟؟؟؟؟؟؟

**drmagieed** · 19-04-2012 10:56 PM

د/ محمد عبد المجيد
أفيو 2007 كوري مانوال
عندي مشكلتين:
1- بأحس في المطبات بصوت جاي من التابلوه من ناحية اليمين.
2- بأحس في المطبات بصوت من الباب الخلفي يمين كأن صوت زجاج السيارة بيتهز.