المشاركة الأصلية كتبت بواسطة mostafabakry
نفس المشلة كات عندي في الرف الأخير من تحت اللي فوق الدرج في البداية اتشرخ و بعد فتره اتفشفش تماما
في لحظة تجلي من اللحظات النادرة قعدت و ركبت القطع المكسورة مع بعضها لإعادة شكل الرف بطريقة صحيحة
انبوبة لحام "أمير" و خلصتها كلها علي الرف و طبعا مكنتش قوية يعني اي حمل عليها هتتكسر تاني
فكرت اني ادعم الرف بدعامة قوية تتحمل اي وزن علي الرف و استقريت علي استخدام لوح خشب مضغوط " فايبر" و خرمت في الرف نفسه باستخدام كاوية لحام قصدير و خرمت الخشب الفيبر بشنيور او بمفك صليبة و ربطهم ببعض بسلك نحاس قوي و ركبته و زي الفل
الشكل ممكن يكون مش ظريف شوية بس انا عندي عشان هو رف الدرج فمش باين و بصراحة انا مش فارق معايا الشكل اد ما هو بيفرق معايا الأداء و المتانة و العملية
لو انت حاسس ان الشكل هيبوظ ممكن تستخدم الواح البلاستيك الشفافة شبيهة الزجاج بدلا من الخشب
انا اظن ان رف جديد مش هيحل المشكلة لأنه نفس الخامة الضعيفة و اكيد هيتكسر تاني يبقي تريح دماغك و تفكر في حل جذري للمشكلة
تحياتي
