تكييف الفورد والموجات الحاره

**mohamedkordy** · 08-04-2012 11:22 AM

امبارح كنت على طريق مصر اسماعليه وكان موشر درجه الحراره الخارجيه ٤٤ درجه قولت اجرب التكييف بتاع العربيهةواشوف ايه نظامو انا مكنتش جربتو قبل كده العربيه فورد ٢٠١١ بصراحهةاحبطت. اداؤه هوا سقع بس. لما بقارنو بالعربيات اللى كنت راكبها يعتبر نص كم يادترى المشكله دييه عاديه فيها ولا اناىعندى بروب

**mido51eg** · 08-04-2012 02:15 PM

عموما تكييف العربيات الأوروبي لايقارن بتكييفات العربيات الياباني والكوري ، دي نقطة خد بالك منها
النقطة التانية ان امبارح ماينفعش حد يحكم على تكييف عربيته لأن العربيات اساسا كانت بتسيح من الشمس. امبارح لاحظت نفس الملاحظة في عربيتي وروحت لبتاع التكييفات لقينا ان شحنة الفريون كاملة وبدون فقاعات في فلتر الفريون يعني زي الفل والمراوح شغالة وكله تمام والتكييف وحش. وانا مروح من عنده لقيت معظم العربيات الجديدة اللي المفروض انها مكيفة فاتحين الشبابيك ومش مشغلين التكييفات لأنها مكنتش عاملة تأثير امبارح فعلا.

**olver** · 08-04-2012 04:05 PM

استاذ محمد ازيك لو تفتكرنى انا كنت بعتلك رساله عشان اسالك على الفوكاس و انا اسمى احمد
انا الحمدلله اشترتها سيدان بفتحه سقف و بالنسبه للتكييف امبارح انا شغلتو و هو معقول انما مش خرافى زى عربيات تانيه و هقولك حاجه انا اخويا معاه تويوتا كورولا امبارح بردو التكييف مكنش اد كده خلى بالك ده مش جو طبيعى خالص بقى

**mido51eg** · 08-04-2012 04:29 PM

الغريبة ان الجو ده في بدايات الربيع. يعني لما ندخل في الصيف رسمي في شهر يوليو واغسطس هيبقى شكل الجو عامل ايه؟

**olver** · 08-04-2012 04:37 PM

امال لما رمضان يجى هيكون ايه العمل شكلو صيف هايل السنه دى

**mohamedkordy** · 08-04-2012 07:28 PM

المشاركة الأصلية كتبت بواسطة olver

استاذ محمد ازيك لو تفتكرنى انا كنت بعتلك رساله عشان اسالك على الفوكاس و انا اسمى احمد
انا الحمدلله اشترتها سيدان بفتحه سقف و بالنسبه للتكييف امبارح انا شغلتو و هو معقول انما مش خرافى زى عربيات تانيه و هقولك حاجه انا اخويا معاه تويوتا كورولا امبارح بردو التكييف مكنش اد كده خلى بالك ده مش جو طبيعى خالص بقى

ياااا الف مبروك ياباشا يارب تكون العربيه عجبتك ابقا طمنا عليك تملى وياريت تقولنا جيبتها بكام ومنين علشان الناس تستفيد

**olver** · 08-04-2012 08:39 PM

المشاركة الأصلية كتبت بواسطة mohamedkordy

ياااا الف مبروك ياباشا يارب تكون العربيه عجبتك ابقا طمنا عليك تملى وياريت تقولنا جيبتها بكام ومنين علشان الناس تستفيد

ربنا يخليك يا استاذ محمد انا جبتها من مبيعات فورد الى فى مدينه نصر و جبتها ب 146000 و اهى الحمدلله كويسه اوى و الاوبشنز الى فيها هايله بالنسبه لسعرها انما التكييف هو الى مش كويس اوى و خصوصا ان انا كنت راكب مازدا 3 قبليها انما بصراحه كعربيه فهى احسن من المازدا

**ENG\AHMED** · 09-04-2012 12:08 AM

اى تكييف بيتاثر بدرجة الحرارة الخارجية

**aYaBooY** · 09-04-2012 02:17 AM

اعتقد لو الجو هايكمل بنفس الطريقة ديه يبقي شهر 7 و 8 هاركب موتور العربية على الثلاجة و اخرج بيها بدل العربية

**egytamer** · 09-04-2012 02:37 AM

المشاركة الأصلية كتبت بواسطة ayabooy

اعتقد لو الجو هايكمل بنفس الطريقة ديه يبقي شهر 7 و 8 هاركب موتور العربية على الثلاجة و اخرج بيها بدل العربية

هههههههه فكرة جامدة جدي

الموضوع: تكييف الفورد والموجات الحاره

LinkBack

أدوات الموضوع

عرض

تكييف الفورد والموجات الحاره - انشر الموضوع فى :

-

-

-

-

-

المواضيع المتشابهه

فكره / بخصوص تكييف الفلشيا يعنى تكييف بدون حمل على الموتور ياله بينا نشارك فى الحر ده

تكييف الفورد

يا فورداوية : الفورد كا و الفورد فيستا الجداد وصلوا المينا

ليه دايما الحاره اليمين هيه اللي فاضيه ؟!!

أركب تكييف للجولف فين (عايز تكييف جولف أصلي إستيراد)

الكلمات الدلالية لهذا الموضوع

المفضلات

المفضلات

ضوابط المشاركة