الموضوع: ماستر الدبرياج

المشاركة الأصلية كتبت بواسطة a7mous

من فترة وانا بلاحظ وجود زيت تحت دواسة السواق وكنت راجعت على العفشه وغيرت الاويل سيل وعملت طقم اصلاح لعلبة الدركسيون وغيرت اغلب ااحاجات لانى كنت فكرة زيت باور ومع استمراره الميكانيكى قالى ده من ماستر الدبرياج عاوز يتغير وقالى هيأثر معاك فى الدبرياج فالكلام ده صحيح ولا فتى لانى سألت عليه لقيته ب 190 جنيه

لو زيت الباكم بينقص يبقى فعلا الماستر بيسرب و لازم تغيرة

وهغير طقم السيور فهل لازم اغير بلية الكاتينه مع السيور ولا يكشف الاول عليها انا ميال اغيرها

غيرها احسن

وعندى الكوعه المياه المعدن اللى داخله على الموتور بتنقط ميه فعاوز اعرف اسمها ايه وسعرها وخصوصا انى كل ما ازود المياه بتنقص جدا فمبتحركش بالعربيه ومستنى لما اروح اغيرها

دى كوعة الترموستات... و غالبا اللى بيجيب المية هو جوات الترموستات نفسة... اشترى الجوان دة و حط سيليكون حرارى على الكوعة و انت بتركبها

السؤال الاخير عندى مياه عاديه وعاوز اغير اجيب مياه خضرا سعودى او موبيل فى فرق ولا انظف الدوره وخلاص

بلاش المية السعودى... هات الاسبانى او موبيل

نضف الدورة كويس قبل ما تحط مية خضرا

بالنسبه للكاوتش اجيب 14 ولا خلينى فى الاستاندرد 13
افيدونى افادكم الله

لو ميزانيتك نتسمح بجنوط 14 و كاوتش 185/60/14 يبقى طبها هات ال14 احسن بكتير

MMamdouh

المشاركة الأصلية كتبت بواسطة a7mous

1- زيت الباكم مش بينقص ان مش عارف الزيت ده جاى منين بس انا كنت حاسس ان الدبرياج واطى والميكانيكى القديم قالى لا مظبوط بس الميكانيكى ده قالى الماستى وهيظبط معاك الدواسه.

طالما زيت الباكم مش بينقص يبقى دة مش تسريب من الماستر... ممكن يكون بواقى زيت باور و اللباد شارب منة جامد

2- بالنسبه لكوعة الثرموستات دى عليها املاح وشكلها ضايع ان عندى الميه كانت بتنقص كل تلات او اربع ايام بس بنسبه مش كبيره حتى لو راكن وكنت رايه اكبس دورة التبريد واكشف قبل ما الاحظ التسريب الجديد ده المياه بتنقص لحظيا بشكل كبير

خلاص اشترى كوعة جديدة بالمرة... معتقدش انها غالية... و طبعا اكبس الدورة كويس و ارجع على كل الوصلات و الخراطيم للتاكد من عدم وجود اى تسرب

3- انا حد قالى ان لمبة التشيك المفروض تطفى قبل ما ادور رغم انى عارف انها فى الوضع الطبيعى بتقفل لما ادور لو مفيش مشاكل ايه صحة الكلام ده

اللمبة بتطفى لما تدور مش قبل كدة

4- انا عندى عضة فى الغيار الاول متكررة وسقطت الزيت وحطيت زيت موبيل ومفيش فايده لان حد قالى زيت زياده
اسف لاسألتى الكتيرة

راجع على رجلاش عصاية الفتيس

MMamdouh