حادث جديد على الطريق الدائري

**sv065** · 08-04-2012 04:49 PM

لا حولا ولا قوة إلا بالله

أكيد النقل الثقيل هو المتهم الأول دائما في مثل هذه الحوادث

وكمان كان فيه حادث تاني الصبح برضه عالدائري بعد نزلة طريق السويس ونقطة المرور علي طول وموقفة الإتجاه العكسي كمان يبدو تقريبا إن من ناتج التصادم العنيف عربية دخلت الإتجاه المعاكس لأن السيارات المحطمة كانت في اللإتجاهين وكان فيه سيارات إسعاف بتنقل المصابين وللأسف كالعادة السبب الرئيسي لتعطل الطريق هو الناس اللي نازلة تتفرج حتي بعد مالحادث خلص والدنيا اتفضت

ربنا يرحمنا

**Kareem Fawzy** · 08-04-2012 04:54 PM

الدائرى فعلاً بقا طريق الموت

**Sir_Mohd_Sabra** · 08-04-2012 06:25 PM

فعلا ياجماعه الدائرى طريق الحوادث وعلى فكره معظمها بتبقى من اخطاء النقل الثقيل لانه بيجرى عليه بسرعه جنونيه اسالونى انا طبيعه شغلى بنزل بدرى اوى او متاخر اوى كول سنتر يعنى فى القريه الذكيه الجديده اللى فى المعادى وطريقى دايما دائرى لانى ساكن فى التجمع الاول والحادثه دى حصلت على فكره الساعه 5 الصبح تقريبا لانى كنت معدى 5.35 دقيقه وكانت موجوده وهى قبل مدخل المعادى
بس من مكتر مشى على الدائرى بجد النقل باليل بيسوق بطريق غبيه فعلا وده غلطكبير منهم معظمهم سواقين غير متعلمين ومش فاهمين بيجرى وخلاص انا عن نفسى بحطاط جدا منهم
بس طبعا لا مفر من القدر
قال تعالى وكل شىء عنده بمقدار
بس لابد من الاخذ بالاسباب وخلو بالكم ياجماعه منه الطريق ده باليل بالذات

**elkomyalto** · 08-04-2012 08:32 PM

اللهم اسأل ان يجنبنا الحوادث
وان ينجى منها ....

وقبل ما تتحرك بالسياره لاتنسى دعاء ركوب السياره

**ainshouka** · 08-04-2012 11:55 PM

الصورة الخلفية للعربية هو دا اللى باقى منها فعليا .....................ز لانه مفيش اى حاجة فيها باقية من قدام .....................محطمة تماما وبلا اى معالم..................... كان الله فى عون من كان فى داخلها

**Sherif Khalifa** · 09-04-2012 01:19 AM

الحتة دى عليهل عفريت بجد
جميع الحوادث بتحصل من اول المكان دا لحد اكادمية السادات

**AHMED1718** · 09-04-2012 01:30 AM

يجدعان رغم الغباء المشهود ف معظم سواقين النقل وبعض مستهترى السيدان

هناك غباء شديد وجريمة ف مصمم الجزء ده من الدايرى ف اتجاه المعادى

فيه حارة بتروح من على الشمال بتختفى المفروض الناس اللى عليها بتروح فين مش عارف

اذا محصلش والناس فهمت فيه ناس جايا على اليمين مش شايفا ليه كله بيجي عليها

الحارة اللى متاكله دى الحائط الخرسانى اللى ف الوسط بيزيد من الطرفين فبيلغى الحارة تماما وبالتالى سواء عليه نقل او ملاكى او ميكروعربجي لازم هيحدف على اللى يمينه وهكذا وتخيل بقى النقل هيعمل ايه لما بيتفاجأ بالمنظر المتخلف ده

ربنا ياخد كل من شارك ف الجريمة دى ولم يغيرها بعد كل الحوادث الشبه يومية ف نفس الحتة