انا معايا فيرنا اتوماتيك 2007 - و كنت بغير زيت الفيتس و هو الراجل بينزل القديم لقة قطع حديد صغيرة نزلة فى الزيت فا قالى ان الفيتس كده فى حاجة اتكسرت - فا تنصحونى بى ايه ؟؟؟؟
عرض للطباعة
انا معايا فيرنا اتوماتيك 2007 - و كنت بغير زيت الفيتس و هو الراجل بينزل القديم لقة قطع حديد صغيرة نزلة فى الزيت فا قالى ان الفيتس كده فى حاجة اتكسرت - فا تنصحونى بى ايه ؟؟؟؟
الاخت الكريمه
لو حصل كده فعلا لازم تلاقي الاتي يحصل
1-صوت ونه او خشانه عند السير
2-ممكن يكون تاخير بالنقلات لو حصل كده جربي و قوللنا
طيب فى اى مشكله ظهرت جديده فى المشى ولا كله طبيعى ؟
فى اى اصوات او اعراض تلف فى الفتيس ؟؟؟؟
يا جماعه مش ده المغناطيس ال بيلم الحديد المتآكل !!!!!!
حضرتك ممكن تصوري حته الحديد دي و توريهالنا
هل حضرتك كان فيه مشاكل ملحوظة قبل تغيير الزيت ؟؟؟؟؟
متابع ....
رايش طبيعي والمغنطيس لامه
ايه المشكله؟؟
هل في اي اعراض؟؟
الفتيس بينطر في النقلات؟؟
العربية موديل كام وعامله كام كيلو؟؟
تحياتي
مخدتش بالي ان العربية 2007
بس عامله كام كيلو؟؟
لو اقل من 100 ألف فأعتقد مفيش حاجه وده الرايش الطبيعي جدا اللي بيطلع من اي فتيس...
تحياتي
العربية عاملة 68 كيلو - و هى فى الماشي طبيعية جداااا بس فى مشكلة بتحصل لما اكسر المية العربية بيتتقل و لما اهدى و قف بعدها وهى على الدى مش بتتحرك و مش بكون حاطة رجلى على الفرامل فا دة كدة فعلا يكون فى حاجة فى الفيتس
نصيحتي لحضرتك تروحي اقرب مركز خدمة لهيونداي يكون عنده جهاز كشف للأعطال و تكشفي علي الفتيس و لو فيه حاجة هايقولوا لك
لأن حتي لو افترضنا أن ده رايش و بالشكل اللي يخلي الراجل يفتكره قطع حديد (ده لو كانت قطع حديد فعلا) فمعني كده أن فيه تأكل في أجزاء الفتيس يجب الكشف عليها
ممكن حضرتك كمان تدخلي موضوع "واحد من جوه التوكيل - كلاكيت تاني مرة" و أكتبي بيانات العربية و المشكلة اللي ظهرت دي و المهندس / هاني هايرد عليكي و يقولك تعملي أيه
http://www.nilemotors.net/Nile/278083-a.html
http://www.nilemotors.net/Nile/212164-a.html
[QUOTE=sara85;3874227169]العربية عاملة 68 كيلو - و هى فى الماشي طبيعية جداااا بس فى مشكلة بتحصل لما اكسر المية العربية بيتتقل و لما اهدى و قف بعدها وهى على الدى مش بتتحرك و مش بكون حاطة رجلى على الفرامل فا دة كدة فعلا يكون فى حاجة فى الفيتس[/QUO
الاخت الكريمه
اهو يا سيدتي جتلك من غير ما تدخلي الموضوع بتاعي
بصي لا ده مش المغناطيس لانه مستحيل ينزل و كون ان العربيه تقيله في السرعات و كمان مابتتحركشي و هي علي ال driver عند بدء الحركه يبقي فعلا في مشكله و العربيه لازم الفتيس ياخد الغيار الاول الاوتوماتيك علشان العربيه تبدا تتحرك اكشفي علي الفتيس و ضروري جدا ماتمشيش بالعربيه الا بعد الكشف :error404:
تمام الله يباركلكم يا جماعه
بما ان في اعراض فميتسكتش عالموضوع
وان شاء الله تطلع حاجه بسيطه
تحياتي
معلش يا جماعة بتقل عيلكوا هو الاحسن اوديها التوكيل و اكشف عليها هناك
و حاجة كمان انا بتحرك بيها دلوقتى بس مش بزود سرعة و هى مش بتعمل حاجة ممكن تحصل مشكلة كده يعنى مش لازم اتحرك بيها لحد ما اكشف عليها
شـــــــــــــــــكرا
انا روجت التوكيل و كشفوا عليها و قالى انا العربية مش فيها اى حاجة بس ده حصل علشان الزيت كان ناقص فا هو اللى عمل كده بس قالى امشي بيها لحد 70 و لو استمرت المشكلة ادخلها صيانة ال 70
التوكيل اللى فى الدقى - بس هو كشف عليها من غير متدخل الورشة سمع صوت ماتورها و حركة نقل الفيتس و قالى مش لازم تدخل ورشة دلوقتى امشى بيها لحد 70 و نشوف بعدها ايه اللى هيحصل
اعتقد انه ماينفعش بالكلام كده. المفروض العربيه يتكشف عليها!
عندك حق انا هاروح اكشف عليها علشان انا حاسة انها فيها حاجه
لازم يتكشف عليها تانى وتسمعى أكتر من رأى
انا روحت تانى و كشفت عليها بس قالولى ان مافيش حاجة ظهرت على الكمبيوتر فى الفيتس :( و انا مش عارفة اعمل ايه و كمان قالولى ان علشان اعرف العيب من ايه لازم الفيتس يتفك و ده هيكلفنى جامد و يا علم بقى هاينفع يرجع ولا لا افيدووووووووووووونى