الكل اجمع على شارب
طيب سمسونج اخباره ايه كنت سمعت انه كوري وكويس
نحطه وفي الخيارات ولا نلغيه تماما
عرض للطباعة
الكل اجمع على شارب
طيب سمسونج اخباره ايه كنت سمعت انه كوري وكويس
نحطه وفي الخيارات ولا نلغيه تماما
انا لسه مركب تكييف سبليت 2.25 حصان ال جي سعودي و بصراحة جهاز محترم و اثبت كفاءة عالية خصوصا عندنا في الصعيد درجات حرارة بتعدي ال 50 درجة في بعض الأيام و كمان بيشتغل علي اقل جهد كهرباء يعني ممكن حتي 180 فولت الكباس بيشتغل و بيبرد و دي نقطة مهمة جدا خصوصا اننا في مصر بنعاني من المشكلة دي السنوات الأخيرة و ربنا يستر السنة دي في ظل ازمة الوقود اللي مش عيزة تخلص دي
بالنسبة لسؤال حضرتك علي افضل وضعية تركيب هل واحد قدرة كبيرة و لا اتنين بقدرة اقل؟
انا بصراحة شايف انه افضل تركبي 2 مكيف 2.25 حصان بحيث يقابلوا بعض و هيديكي تبريد عالي و كمان انا بعتقد ان لما يكونوا جهازين عمرهم الأفتراضي هيكون اطول لأن كل جهاز هيبقي عليه حمل اقل مقارنة بجهاز واحد بيكيف 35 متر حتي لو بقدرة عالية + هتحسي بسرعة التبريد في الريسيبشن في حالة جهازين + ممكن بالليل تفصلي واحد و تشغلي واحد و توفري استهلاك كهربا + لو لا قدر الله واحد عطل التاني مكن يشتغل ويلطف الجو لحين اصلاح الجهاز العطلان بدل ما الدنيا تبقي ضلمة خالص
ايهما افضل انا أي شارب و ال جي في نفس المستوي بس انا بتكلم عن ال جي سعودي او تركي
السامسونج بصراحة معنديش خلفية عنه بس طالما كوري هيبقي كويس و انا اسمع ان سمعته كويسة في الخليج بس اهم حاجة الضمان كام سنة و علي ايه بالظبط عشا فيه شركات بتستبل في موضوع الضمان
شارب و ال جي و هايسينس ضمان 5 سنوات علي كل اجزاء المكيف
الهايسينس : مجربتوش بس اثناء تركيب التكييف عندي كنت بدردش مع فني التركيب و لقيته بيقول شعر في الهايسينس و مدح فيه بشكل كبير و قاللي انه جهاز محترم جدا و هو لو هيركب جهاز هيركب هايسنس
اتمني اكون قدمت معلومة مفيدة لحضرتك
تحياتي
شارب بلا منازع
sharp
انا كمان عاوز راى الناس
تكييف لاوضه صغيره حوالى 16 متر يعنى هيكون 1.5 حصان
عاوزه ماركه كويسه مش لازم شارب شارب غالى
ايه الاقتراحات ؟ و خصوصا يونيون اير و يونى فاى و ياريت الاسعار
انا عاوز حاجه فى حدود 2500 ل 2700 مثلا
مفيش حد يعرف حاجه ولا ايه
انا سالت على بيورفاي من يونيون اير
و شايفه كويس حد جربه ؟
انا ربنا وفقني وجبت ال جي سعودي
يونيون اير في اجماع انه سئ
ابحث في موقع المصرية جروب على فئات واسعار الانواع المختلفة
كارير ارى انه احسن واقوى مكيف فى مصر وانا ركبت عندى فى الصالة نفس المساحة اللى عند حضرتك 3 حصان فقط نوع سقفى ارضى ومبرد المكان بشكل ممتاز وذلك بعد عمل مقارنات عملية بين انواع المكيفات المختلفة
خلاصة هذه المقارنات انه شارب افضل صيانة لما بعد البيع فى مصر ولكنه ضعيف يعنى مساحة غرفة 15 متر عندى مثلا ركبت فيها 1.5 حصان كارير لكن لو كنت هاركب شارب كان لازم 2.25 حصان وهذا الكلام اكده لى المهندس المسؤل فى الشركة اللى تعاملت معاها
تقبلوا تحياتى