مشكلة فى فرامل جين تو2010

**khattab2010** · 08-04-2012 09:33 PM

السلام عليكم ورحمة الله وبركاتة
ايها الاخوة عندى مشكلة محيرتى فى فرامل جين تو 2010 مانيوال وهى اننى عندما ادوس على الفرامل فجاة لو فى عربية وقفت بشكل مفاجا او شخصى امامى الفرامل اسمع فيها صوت تقطقه جامد والبدل يرد معى الى اعلى وممكن تذحف شوية على الارض؟
ارجو الافادة من الاخوة الكرام اصحاب الخبرة
ملحوظة
-------
فى اصدقاء قالوا لى دى السيرفو او الماشتر الريسى فى الكبوت، مع العلم انى ذهبت الى التوكيل وقالو لى دلا ABS هو الذى بيعمل كدة ودى طبيعى بس العربية ما كانتش كدة فى الاول؟

**Raul_7** · 08-04-2012 10:28 PM

هو ال abs, هي مابتزحفش على فكرة, هي بتقف بس إنت بـيهيألك من إحساس الدواسة إنها بتزحف.

**khattab2010** · 08-04-2012 10:43 PM

يعنى دى طبيعى ولا مش؟

**Al-Farooq** · 08-04-2012 11:13 PM

ياباشا النبضات دي ال abs ودي ميزة مش عيب ، والعربية مش بتزحف ولا حاجة ،، بالإضافة ان ال abs مبيشتغلش علطول فى كل فرملة ، هو بيشتغل لما بيحس بقوة ضغط معينه منك على الفرامل ، يعني مش هيتشتغل وانت بتدوس فرامل خفيفة علشان بتهدي مثلا.

**Raul_7** · 09-04-2012 10:24 AM

المشاركة الأصلية كتبت بواسطة khattab2010

يعنى دى طبيعى ولا مش؟

طبيعي يا باشا, ال ABS يعني Anti-Lock Braking System يعني مصمم إنه يستغل أول مايحس إن العجل هيقفش في الأرض وده بيحصل مع الفرامل الجامدة بس زي ما قال الاخ Mount.

حضرتك شوف الفيديو ده للتوضيح أكتر.

Bosch ABS - The advantage - YouTube

**khattab2010** · 09-04-2012 11:41 AM

يعنى دى طبيعى ! العربية عاملة 55 الف كيلو وفاضل 5 الف حتى تخرج من الضمان خايف بعد ما تخرج من الضمان اروح التوكيل يقول عندك مشكلة وفى حاجات عاوزة تتغير وادفع يا باشا؟

ارجو الافادة ؟

**Abdelrahman.H** · 10-04-2012 07:48 PM

والله العظيم كده طبيعي:)))))

**S O P H O S** · 10-04-2012 08:33 PM

فعلا ده طبيعي ومفيش اي مشكلة apsكده

**mido_soliman** · 11-04-2012 02:32 AM

اقولك حاجة حلوة ؟؟
اطلع على التوكيل وقلهم وخلى المهندس يجربها وصدقنى الفرامل بالزااات
لو فيها اى مشكلة حيقولولك ولو اى بى اس وانا متاكد من كدة حيطمنوك مليون فى المية
التوكيل فية عيوب اكيد
بس الميزة ان اغلب الى هناك بيعرفوا ربنا
يعنى مش حيضحكوا عليك ويقولولك طبيعى وهوة مش طبيعى
تحياتى