قدامى بونتو 95 عجبانى ياريت مساعدة فتقييمها

يارجالة البونتو
العربية عجبانى هيا ازاز كهربا وفتحة سقف ورشة كلها برة وفابريقة دواخل
انا بصيت عليها العربية كويسة بس الموتور فية صوت كدة لما دورت زى متكون متلتة قالى رشاش بايظ هغيرهولك
وفى ترشيح زيت ع الموتور من تحت اكيد جوان بس قالى لا دة عايز يتغسل
وهو لسة مخرجها من دوكو وسمكرة ومظبط عفشتها
الصالون من جوة كويس بيقولى مغير العدادات والهوايات بالشكل الجديد وجنوط جديدة
وصلت معاة ل 29 ونص اخرها وانا ماسك على 29
مفيش تكيف مفيش باور
فتحة الشقف يدوى ومش شغالة بيقول عاوزة تروس عشان تتفتح
افتونى كدة السعر تمام ولا اية لونها دهبى العربية شدانى
معرفش مصاريف تسجيل العقد كام ولا الضريبة
وقطع غيارها وصيانتها ارجوكم انصحونى بسرعة

وعايز اعرف اجراءات الشراء بطريقة سليمة بالتفصيل ياريييييييييييييت

هو قسم الفيات مالة يا رجالة انتو فيييييييييييييييييييييييي ييييييييييين

و الله ماعنديش معلومات عنها
بس 29 اظن غالية
اخرها 25 -26

طب وانته متمسك بيها ليه ال29 دول يجيبولك اكسيل بالتكييف والباور وكل اللى انته عايزه وسلملى على البونتو
لا تتمسك بعربيه

انا عاوز حاجة شبابى اكسيل شكلها مش حلو خالص

اقتباس:

---

المشاركة الأصلية كتبت بواسطة mado83

طب وانته متمسك بيها ليه ال29 دول يجيبولك اكسيل بالتكييف والباور وكل اللى انته عايزه وسلملى على البونتو
لا تتمسك بعربيه

---

احنا كان عندنا اكسيل
و احب اضيف لك ان الأكسيل ايه اصلا علشان تتقارن بعربية زي الفيات بونتو ؟؟ اكسيل مجرد عربية كوري من صاج المناديل المقوى بحتة باور بتكييف و ازازين كهرباء ولا فيها اتزان ولا امان ولا خامات ولا عزل ولا اي حاجة و الشركة اللي مصنعاها بنت امبارح
مش اي حد بيدور على فيات لأن بيبقى بيدور على ركوبة

هي كانت مع اخويا موديل 94
وانا كان معايا بونتو 2003
ماعرفش ليه الفيات بونتو بعد ال 100 ألف كيلو بتحس انها قلبت 128...عفشه وحشه جدا والعربيه تبتدي تفتح بقها وكل شويه عند الميكانيكي
وكمان مانصحكش تشتري حاجه من غير تكييف ولا باور
ممكن تزود شويه وشوف حاجه تكييف وباور
36 او 37 ممكن تجيبلك بونتو 2000 مكيفه وباور

اقتباس:

---

المشاركة الأصلية كتبت بواسطة dr.a.nabil

هي كانت مع اخويا موديل 94
وانا كان معايا بونتو 2003
ماعرفش ليه الفيات بونتو بعد ال 100 ألف كيلو بتحس انها قلبت 128...عفشه وحشه جدا والعربيه تبتدي تفتح بقها وكل شويه عند الميكانيكي

---

+1
مؤيد جدا أن عفشتها رايحة ف داهية .... أنشف عفشة عربية شفتها ف حياتي ....
بس مش معاك خالص ف الأعطال .... أعطالها قليلة جدا أو منعدمه ...
بس هي العفشة لوحدها هتخليك تكره العربية أصلا ...
.
للأسف السعر ده مش هيجيب عربية تعجبك ... لو تقدر تستني لغاية لما تزود ل 35 : 40 يكون أحسن وهتلاقي خيارات أفضل ...

اقتباس:

---

المشاركة الأصلية كتبت بواسطة taiwo

+1
مؤيد جدا أن عفشتها رايحة ف داهية .... أنشف عفشة عربية شفتها ف حياتي ....
بس مش معاك خالص ف الأعطال .... أعطالها قليلة جدا أو منعدمه ...
بس هي العفشة لوحدها هتخليك تكره العربية أصلا ...
.
للأسف السعر ده مش هيجيب عربية تعجبك ... لو تقدر تستني لغاية لما تزود ل 35 : 40 يكون أحسن وهتلاقي خيارات أفضل ...

---

عفشة البونتو لا هي ناعمة ولا هي ناشفة

انا معايا بونتو 2001
فابريقة بره وجوة بالكامل وعدادها 153 الف
تكييف (سخن وبارد) وسنتر ووحدة رفع وزجاج كهربا بدون باور (الدركسيون خفيف) وجنوط سبور كل الكماليات الحمد لله شغالة وتمام
دهان السقف والكبوت مبقع من الشمس وعاملها ستيكر كاربون سقف وكبوت وفيها رفرف امامى بس كان مخبوط مردود ع البارد
كل الصيانات ماشى عليها بالورقة والقلم ولسة مغير زيت وتيل وكبالن مايلى المانى جديدة الاسبوع اللى فات
دى الحالة بالتفصيل

تعمل كام لو عرضتها للبيع ؟

اقتباس:

---

المشاركة الأصلية كتبت بواسطة semsem_uno

عفشة البونتو لا هي ناعمة ولا هي ناشفة

---

طيب بص بصة هنا كده ياصديقي

http://www.nilemotors.net/Nile/261629-a.html

وهنا كمان :

http://www.nilemotors.net/Nile/261626-a.html

طيب ممكن تقولي أسم عربية عفشتها أنشف منها ؟؟
هتبقي عملت فيا جميل قبل ماأولع ف العربية ...:crying2:
.

الموضوع شكله باظ بلاش ارد احسن :)

عموما لصاحب الموضوع متدفعش فيها ال 29 اخرها 27 لانها من غير تكيف وعلى كلامك عاوزه مصاريف بسيطه

بس نصيحه اخ لو حتاخدها روح لاى واحد يكشفلك عليها كمبيوتر عشان تعرف حاله الحساسات والكمبيوتر بتاعها عشان على كلامك المكانيكا بتاعتها تعبانه شويه
وللاسف اغلب البونتو بيبقى مع شباب هالكها ومش بيصرف عليها

اقتباس:

---

المشاركة الأصلية كتبت بواسطة semsem_uno

عفشة البونتو لا هي ناعمة ولا هي ناشفة

---

مساء الفل يا سمسم بيه :)
أنا دورت عليك في المنتدى لقيتك هنا، وسايبنا لايصين في رابطة الأونو :)

بالنسبة للعربية أنا شايف فيها "أفخاخ" كتير (ميكانيكا ورشاش وفتحة السقف !!)