الموضوع: تصنيع الكامري، والفورنتشر في مصر... ربنا يستر

اعتقد الكامري تمنها هيعدي ال 400 الف يعني هتدخل في منافسه مع اللي مبيرحموش :)
بي ام ومرسيدس

اهم حاجه ان سعرها فى متناول المواطن المصرى

هو معليش استفسار لو فيها سئالة ؟؟؟ هو العربيتين دول هيعملوهم علشان خاطر عنين المصريين ولا للتصدير لدول الخليج ، وفي كلى الحالتين صعبة.
لان المواطن المصري غني جداً. ومش هيقدر لا على تمنها ولا على بانزينها
ولو احنا هنجمعها علشان نصدرها طيب ماهو بسبب القانون العبقري بتعنا والجمارك. هتقف العربية غالية والجودة مش هتبقى جودة التقفيل الياباني. فانا انصح المواطن الخليجي يروح يجبها من اليابان ارخص واوفر
وبعدين هيا تويوتا لسه محرمتش خوزيق مش كفاية تجربتها الفاشلة مع الجنوب افريقي ، هي فشلت مع الجنوب قالت خلينا نجرب الشمال افريقي مصر يمكن ننجح والله انا احيي شركة تويوتا لو قالت هيصنعو لنا يارس مصري. انشالله حتى الشكل القديم دي بقى ساعتها الي تبقى ضربت معلم وتقدر تحقق اكبر مبيعات في ظرف سنة ، مش تقولي كامري وفيرنيتشر ، طيب ما يصنعولنا لكزيس. المواطن المصري بيعز اللكزيس قوي وميقدرش يعيش من غير لكزيس

واللهي انا سقت المكسيما صحيح انها اسرع من الكامري بس معروفة ان المكسيمة طلقه بتجمع سرعه من صفر لمية في سبع ثواني بس مش معنا كده ان الكامري تعبانه الا اذا كنت واخدها مستعمله انا مجربتش الكومارو بس جربت البونتيك الترانزي ام. وجربت الموستينج وبصراحة صوت والبنده من غير عزم
وجربت الهمر وجربت الجيمس لقيت الجيمس اسرع من ال h٢
بس دي حاجة ودي حاجة. مينفعش حضرتك المقارنه الي بتقارنها الكامري كامري برضو
الكامري عن تجربتي شوفت حضرتك وانتا واقف تستحمه. وفجئة الصابونه تفلفص من ايدك وتطير كده من ايدك هيا دي الكامري بتزحلق ولا الصابونة والومينا حضرتك الي كل الناس بتشهدلها مش عجباك طيب مالومينا بنفس كفائة الماكسيما نا سوقت دي وسوقت دي والاثنين مستوى واحد بس اللومينا بتجمع سرعه في سبع ثواني فصله نص ثانية وعدد الاحصنة واحد مع المكسيما سبحان الله حكم ههههههه تحياتي

دولتين من الخليج ........و مصر و لسة بيتفقوا على تجميع عربيات ؟؟؟؟

و الله ماليزيا و أيران و تركيا دول برقبة كل العرب
مش عارف أقول أيه ؟؟؟؟؟؟؟؟؟

المفروض الصح و الصحيح
الأستثمار في تطوير مصنع سيماف لصناعة القطارات
و نصنع بقى مواصلات جماعية محترمة و نبقى سباقين في الصناعة دي

ياباشا ااكدلك مصر مش بتاعت استثمار ، روح راجع قوانين الاستثمار في بلدك. وانتا كمصري شوف هيطلبو منك ايه فما بالك الاجانب على العن والعن. ما انا كنت دايما بروح اترزع في هيئة الاستثمار روح كده واطلع الدور التاني شوف كام خناقه بتحصل هناك بين الموظفين والناس مفيش حاجة تغيرت خالص اللهم لبسو الموظفين بدل وجمعو الشبابيك كلها في مبنى واحد وركبو تكيف ورخام هما كده بيشجعو الاستثمار ؟؟؟؟؟
روتين روتين روتين على مجال تاسيس شركة لاجنبي عوزلك سنة والي يقلي غير كده اقولوا كداب واحط صوابعي في عنيه كمان ده غير التراخيص ده غير الموافقات الامنيه. ده بين الموافقه الامنيه والموافقه الامنية التانيه موافقة امنيه ... خلينا ساكتين هو احنا كبلد مش هنفوق غير لمن الخزانة العامة تفلس ونعلن افلاسنا ظي اليونان ساعتها بس هنفوق. ده غير اوضاع مصر والافلام الي فيها والمظاهرات والفلاتان الامني فكرك حد بايع فلوسو علشان يجي يشتغل في مصر ، اكيد بتحلم !!!!