الموضوع: عيد ميلاد المنتدى الخامس .. 20/4 .. مين جى من صقور قسم نيسان

كل عام وانتم بخير
يوم الجمعة 20/4 حيكون عيد ميلاد المنتدى الخامس
منذ انطلاقه فى عام 2007 .. وهو يشهد من عام لعام نجاحات كبيرة وتالق
وطبعا فرصة كبيرة اننا نتجمع على خير فى قسم نيسان فى فترة قصيرة مرة تانية

وكمان نلتقى بكل اعضاء المنتدى جميعا .. ودى اهم حاجة .. لان بيكون فى تواجد لكل اعضاء المنتدى .. وبيكون يوم اجتماعى كبير من الدرجة الاولى

واهم حاجة طبعا عشان اعرف اقعد مع صقور نيسان .. لانكم عارفين فى مقابلات نيسان الرسمية .. مش بعرف اقعد مع الاعضاء .. بسبب ضغط التنظيم
وحيكون يوم جميل باذن الله بوجودكم وبوجود كل اعضاء المنتدى جميعا .. اللى بقالنا كتير مش شوفناهم

ان شاء الله حكون موجود انا واسرتى

تفاصيل اليوم بكل حاجة

المشاركة الأصلية كتبت بواسطة Karim_Monir

السلام عليكم ورحمه الله وبركاته
بعد طول عناء وفحص عروض العديد من الفنادق والمنتجعات السياحية للبحث عن افضل ما يناسب الاعضاء لقضاء اليوم المفضل لدي الكثير والاحتفال بانقضاء خمسة اعوام وبداية السنة السادسة ان شاء الله
رسيت بفضل الله على اقامته باحد فنادق القاهرة
يوم الجمعة 20/4/2012
وكنت قد وعدتكم بتقضية اليوم بفندق افريكانا برج العرب
لكن بعد الكثير من المماطلة وعدم الجدية بالاضافة الي المبالغة هذا العام في الاسعار ومع اشتراط ان لا يقل العدد عن 50 مع عدم الوعد بوجود شاليهات او وجودها بادوار عليا
كل هذا دفعني للبحث كثيرا
واستقريت نهائيا على فندق جراند بيراميدز
الفندق بطريق المريوطية ناصية شارع الاهرام
دقيقتين من منزل الدائري الى المريوطية وشارع الهرم
على بعد ربع ساعة بالكتير من بوابة اسكندرية
كان لي ان قضيت بيه يومان قريبا جدا ورايت مدي الخدمة والنظافة وجودة الطعام بنفسي
العرض كما عودناكم مفاجئة
يوم Day use من الساعة العاشرة حتى الخامسة او السادسة
تتضمن غداء بوفيه مفتوح والغداء يكون من الواحدة حتى الثالثة
والاستمتاع بحمام السباحة الكبير والصغير للي معاه اطفال
ووجود دي جي على حمام السباحة
وايضا لنا عدد اتنين شالية واحد للرجال والثاني للسيدات والاطفال لعدم الاختلاط
العرض لتقضية اليوم ب 100 جنيه فقط ان شاء الله
وهذا افضل عرض حصلت عليه هذا العام مع غلو اسعار اللحوم والدواجن وغيرها من السلع
فندق افريكانا افضل عرض 120 جنيه بدون شاليهات وعدد 50 فرد وطبعا رفضتة
وفي عروض تانية كانت في حدود ال 60 جنيه لكنها تضمن غداء عبارة عن نصف فرخة وشوية بطاطس طبعا حاجة لا ترقي لاعضاء والمقابلة الرسمية السنوية للمنتدي
وطبعا لا وجود للحلو ولا نظام حمام السباحة لان فندق جراند بيراميدز مصنف 4 نجوم
وبالطبع التورتة المميزة لعيد ميلاد المنتدي ولكن مش عارف هاتجيبولها مكان ازاي بعد الاكل ده وارجع بيها زي السنة اللي فاتت :-)
التورتة هذا العام هدية من المنتدي للاعضاء
يعني الاعضاء هاتدفع تكاليف الاوتيل فقط 100 جنيه فقط
لكن هناك حاجة رمزيه 5 او 10 جنيه بتدفع كاكرامياات للشيف والويترات اللي هايقومو بخدمة الاعضاء طول اليوم تقدرو تحولوها مع الفلوس مباشرة
الاطفال عاملين حسابهم طبعا ان تحت 6 سنوات مجانا والشخص يسمح له بطفل واحد فقط
الاطفال من 6 الى 12 نصف فرد ورجاء محدش يحرجني مايبقاش ابنه عنده 8 او 9 سنين ويقولهم ده 6 سنين :-)
والاطفال فوق ال 12 سنة فرد كامل
اليوم هايبدء في الاوتيل من 10 الصبح يا ريت محدش يتاخر
تحويل الفلوس هايتم بطريقة واحدة بس هي اسهل طريقة وماتكلف اي حد فلوس تحويل
ايداع مباشر في حسابي البنكي بالبنك الاهلي سوستية جينرال NSGB
الايداع في حساب 7361002990428396
كريم سراج منير حسن
بالمصري 100 + الاكرامية 5 او 10 جنيه او ممكن من غير دي حاجة ذوقيه ترجعلك
واو بالدولار للي من خارج مصر ما يعادلها
الايداع مابيخدش 5 دقايق واسهل بكتير من الحوالة البريدية وتحويل الرصيد والكلام الفارغ ده
تاكد على الموظف بالبنك يكتب اسمك الثلاثي عشان يظهرلي في التحويل
والافضل تكلمني او تبعتلي الاسم الثلاثي مع رقم الايداع البنكي على الميل عشان اتاكد من تسجيل اسمك والعدد ومحدش يكسل يبعت على الميل بعد مايخلص عشان اقارن
الميل هو
karim.serag@gmail.com
تليفوني عشان لو في اي مشكلة قك وقت الايداع
01001263030
ده موقع الاوتيل وصور ليه
Photo Gallary

ودي صورة من بلكونة اوضتي لما كنت هناك
[mshosh2]http://a6.sphotos.ak.fbcdn.net/hphotos-ak-ash3/557877_10150922246854129_647614128_13023168_660704 40_n.jpg[/mshosh2]

ملحوظة :
ركن السيارة جوة الاوتيل ب 20 جنيه اليوم
وجاري عمل تخفيض مع المبيعات
وفي ركن برة الاوتيل كتير

فى الموضوع هنا حنجمع بعض باذن الله
ونشوف مين الاعضاء اللى حيكونوا موجودين
تحياتى ليكم جميعا
وان شاء الله نشوفكم على خير