الموضوع: تحذير لكل الاخوة المقدمين علي شراء و ترخيص سيارات زيرو

المشاركة الأصلية كتبت بواسطة hossam_elwani

الى عملته هو الصح

مبروك عليك

بس هما ممكن يطبقو الحكاية دى على العربيات المستعمله كمان؟؟

الله يبارك في حضرتك

و الله تعالي بصراحة هو اللي يسر لي و فضله كبير عليا

و اتوقع ان محاولة تطبيقها علي المستعمل به استحالة

و لكن اتوقع صدور قرار بمنع البيع و الشراء بالتوكيلات بعد ذلك

و تطبيق ضريبة كبيرة تفرض علي بيع السيارة الثانية فيما فوق ( كضريبة تصاعدية ) اذا بعت و اشتريت في نفس العام ( لانك بذلك تكون تاجر )

تحياتي لحضرتك

المشاركة الأصلية كتبت بواسطة koshary

الف مبروك ياباشا بحب انا الناس امثال حضرتك يعرفو يسلكو امورهم ربنا يباركلك فى العربيه يااااااااااارب

و انا بحبك في الله

و ربنا يبارك في حضرتك و يعزك

و بالفعل ربنا سبحانة و تعالي هو من يسر لي حينما تعقدت

تحياتي لحضرتك

المشاركة الأصلية كتبت بواسطة zika9909

أولاً: مبروك العربية

ثانيًا: دلوقتي الواحد المفروض يعمل إيه؟

أشتري من الوكيل ذات نفسه؟ و لا ماشتريش خالص؟ و لا إيه العمل؟؟

الله يبارك في حضرتك

و الموضع في رأيي بأختصار ينحصر في الاتي:-

اولا التوكل علي الله سبحانة و تعالي قبل الذهاب

ثانيا الشراء من الوكيل المعتمد يأتي في المرتبة الاولي اذا توافر عنده اللون و السعر المناسب حتي لو اغلي 500 او 1000 ( في رأيي )

ثالثا الشراء من الموزع المعتمد يأتي في المرتبة الثانية

رابعا الشراء من المعارض و التجار يأتي في النهاية اذا قدم لي عروض جيدة للشراء و يكون موثوق فيه و تم تجربته من قبل و مشهود له بالالتزام



اخيرا في كل ما سبق يجب الا نخرج بالسيارة الا بعد استلام كل اوراق السيارة الطبيعية و يزيد عليها الان ( اصل فاتورة الشراء النهائية موضحا بها ضريبة المبيعات ) و يا حبذا لو طلبت صورة من فاتورة شراء الموزع او المعرض من الجهة التي سبقت شرائك منه

و الله الموفق



تحياتي لحضرتك



م.حاتم السباعي