الموضوع: ايه المانع ان تغسل عربيتك بايديك

بغسلها بأيدي طبعا ...... و نادرا لما بكون مش فاضي قوي بأوديها البنزينة .

إنما الأساس ....... أنا اللي بغسلها .
المجتمعات المتخلفة زينا كدا لو مشيت وراهم ......... لا هاتروح و لا هاتيجي .
بنزل عادي الصبح بدري قوي (لأني بأصحى بدري ) و أغسلها و ألمع الزجاج الأمامي و الخلفي بملمع الزجاج .
و كمان بغسلها بجردل مش بيزيد عن كدا و بتغاظ جدا من الناس اللي ماسكة خرطوم و عمالة تهدر في مياه .

كبر دماغك من الناس .... مش هاتكل عيش لو مشيت ورا كلام و نظرات الناس

المشاركة الأصلية كتبت بواسطة exact

أنا بقى وانا باوضب الشقة عملت حسابي فالموضوع ده وعملت حنفية فالبلكونة (اول علوي) وخرطوم محترم 20 متر ومسدس ميه من قسم الحدائق في كارفور....
بانزل بالمسدس ارشها فالفجاوي والاعتاب رشه حلوة واسيبها ربع ساعة اكون ظبطت الصالون ورغيت الصابون عالعربية كلها واروح مديها على وضع full بتاع المسدس واديها يا انسان اديها فالكلتش كمان

بس الكلام ده للحق بيكون اما الجو مدفي والساعة 1 بالليل بس لازم طبعا اكون راشش (أوف) بتاع الناموس

أقرأ كدا الحديث ده أخي الكريم

قال الرسول الكريم
لا تسرف في الماء ولو كنت على نهر جار
صدق رسول الله عليه الصلاة و السلام .


و شوف كدا الآيات الكريمة دي اللي بتحس على الأعتدال و عدم الأسراف
{وَلا تُسْرِفُوا إِنَّهُ لا يُحِبُّ الْمُسْرِفِينَ}

{وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}

الأسراف لما الأنسان يستعمل الشئ بطريقة كان يُمكن تفاديها
يعني 10 لتر مياه في جردل بتكفي لغسيل العربية
لما يستهلك 100 لتر بخرطوم ........... يبقى كدا أسراف طبعا

و ذكر إن الذكرى تنفع المؤمنين ..... تذكرة لك و لي أخي الكريم

المشاركة الأصلية كتبت بواسطة tutankhamoun

أقرأ كدا الحديث ده أخي الكريم

قال الرسول الكريم
لا تسرف في الماء ولو كنت على نهر جار
صدق رسول الله عليه الصلاة و السلام .


و شوف كدا الآيات الكريمة دي اللي بتحس على الأعتدال و عدم الأسراف
{وَلا تُسْرِفُوا إِنَّهُ لا يُحِبُّ الْمُسْرِفِينَ}

{وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}

الأسراف لما الأنسان يستعمل الشئ بطريقة كان يُمكن تفاديها
يعني 10 لتر مياه في جردل بتكفي لغسيل العربية
لما يستهلك 100 لتر بخرطوم ........... يبقى كدا أسراف طبعا

و ذكر إن الذكرى تنفع المؤمنين ..... تذكرة لك و لي أخي الكريم

يا فندم اكيد مش بيستخدم 100لتر مياه لانه مركب مسدس مياه والمسدس ده بيدى ضغط هوا مع اقل كميه مياه علشان ينظف قوى باقل كمية مياه....كويس انه مركب مسدس مش من الخرطوم على طول

المشاركة الأصلية كتبت بواسطة amdd

يا فندم اكيد مش بيستخدم 100لتر مياه لانه مركب مسدس مياه والمسدس ده بيدى ضغط هوا مع اقل كميه مياه علشان ينظف قوى باقل كمية مياه....كويس انه مركب مسدس مش من الخرطوم على طول

والكلام ده حقيقي فعلا
في اقصى حالات الاتساخ العربية مش بتاخد مايوازي 4 جرادل ميه شاملا غسيل الفجاوي والاعتاب

وشكرا للتذكرة

المشاركة الأصلية كتبت بواسطة exact

والكلام ده حقيقي فعلا
في اقصى حالات الاتساخ العربية مش بتاخد مايوازي 4 جرادل ميه شاملا غسيل الفجاوي والاعتاب

وشكرا للتذكرة

لو سمحت ياغالى المسدس ده بكام سعره وانواعه ايه لانى بفكر اجيب واحد بصراحة وهل بتشترى معاه حاجه تانية