ايه المانع ان تغسل عربيتك بايديك

**amdd** · 09-04-2012 10:50 AM

هو فيها ايه لو نزلت وغسلت عربيتك بنفسك ...تفتكر عيب انك تقف تغسلها بنفسك امام الناس ..ولا انت تفضل ان تغسلها بره فى بنزينة او مركز كاركير وتريح دماغك ولابهدله
ولو غسلتها بايدك افضل ولا بره؟

**me_medoo** · 09-04-2012 10:55 AM

هو يفضل طبعا انك تغسل العربية بايديك بس المشكلة لنظرة السخيفة بتاعت المجتمع الي عايش في زمن الهمبكة ولازم واحد يفتحلك الباب. وواحد يطلعك. وواحد يركنلط العربية وواحد يرجعك. وكل ده وتلاقيه معاه عربية لادا ولا حتت اوبترا. وعامل نفسو سفير بسلامتو ، فلمن الناس تشوفك بتغسل عربيتك. يحسسوك انك بتقلل من قيمتك ، بس لمن الواحد يغسل عربيتو هو بيطب طب على كل جرح فيها وكل خربوش فيها فالعربية تشعر بحنانك نحيتها وتحس انك انتا بتعتني بيها وبتقى حافظ كل حته فيها بس في ناس سبحان الله كل الي ليها انها تركب العربية وخلاص وتحياتي موضوعك حلو

**المنسي** · 09-04-2012 11:45 AM

والله العظيم نفسي اعملها بايدي على الاقل هاتهم بكل حتة صغيرة فيها وكل ما اقول هانزل انظف الاقيني كسلت واقول هانزل وحد يشوفنى وانا بكنس الارضية هيقول مش هاين عليه يدفع فلوس ويوديها لحد يعملهاله مع ان الموضوع مش موضوع فلوس الفكرة كلها انك لما بتعمل حاجتك بتعتني بيها اكتر من اى حد

**adel1212** · 09-04-2012 11:59 AM

ده مزااااااااااااج
يوم الجمعة بعد الصلاة
بعملها فورمات
تنظيف الكراسي - كنس ارضية - تنظيف الابواب من الداخل والتابلوة
غسله حلوة من الخارج وبعدين انام وعلى المغرب تلميع الزجاج و التبلوة والكاوتش
تحياتي

**amdd** · 09-04-2012 12:37 PM

فعلا ده مزاااج
انا كمان كل جمعة بعد الصلاه انضفها من جوه واعطرها وغسلة محترمة بالخرطوم من بره وانشفها ولمعه للزجاج وبتبقى على سنجة عشرة ...صحيح بيبقى مجهود بس مع الوقت والممارسة بتحس ان الموضوع بقى عادى كلها نص او ساعة الا ربع وتكون تمام ومع الوقت الخبره فى الغسيل بتتحسن مع التجربة
انا يمكن عشان عندى ارض كبيرة فاضيه جنبى فبعمل اللى انا عايزه ...وطبعا عارف ان فى نااس كتير نفسها تغسل عربيتها لكم المكان بيكون مشكلة خصوصا لو كان قدام اللى رايح واللى جاى.
فعلا اكتر حاجة ممكن تشجعك هى المكان المناسب

**m7mda7md** · 09-04-2012 12:40 PM

المشاركة الأصلية كتبت بواسطة adel1212

ده مزااااااااااااج
يوم الجمعة بعد الصلاة
بعملها فورمات
تنظيف الكراسي - كنس ارضية - تنظيف الابواب من الداخل والتابلوة
غسله حلوة من الخارج وبعدين انام وعلى المغرب تلميع الزجاج و التبلوة والكاوتش
تحياتي

انا بحققققققققققققققققققققققق قققققققد عليك يا باشا
ههههههههههههههههههههههه اوعي تزعل انا بهزر معاك و ربنا يباركلك في عربيتك و صحتك
نفسي اعمل كده بس معنديش جراج استخبي فيه
الصراحه مش منظر خاااااااااااااااااااااااا اااالص

**minicooper20** · 09-04-2012 12:53 PM

انا هوايه عندى اغسل عربيتى
و خصوصا الجيتا الله يرحمها بقا
كنت بحنتفها حته حته والله مكان فيها خربوش
يلا نصيب
لاكن دلوقتى الباراتى بتتغسل فى الجراج و البى ام كبيره بتاخد وقت فا الكار كير بيكون حل مثالى
و بعدين مع مشاغل الحياه الحوار ده بقا صعب جدا
لاكن انك تبص الناس هتبصلك ازاى و كلام ده يا راجل فكك ميولعو كلهم
انا كنت بقلع بالشورت و فى نص الشارع و اغسلها

**mirra** · 09-04-2012 12:54 PM

دى احلى حاجة فى الدنيا و احلى مزاج .انا عمل جدول و يوم محدد للموضوع دة بنضف العربية من جوة بالبلاور و بعدين مسحة بفوطة مبلولة لجلد الارضية و الكراسى و غسيل للدواسات ثم تنظيف التابلوة و الجلد بالملمع و بعد كدة اقفل العربية و انفخ الشنطة بالبلاور و امسحا و مسح التراب من على سطح العربية و بعدين غسلة نضيفة بالجردل و الشامبو الخاص و شطفة تمام و تنشيف بفوطة قطن ثم تنشيف تانى بفوطة جافة و تلميع الكاوتش بالفوم و غطى عربيتك و عيش.

**moumen_hs** · 09-04-2012 01:00 PM

المشاركة الأصلية كتبت بواسطة me_medoo

هو يفضل طبعا انك تغسل العربية بايديك بس المشكلة لنظرة السخيفة بتاعت المجتمع الي عايش في زمن الهمبكة ولازم واحد يفتحلك الباب. وواحد يطلعك. وواحد يركنلط العربية وواحد يرجعك. وكل ده وتلاقيه معاه عربية لادا ولا حتت اوبترا. وعامل نفسو سفير بسلامتو ، فلمن الناس تشوفك بتغسل عربيتك. يحسسوك انك بتقلل من قيمتك ، بس لمن الواحد يغسل عربيتو هو بيطب طب على كل جرح فيها وكل خربوش فيها فالعربية تشعر بحنانك نحيتها وتحس انك انتا بتعتني بيها وبتقى حافظ كل حته فيها بس في ناس سبحان الله كل الي ليها انها تركب العربية وخلاص وتحياتي موضوعك حلو

ياعنى على الكلام الرمانسى الجميل دة ياباشا دة أنا زمان كان هويتى أن انظف العربية وأغسلها احسن من المغلسة

-

الموضوع: ايه المانع ان تغسل عربيتك بايديك

LinkBack

أدوات الموضوع

عرض

ايه المانع ان تغسل عربيتك بايديك - انشر الموضوع فى :

-

-

-

-

-

المواضيع المتشابهه

أوعى تغسل الموتور

إستطلاع رأي: هل تنكسف إنك تغسل عربيتك بنفسك؟؟؟؟

اتعلم ازاى تغسل عربيتك

كريم منير فين؟؟؟ لعل المانع خيرا إن شاء الله...

الكلمات الدلالية لهذا الموضوع

المفضلات

المفضلات

ضوابط المشاركة