الموضوع: تجربة شد مع اكسنت rb

المشاركة الأصلية كتبت بواسطة semsem kane

اذيكوا ياهونداوية عاملين اية يارب تكونوا بخير

طبعا الموضوع باين من عنوانة

فى يوم كدة جية صاحبى وهو معاة اكسنت rb اللى انا اختبرتها ولقيتة بيقولى انا حطيت حطة سودة على النترا 2012 انهاردة وكنت بشد معاة لحد 180 كم ماعدانيش فانا قولتلة ياعم عشان انت عربيتك اخف منة وماتورك قريب منة فى القوة راح قايلى لأ انا فرقت عنة جامد والمهم راح قايلة دانا احتى اعلم عليك مستريح قولتلة تعلم عليا انا انت مجنون يابانى انا 175 حصان وانت يعنى 124 حصان قالى طيب ماتيجى نجرب وعلى اللى انت عايزة قولتلة مابلاش قالى ياعم انا عارف انا بقولك اية انا لسة كنت جارى مع سيفيك 93 وقطعتة قولتلة كانت بفتحة سقف قفالى مخدش بالى قولتلة طيب ماشى ياعم , من حسن الحظ ان التانك بتاعى كان قرب يخلص روحت حاطط 20 لتر 95 وظبت الكاوتش لانى بقالى شهرين ماكشفتش علية لانى بحط نيتروجين وقولت خير ان شاء الله وطلعنا على طريق المحور حوالى الساعة 7 بليل وقولتلة شوف عشان ماتتحججش بمانيوال واتو احنا هنجرى من اول سرعة 70 لانى مش بحب اجرى من الثبات قالى تمام فمشينا جنب بعض لحد ماسرعتى جابت 65 والجميل فى الموضوع ان هو كان جايب 70 وانا ماشى على 65 ازاى مش عارف بس كنا ماشيين جنب بعض المهم , وهو جاب التيبترونيك وخليتة يعد بالكلاكسات واحد اتنين ثلاثة وانطلقنا انا الحمد لله كنت بنقل عند اربى ام 7500 ولحد ماجيبت الثالث كان هو عند الشنطة وبمجرد ماجيبت 130 بدأ هو فى تراجع متزايد لحد ماوصلت لسرعة 180 طبعا بعد جدا جدا عنى روحت مهدى واستنيتة وقولتلة ها لسة عايز تجرى

طبعا الحجة الفارغة قالى طيب تعالى نجرب بال d بس من غير التيبترونيك قولتلة ماشى طبعا النتيجة كانت اسوء من الاول وحرق وكيك بس المرة دية كانت من سرعة 100 كم مش من 70 والحمد لله اختفى

طبعا الحمد لله على كل شىء وعلمت علية تعليمة السنين عشان بس مايكلمش فى اى حاجة تانى

بس اقول بردة فعلا طلعة الهيونداى خفيفة وممكن تاكل اى عربية لحد 130/120

ودية تجربتى مع هيونداى اكسنت rb هو ممون 92 وشيك على الكاوتش والعربية استوك مافيهاش اى حاجة

وانا عربيتى استوك لا يوجد بها سوى ( فلتر اسبور سيموتا اصلى - بوجيهات split fire ) بس مش عاجبنى الصراحة

عايز اقول حاجة انا وكدة وسحب عربيتى مش عاجبنى لان البوجيهات بقالها حوالى 6 شهور وحاسس ان ادائها قل + فلتر الهواء ماكنش متنظف وداخل على شهرين اهوة + الرشاشات والايدل بردة ماكانوش متنظفين وهو دة اللى خلاة يبقى قريب منى لما كنا ماشيين من سرعة 70

للاسف معرفناش نصور حاجة لان كل واحد كان فى العربية لوحدة وعموما انا موبايلى n73 فكان ولا كأنى بصور حاجة بليل كان هيجيب خيالات وبردة ماكناش هنركز اوى فى الطريق

انا كنت عاوز اقول ان الأنترا 2012 او الأكسنت rb ماشي ممكن تجيب 220 بس فين الثبات والفرامل على السرعه ديه انا بصراحه مش عارف ازاي بتجروا بشكل ده بعربيه استوك ده الواحد بيبقى موطي العربيه اوي ومركب عفشه اسبور ومركب فرامل اقوي ومع ذلك الواحد مابيجبش السرعات ديه الا في طريق مفتوح وواسع انما مش عمال طول الوقت مع ان العربيه عندي تجيب 220 وعربيات اصحابي فيه منها اللي بيعدي 240 كم بس ازا كنت انا ولا اصحابي بنجري فاحنا بنجري بعربيات متعدله تعديل كبير ازا كان في الثبات ولا الفرمل ولا الموتور وفي حجات كتير