الموضوع: تجربة شد مع اكسنت rb

المشاركة الأصلية كتبت بواسطة semsem kane

محدش سمع حد من الهيونداوية يعنى لانى بسمع كتير ان محركات الالنترا بتعدى اى حد

ولا هما خايفين يجوا هنا

ماتقلقوش احنا بردة بنفهم فى الاصول وبنعرف كرم الضيافة كويس

هو حد قال ان الانترا بتعدي اي حد يا كبير ؟
والي يقول كده يبقى ينزلك وانت توريه الحقيقه ^_^

--------------------------------------

احمد ايهاب باشا ازيك ؟
معلش على الي حصل وفي كام حاجه انت قولتها هصلحها بعد اذنك..

المشاركة الأصلية كتبت بواسطة ahmedeihab

اولا هرد عليك فى الشده ديه
يا عم سمسم حملك على الولد بس هو يستاهل علشان عند معاك
المهم بقا نييجى لشده دلوقتى
كنت فى المقابله اللى قلتلك عليها مع حسين و انت قولتلى مش هقدر اجى
قعدنا مع بعض شويه و اتكلمنا و كده بس كنا كتير و فى واحد كان معاه النترا 2012 بصراحه معرفش اسمه ايه قال تعالوا نشد لاقى اللى عايز يشد معاه يوكو بللينيا و واحد تانى معاه نيسان تيدا
يا كبير انت واخد نص الكلام كده. انا كنت متأخر وبقالي نص ساعه بقول هروح وبعدين لما عرفت ان بسام ساكن جنبي قولتله طب يلا بينا بقى ونشد بالمره. وبعدين لما الباقيين عرفوا قالوا هنيجي نتفرج ويوكو قال هيجي يشد كمان. (وانا كان نفسي اجرب اشد معاه مع اني عارف النتيجه من الاول). وبالمناسبه عربيتي 2010 مش 2012.
الولد ده معاه الالنترا اتوماتيك و النسيان التيدا اتوماتيك و اللينيا مانيوال
المهم طلعنا على طريق كده فى مدينه نصر اسمه غريب مش عارف ايه كده
المهم الطريق ده لسه متسفلت جديد و حته كده بتاع 7 كيلو خدناها رايح جاى

يوكو كان راكب معاه واحد و انا راكب فى الالنترا و حسين راكب فى التيدا
مسكنا الطريق ده و احنا رايحين و كان القوه فى وشنا
بس هما كانوا سبقينا بفرق عربيه كده اللينيا و التيدا المهم
يوكو فرق جامد و ده طبعا راجه لتجميع عربيته التربو
التيدا فرقت بفرق بسيط يمكن عربيتين
و الالنترا مكانتش عايزه تعد ال 160 علما بأن الراجل جايب الدواسه للاخر
طبعا الشده و احنا رايحين متتحسبش
و قفنا و قلنا نطلع جنب بعض على سرعه 30 او 40 كيلو
لقينا الهوا بقا فى ضهرنا
طلعنا مع بعض
يوكو فرق فى الاول
الالنترا فرقت عن التيدا فرق كبوت العربيه لحد سرعه 100
140 الالنترا فرقت عن التيدا بعربيه
طبعا يوكو قدامنا بفرق مش كبير خالص
وصلنا لحد 180 كيلو بالالنترا
اللينيا ثابته مع الالنترا و التيدا ورا بفرق 3 او 4 عربيات
جينا ناخد غرزه تعدى عربيه واحده بس
تقريبا انت ماكنتش واخد بالك ان التيدا هي الي كانت قدامي. امال انا اخدت الغرزه ليه ؟؟
عشان ماخبطهوش لأن عربيتي جمعت فجأه كويس بعد ال180 والغرزه كانت على اليمين مفتوحه ويوكو انا كنت فاكره قداااااام ماعرفش انه هدا خالص كده.
المهم الراجل اللى كان معايا ماشى على 200 كيلو و ماشاء الله ثبات الالنترا تحفه
المهم قلت للراجل حاسب يوكو
لان يوكو كان هياخد الغرزه دى فا طبعا لو كان خدها كنا هنلبس فى العربيه اللى يوكو بياخد الغرزه منها
فا قلتله حاسب يوكو علشان لا يلبس فى يوكو ولا يلبس فى العربيه
و الراجل اللى معايا ولا همه الكلام ده و دايس بنزين يا سيدى يوكو يا عمى يوكو
ولا هو هنا و عينه على العداد
ههههههههههههههههههههههههه ههههههههههههههههههههههههه ههههههههه بجد ضحكتني. انت لحقت تقول كل الكلام ده وانا ماشي على اكتر من 190 ويوكو جنبي ؟

و النتيجه ان يوكو اخد باله ان الراجل مش هيديله الغرزه
فا مسك فرامل
النتيجه بقا لما قلتله يوكو داخل الغرزه
دبببببببببببببببب
طير مرايه السيفيك ال 2008 اللى كنا بناخد منها الغرزه تماما
يا دوب اللى ماسك المرايه الفيشه و المرايه مدلدله على جنب العربيه
مرايه الالنترا الازازه اتكسرت
بس الحمد لله مرايه فى مرايه و مفيش حكات فى العربيه
وصلنا لسرعه 220 كيلو
ماوصلناش لل220 اكيد. كان اخري 210-213
و قالى انا مش هقف علشان الراجل اللى المرايه بتاعته طارت دى
و فعلا موقفاش خااااالص
بس هما كانوا عايزين يقفوا يتكلموا لان محدش اخد باله من المرايه اللى كارت دى لان يوكو كان على اليمين و التيدا كان على شمال السيفيك من الناحيه التانيه يا دوبك هيدخل يعدى منها فا مشفش الكلام ده
فين و فين بقا اما الراجل ده وقف و نزلنى فى حته مقطوعه و قالى انا هروح
معلش بقى يا كبير سامحنا بس الراجل لو كان جه كان هيعمل الصح حتى لو اديته تمن المرايه.

كنت عايز اقوله تصدق انك ندل بس ما علينا هو راجل محترم جداااااااااا
حبيب قلبي كلك ذوق

مع انى سأله انت راجع تانى قالى اه
متأكد انك سألتني ؟
اصل انا كنت مروح اصلا والna ده كده كده طريقي وانا مروح انا وبسام وكنا مروحين. انما رجعنا شدينا تاني عشان موضوع الهوا الي كان في وشنا في الاول.
المهم وقفت فى الحته المقطوعه دى بتاع 5 دقايق على ما يوكو جه و كان الراجل بتاع التيدا بردو
باع حسين و نزله يركب مع يوكو علشان هو كمان مروح
الحمدلله مش لوحدي اهو ههههههههههههه
و ركبت انا و حسن مع يوكو و رجعنا عند الحاج احمد تاااااااانى
و سردتلهم قصه المرايه دى فى الطريق
حتى هما كانوا مستغربين احنا موقفاش ليه
و لقونى عمال اقولهم يلا يلا يلا
هى دى تجربه شد النترا 2012 مع نيسان تيدا و فيات لينيا يا عم سمسم
^_^
برضه 2012 ؟؟ انت مصمم بقى ياعمونا

المشاركة الأصلية كتبت بواسطة ahmedeihab

اللى كسب فى الشده ديه اللى طير المرايه اللى هو الالنترا
بس المفروض يوكو بصراحه لان عربيته رايح جاى واكلاهم ماشاء الله عليها
بس لولى ان هو اخد باله و داس فرامل لان الالنترا كان قارص كان زمان يوكو هو اللى وصل الاول
انا كنت شايف يوكو دايس وقدام ولما شفت الغرزه مفتوحه كان لازم اخدها لأن سرعتي أعلى من التيدا والتيدا واخد حارتين (والسفيك كان تالت حاره من الشمال واتفضل حارتين على اليمين الي كنت هاخد منهم الغرزه) وكان استحاله يجي في باله ان يوكو بالبطء ده وفي اقصى اليمين كمان.خاصة اننا اتفقنا من غير غرز بس قولت اهي فاضيه واديني اخر واحد فيهم.
و بعد المرايه دى على طول الطريق خلص فا احنا كملنا و موقفناش بسبب كده
^_^