يا جماعة قولولي اشتري انذار spy 2-way 5000 منين بالله عليكم؟؟

**Khaled Lanos** · 09-04-2012 01:33 PM

السلام عليكم ورحمة الله وبركاته

يا جماعة الحكاية كلها اننا عايز أركب انذار لعربيتي اللانوس لأن الوولف القديم اللي فيها محروق, المهم بعد البحث وقراءة تجارب الأعضاء لقيت ان الــ spy 2-way 5000 أفضل حاجة في السوق, وكمان اللي عاجبني فيه حتة الشاشة وانو بيفصل كهربة العربية, فقولت هتوكل على الله وأنزل التوفيقية اشتريه من هناك, وعرفت ان اللي بيبيعو هناك محل اسمو الدولية-غريب.

نزلت يوم الإتنين الإسبوع اللي فات ده ووصلت هناك على الساعة 7 ونص كده, ولما وصلت لقيت المحل قافل

وروحت دورت في المحلات اللي هناك كلهم قالولي معندناش النوع دع السباي العادي هو بس اللي موجد. (وسعره كان في حدود 135 جنيه للفايدة)

المهم نزلت امبارح الحد وبغبائي كنت ناسي اننا الحد والمحلات كلها قافلة هههههههههههههههه

يعني دبيت مشوار من الشيخ زايد لرمسيس هناك على الفاضي, وطبعا انا راكن العربية تحت البيت ونازل مواصلات

المهم كلمتهم النهارده الصبح فواحد رد عليا وسألتو على الإنذار قالي مش موجود دلوقتي, قولت لو يعني هيجيلكم في خلال كام يوم قالي بعد شهر ونص كده ان شاء الله

فياريت يا جماعة تقوليلي من غيرهم بيبيعو في التوفيقية, أو حد يكون كويس عندو الإنذار ده.

لأن غلط كده انا سايب العربية دلوقتي بقالها يجي 5 شهور بدون انذار وخايف من السرقة ربنا يكفيكم شرها يارب.

ملحوظة: في ناس قالت لي سبير كار بيبيعوه بس انا مش عايز اروح هناك لسببين:

1- ان سعره هناك غالي بــ 450 جنيه على حسب ما قالولي.

2- سبير كار بعيدة عني اوي انا مش هقدر انزلهم التجمع الخامس.

وشكرا مقدما يا جماعة.

**gaaz** · 09-04-2012 04:21 PM

طب ما هو سعره كده بالتركيب في كل حته تقريبا
روح سبير كار يا باشا
لو 450 بالتركيب يبقى سعره ممتاز
انا جايبه ب 375 تقريبا وتركيبه سبعين جنية
وكمان اللي ركبهولي كهربائي غبي مش مشغلي كل الاوبشن بتاعه
فروحلهم اضمن حاجة ناس بتفهم وشغلهم نضيف
والانذار ممتاز ويستاهل
توكل على الله
بس عيبه الوحيد ان الشاشة اللي في ايدك كبيرة شوية
وكمان البطارية بتحتاج تغيرها كتير
بس يستاهل الصراحة

**Khaled Lanos** · 09-04-2012 05:34 PM

المشاركة الأصلية كتبت بواسطة gaaz

طب ما هو سعره كده بالتركيب في كل حته تقريبا
روح سبير كار يا باشا
لو 450 بالتركيب يبقى سعره ممتاز
انا جايبه ب 375 تقريبا وتركيبه سبعين جنية
وكمان اللي ركبهولي كهربائي غبي مش مشغلي كل الاوبشن بتاعه
فروحلهم اضمن حاجة ناس بتفهم وشغلهم نضيف
والانذار ممتاز ويستاهل
توكل على الله
بس عيبه الوحيد ان الشاشة اللي في ايدك كبيرة شوية
وكمان البطارية بتحتاج تغيرها كتير
بس يستاهل الصراحة

شكرا لرد حضرتك أستاذ gaaz

هو فعلا بــ 450 بالتركيب,

بس المشكلة مش في الفلوس ولا التركيب..المشكلة اننا مقدرش انزل في الفترة الحالية التجمع الخامس بالعربية وكمان المشوار بعيد, عشان كده عايز مكان قريب زي التوفيقية كده اشتري منو الجهاز واروح لواحد كويس يركبو وخلاص.

فياريت لو حد يعرف مكان قريب بيبيعو يقولي يا جماعة ربنا يكرمكم لأني الفترة الجاية دي هبقى مشغول جدا ومش هقدر أنزل في حتة.

بالمناسبة عندي سؤال مهم:

دلوقتي الــ spy 2-way 5000 ده نوع واحد ولا فيه منه موديلات مختلفة؟

اصل انا سمعت ان في موديل من الجهاز ده بتشحن بطارية الريموت بتاعته بدل ماتغير البطارية كل شوية؟

وكمان سمعت ان في واحد الريموت اللي بشاشة بتاعه في 4 زراير 3 على الجنب وواحد في النص, وريموت تاني في 3 زراير بس.

ايه الفرق بين الاتنين دول يا جماعة؟

منتظر ردكم.

**Sehsss** · 09-04-2012 06:05 PM

أعتقد ليه توكيل في التوفيقية اسمه تقريبا الشيخ حاجة بيبيعه أرخص من كده

**akarem** · 09-04-2012 11:22 PM

انا لسه مركبه يا باشا
وجبته فعلا من سبير كار يوم الاربعاء اللى فات كنت في نفس اليوم في التوفيقية وملاقتوش حتى عند التوكيل بتاعه اللى هوا غريب
فاروحت على سبير كار وجبته من هناك اقرب واحد ليك اللى في امتداد رمسيس عند نقابة التجاريين وفعلا سعره 450 بالتركيب بس اسال الاول موجود والا لا لانى حسيت انه كان اخر واحد خدته وعندهم spy 2 way بس مش مكتوب عليه 5000 بس بصراحه مش عارف الفرق
وبالتوفيق ان شاء الله