موضوع لم يسبق مناقشته فى المنتدى"استهلاك البنزين"
السلام عليكم ورحمه الله وبركاته
دى اول مشاركه ليا واحب اقول ان استفدت كتير من المنتدى و من زوار المنتدى وخصوصا الاعضاء المتميزين وبيعجبنى طريقه النقاش المحترمه الى كلها احترام و حب فى الله
انا لسه جديد فى موضوع الريس ده " الكلمه دى بتكرر هنا كتير :) " وبحاول اجمع معلومات على قد ماقدر قبل مادخل حيذ التنفيذ ان شاء الله
انا لاحظت مشكله وحشه اوى فى اى ريس الا وهى " استهلاك البنزين "
كنت قاعد مع واحد معاه cbr 250 وعرفت منه ان الخزان حوالى 16 لتر والبنزين بيقعد 48 كم
طبعا انا اتفاجات من الرقم 48 ده
كده تقريبا انت المفروض تحد بنزين فى كل طلعه ولو مشوارك بعيد شويه " طالع مدينه جديده زى اكتوير مثلا " ممكن تحط بنزين مرتين
ونيجى لمشكله التكلفه
لو انت بتحط بنزين 92 " اللتر ب 185 قرش " يبقى انت فى كل تفويله بتدفع 30 جنيه .. يعنى حق تاكس فيرنا او دايو محترم و تفضل راكب التاكس باشا وسلطان زمانك
طبعا الكلام ده جاى من واقع خبره " منعدمه "
عشان كده عايزين نناقش الموضوع ده باستفاضه اوى عشان الموضوع محيرنى ومزعلنى اوى بصراحه
وعايزين نسمع الاعضاء ملاك الريس ذوات السى سى الكبير