الموضوع: مشكله فى الدبرياج

السلام عليكم

انا عندى مشكله فى الدبرياج و هى انى لما اقف فى زحمه و افضل ضاغط عليه و جايب اول مثلا بدل ما كل شويه امور و اجيب اول
الدبرياج بيتقل جدا لدرجه انه مرتين وصلت لانى اضغط عليه ميرجعش و يفضل لازق فى اخر الدواسه تحت

هل ده شئ طبيعى ان لما تفضل ضاغط على الدبرياج على طول يحصل كده ؟

مع العلم بحاجتين:

الاولى: انى بسبب الموضوع ده غيرت خزنتين العلويه و السفليه بتوع الدبرياج و غيرت الزيت و فضيت الهوا من الدوره و الكلام ده كله و لا حياه لمن تنادى .. مفيش اى تغيير

التانيه: وهى انى معاق و عربيتى فيها جهاز بسوق بيه -- الميكانيكى قالى ان الجهاز تركيبه مخلى فى جزء صغير من الدبرياج مضغوط عليه على طول حتى لو انت مش دايس دبرياج
و اللى مركب الجهاز بيقولى ان الجزء المضغوط ده مجرد بوش و مش هو سبب المشكله

ز كل واحد بيقول المشكله عن التانى :)


اقتراحات سعادتكم اولع فى العربيه ولا ايه :):)