المشاعر و الاحاسيس... افتقدناها!!!!
المشاعر و الاحاسيس.....كلمتين قد يكونوا مألوفين لبعض الناس
ولكنها فعلا قد تكون جديده علي الكثير منكم.....لأن مفهومها ليس بالمعروف عليه
انها كلمات تزاول في حياتنا اليوميه!!!.....و ايضا قد ينخدع البعض في معناها الصحيح
و يتذكرها تلك الكلمات العاديه.....
يعني بالبلدي كده مش التعامل اللي بين الناس و بعض في الشارع و احنا سايقين و مخنوقين من الزحمه....ولا و احنا في
الشغل و مخنوقين من ضغط العمل ...
ولا في اي مكان عام....
الاحاسيس و المشاعر ديه اللي بنطلعها للناس العاديه.....و بالمفهوم الصح للناس حبايبك
اللي مفروض بيتقال عليهم حبايبك.....بس كتير مش فاهم يعني ايه واحد حبيبي بعزه
يعني كل كلامي دلوقتي علي حبايبك و صحابك و قرايبك و معارفك.....مش واحد لسه شايفه في الشارع
غير ان مفهوم الكلمات ديه لا تندرج تحت مفهوم القانون.....و مالهاش عقوبه
بس فالحين نضايق اوي و نقول الحكومه و البلد البايظه....
ما هي البلد... يعني الشعب....يعني الناس....يعني انت و اصحابك و معارفك
انا اكتشفت اني عايش في مسرح كبير مش باين اوله من اخره .....و مليان ممثلين و كومبارسات
في منهم اللي بيعرف يمثل و في منهم اللي مش عارف....
بس في الاخر الكل بيمثل للتاني.....
لكن فعلا الكلام اللي بقوله ده من القلب....و ليس مجرد مقال هيتنشر في الجريده و افرح و اوريه للناس....
لأن الموضوع ان معظم البشر شايفه نفسها طيبه و بتعامل الناس بما يرضي الله
ولكن فعلا اللي اكتشفته ان نادرا اللي بيعرف يتعامل مع اللي حوليه معامله صدق من القلب....
اما بقي الممثلين و الكومبارسات .....
فتلاقي الناس بتتعامل مع بعض في منتهي السطحيه ....بحس فعلا ان كله تمثيل في تمثيل
يعني فعلا صعب تلاقي واحد بيسأل عليك لأنه بيحبك من قلبه ....
و الكلام ده انا بقوله لأني حاولت افهم هي ليه الناس كده....و ياريت ما فهمت
و كنت فاكر ان العيب في الناس ....لاكن طلع العيب فيا ....
لأني عايز فعلا احبهم و اودهم....
كتير منكم ما يعرفونيش شخصيا و كتير يعرفني.....
و انا اعتبره معرفه فعلا سطحيه.....
لأني في الظاهر ممكن أكون شخصيه انفعاليه بعض الاحيان....
و لكن ممكن اقول اجتماعي بعض الشيء....
مع النقيض اني شخصيه متأمله جدا . احب ان اجلس بمفردي بعض الاحيان
للتأمل في مواضيع الحياه ....
و من اهمها استنتاجي الموضوع دا...اللي استغرق مني تفكير كثير
و اللي فعلا اكتشفته ان الناس ليها تعامل خاص.....و يمكن هما بيعرفوا يتعاملوا مع بعض
وخلاص متعودين علي كده.... و مش شايفين مشاكل مع بعض
لأن تعاملهم كلهم ذي بعض..
بس انا لسه مش عارف ....
يعني انا عرفت ناس ذي ما بيقولو اد شعر راسي.. عرفت الحلو و الوحش و الاستغلالي....عرفت من كل الشخصيات....
و لكن عندهم حاجه مشتركه ....مايعرفوش يعني ايه مشاعر بين الناس
يعني ايه فعلا انا بحبك!!.....من القلب مش سطحي
و فعلا اللي صدموني....اللي بيقول انه متدين...
و انا ليا اصحاب كثير الان ....و بحبهم و بيحبوني.....
بس احساسي بالحب ده منهم ..انه سطحي .... و حب سطحي مش ذي مانتوا فاكرين....
لأ...
حب سطحي يعني بيحبني و بحبه و يكلمني و اكلمه....و اشوفه و احكيله و يحكيلي
بس في النهايه قد اكون مجرد شخص عابر ...كنت صاحبه و خلاص عدت ايامي
و انها صداقه مكانيه...
يعني معاك في المدرسه او في الشغل او الجامعه.....
ولكن سهل زوال الصداقه بأنهاء فتره العمل.....(يعني فتره المصلحه اللي كنتوا بتمصلحوا علي بعض فيها)
انا الحمد لله بحاول اني مانساش اي حد من اصدقائي حتا لو من الابتدائيه....
يعني انا حاولت دوام الصداقه بين اصحابي بالمدرسه القديمه ...مشيت منها بعد اولي اعدادي
و لكن انا متأكد لولا اني كنت حريص عليها....ما كنش حد سأل عليا
و رغم ذلك تمر الحياه الطبيعيه ....اللي بالنسبالي مش طبيعيه
و ممكن شويه بشويه مش هعرف حتا اذ كانوا احياء ام اموات.....
و اللي اكتشفته ايضا....حاجه غريبه....و غير مريحه بالمره
و هي تتلخص في جمله (اللي تعبره مايعبركش واللي ماتعبروش يعبرك)
و فعلا الجمله ديه علي حق.....و اختبارتها في حياتي
بسؤالي علي اصحابي و معارفي....اما عن طريق التليفون او حتا علي النت
بس كتير بطبق معاهم (اللي ما تعبروش يعبرك) بعد محاولات في السؤال
و لكن في الحالتين مش مستريح.....انا عايز حاجه في النص
بس حاليا لسه ماكتشفتش بقيت الجمله
كتير دلوقتي منكم اكيد هيقول....ايوه انا الشخص ده اللي بحب الناس ...و بسأل عليهم
بس صحيح الناس هي اللي مش كويسه.....
و لكن بدون اي زعل.....ممكن تكون من الناس اللي مش بتسأل علي حد....
اللي حبك ليهم سطحي .....
و قد اكون انا سطحي مع بعض الناس و انا مش عارف....و لكن بحاول علي قد استطاعتي
ومن الحاجات اللي بقيت تستفزني جدا و بعتبره صوره حيه عن حياتنا...
هو النت
بقيت احس انه عباره عن دميه علي هيئه انسان...بتكلم....و تتظاهر انها فاهمه
و لكنها جماد تأخد اوامر فقط ....
و ده بقي حالنا فعلا.....ممكن اعرف واحد عن طريق النت عن طريق اي شيء
قد يكون فيه صله بنا.....و تكلمه و يكلمك علي الماسنجر...
(و حبيبي ... و واحشني ...و حبي).....و كلام من المسرح الكبير
و فجأه تنقطع الصله ولا كانه يعرفك و يمسح (ايمالك) ....و تدوم الايام
و من الحاجات اللي بقيت الاحظها هنا في المنتدي....
مش عارف يتقال عليها ايه بصراحه....اني الاقي مثلا موضوع حلو و محدش بيرد اوي
و الاقي موضوع ممكن يكون هايف والاقي ناس كتير بترد.....
بس مع الملاحظه ..لقيت ان الرد حسب صاحب الموضوع...
هل هو حبيبي ام لا!!!!!....
و الاقي ناس بتنقد موضوع و تجامل موضوع ....و تلاقيهم الاتنين ذي بعض من ناحيه الافاده
فهل ديه تعتبرمجاملات مزيفه ......ام ايه؟؟؟؟
و بصراحه بدون مبالغه حوالي يجي 95 % من الناس كده....و يمكن اكثر
بس لسه ما شفتش غير يجي 0.1% من 5%
و بجد بتمني يرجع بيا الزمن و ابقي طفل زي زمان.....
اهو عندي صحابي بلعب معاهم و خلاص..و مش فاهم حاجه
و اسف علي الاطاله....و علي العموم هو فقط موضوع
قد يستفاد منه البعض
و البعض الاخر يتخذه فقط موضوع من الموضوعات ..و يندثر تحت صفحات المنتدي