ألف مبروك رزقك الله خيرها ، وكفاك شرها
عرض للطباعة
ألف مبروك رزقك الله خيرها ، وكفاك شرها
والله يجماعه مش هقدر اوصفلكم سعادتي بيكم واهتمامكم انكم تبركولي مع ان انا جديد في الموقع ومكنتش متوقع كل الاهداءت الجميله ديه منكم ربنا يخليكم كلكم ويكرمكم يارب
انا ان شاء الله هصور العربيه ونزلكم صور ليها مستني بس لحد مرخص واخلص ورق بنك وتامين وكده
واهقول كل حاجه ان شاء الله
هو بس مبدائيا انا حبتها 185 الف طبعا اوفر برايس عشان اريح دماغي وكنت حاجز بقالي كتير في اوتو ولحد دلواتي لسه مش وصلت فقولت اخلص وازود 10000 واخلص وربنا يكرم ان شاء الله
العربيه بقي مشاء الله تحفه تحفه تحفه
خصوصا انا كان معايا مانيوال واول مره اسوق اوتميتك فطبعا حاسس اني عايز اعمل حاجه في حاجه ناقصه كل شويه ايدي تروح للفتيس عشان انقل
هي رائعه بمعني الكلمه سحب رائع عفشه جيده تكيف مشاء الله روعه
وطبعا المفتاح الذكي ده روعه مش محتاج كل شويه اطلع المفتاع وافتح السياره وادور والكلام القديم ده لا مجرد انه في جبي اقدر افتح الباب بالبصمه واقدر ادور العربيه
وفيها سي ديه 6 اسطوانات طبعا حطيت كل الاسطوانات اللي معايا عشان مش كل شويه اغير سي ديه واتعب نفسي التكيف منفصل يعني كل كرسي ليه تكيفه وممكن ازود واحد عن واحد يعني قدام السواق والكرسي اللي جنبه كل واحد ليه البكره بتاعته لوحدها عجباني اوي فيها
كل ده كوم والبانروما كوم تاني بجد تحفه تحفه تحفه معايشك جو رهيب ورائع خصوصا بليل كده وانتي ماشي في الشوراع
الثيات بتاعها حلو انا جبت بيها 140 وكانت ثابته علي الطريق الحمد الله
ان شاء الله هنزل صور باذن الله
واسف علي الاطاله ومعلشي ممكن يكون شرحي مش كامل ومش وافي عشان علي قدي بقي
انا اخترت اللون الفراني
الف مبروك
ربنا يديك خيرها و يكفيك شرها
و يسعدك بيها ان شاء الله
الف مبروك ربنا يبارك لك فيها .......... انتم السابقون و نحن الاحقوم ان شاء الله ..... انا نفسي اجيبها جدا
الف مبرووووووووووووك عربية حلوة
ربنا يباركلك فيها
ماشاء الله لا قوة إلا بالله اللهم زد وبارك يا رب العالمين ، ربنا يباركلك فيها تيفا ويرزقك خيرها ويكفيك شرها ، وربنا يهنيك بيها ويبعد عنك شر عيون الناس في انتظار تقريرك يا جميل وطبعاً النجم أحمد مصطفى اكيد هيكون ليه لمسة في التقرير عشان الكل يستفيد ،
الف مبروك وربنا يباركلك فيها
اخبار العزل بتاعها ايه يعنى وانت قافل الزجاج صوت الموتور مسموع لانهى درجة.؟وصوت احتكاك الكاوتش على الطريق ؟
واخبار استهلاك البنزين بتاعها ايه ؟
مبروك عليك أختيار موفق بأذن الله
الف مبروك
وربنا يباركلك فيها